I Vakolintu 2:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Malove angu na kuvalanganga kwangu hakuvéle kwamalove akuutila kwalimanyilo kanji kwakulilodya kwa Imumu na kwadimongo

I Vakolintu 2:4 Cross References

Vitendo 20:27

mwaa ndivalanganga panikapiyapiyanga malotelo uti a Nnungu.

Vitendo 26:28

Agilipa kutwala kushidoni, “Da wako muwakati wo padyoko au ulota ungushombe nguve ninklistu!”

Valoma 15:13

Napane Nnungu walilindilililo amuumbadye lipuwilo uti pamo na amani nkati mukukulupila pakulota kwaindila yadimongo dya Imumu Wanashwe, muumbaligwe na lilindilililo.

Valoma 15:19

kwadimongo dyavimanyikilo na vyakutikinikanga, kwadimongo dya Imumu wa Nnungu. Nadoni kwangu nangu apa, kutunduvangila pa Yelusalemu na indila uti mpaka ku Ililiku ndivalanganga ngala ntenga wambone umwe Klistu.

Valoma 16:18

Mwaa vanu kenga ava havanantumika shinu Klistu Umu wetu kanji vatumika vitumbo vyave. Kwamalove ave akuutila na lutumbyango, vankuduwanga mitima vyavanu vákajavanianga.

I Vakolintu 1:17

Doni, Klistu hangutumididye pakulota ndivape vanu ubatisho kanji nguvalangange ntenga wambone i kwalimanyilo lyashitangodi kwambangidya nshalaba umwe Klistu, haunagalukange.

I Vakolintu 2:1

Mmanung'unumunu, nangu pangwidile kwenu hanimmalangangidile ushuda wa Nnungu kwashitangodi shakumanyangila kwali shalimanyilo.

I Vakolintu 2:13

Vyanavo momo tunkutangola i kwamalove apundishígwa kwalimanyilo lyashimunumunu kanji kwamalove apundishígwa kwa Imumu avalangangilila umwiu waimumu kwa avalá vaimumu.

I Vakolintu 4:20

Mwaa utawala wa Nnungu haunava shinu mukutangola kanji unkupagwa mudimongo.

II Vakolintu 6:6

kwaungave-ushapu, kwalimanyilo, kwakulipililila, kwalitananilo, kwa Imumu Wanashwe, kwalinagwaledyo líkave shinankulaba,

Vagalata 1:10

Da mwenu mwona kenga ambi apa ngulota ndivashombe vanu kwali Nnungu? Kwali ngulota ivanagwele vanu? Leka ìvele yakuvanagwela vanu mpaka ambi apa, bai nangu hangunave nintumwa wake Klistu.

Vakoloshu 2:4

Avi ninkumwaulila pakulota hanapagwe munu wakunduwanga na malove akuutila

I Vateshalonika 1:5

pakuva ntenga wambone wetu umwikidilé mwenu i gweka kwalilove kanji namomo kwadimongo, kwa Imumu Wanashwe na nkati mukwakikishidya uti kenga mo mwamumanyilile mwashi mwatunamidile pakati penu kwamwaa wenu mwenu.

I Patulu 1:12

Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.

II Patulu 1:16

Kwamwiu, patummalangangidile dimongo na kwida kumwe Umu wetu Yesu Klistu, hatwodile mikong'o vyavapanganienge shana kanji wewe tuvene ni tuvashuda túgwene ukumene wake.

II Patulu 2:18

Vovo vo, vatangola malove akulyona amambinya, kwaditamaa dyave dyashimunumunu, vankuvashomba avalá vapalanywéke muwakati wakuvandika kwavanu valilangalaléla mukukowa.