I Timoti 2:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Nkongwe jo napane andaambwalegwa avavaleka vana ikava kenga nae andauka mushu mulikulupililo, mulinagwaledyo, mukwilimyanga pamo na kutulila.

I Timoti 2:15 Cross References

Lukashi 2:7

kutwala kummaleka mwana nnume wakulijedya. Nae kunkulunganga mwinguvo kunnadya mushombo shakulyela vanyama mwaa shumba shavajeni havapatíle lyutu lyakulala.

I Vakolintu 12:23

Dimbandi dyamumili dyatukumbukila kenga dindinyambikanga ni dyodyo dyatutanana namene. Dimbandi dyatwona kuva dyadyoni, adyo tunkwishimu namene.

I Timoti 1:14

Napane umonyo umwe Umu undipakatika namene kwangu nangu kwalikulupililo na linagwaledyo lipagwíte nkati mumwe Klistu Yesu.

I Timoti 1:5

Malotelo napane amalailililo etu ni linagwaledyo lyúma muntima úkave ushapu, makumbukililo ambone amuntima na likulupililo líkave shinankulaba.

I Timoti 2:9

Nimumo momo vakongwe valinemye kwadinguvo dyaishima, kwakutulila na kwakulilaledya i kwakuluka ugwimbu na ata kwashaabu kwali majanga amali kwali dinguvo dyabei

Titu 2:12

utupundisha kwita ungave Nnungu na malotelo ashimunumunu tuname shinamidyo shading'ano, shaishaliya na shakunjopa Nnungu muwakati au

I Patulu 4:7

Mwenu, mwisho wavinu uti undivandika. Nadoni lipange muding'ano dyenu, namomo ava mevo kwamwaa wakushwali kwenu.