II Vateshalonika 2:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Kwida kumwe waungave-lilamulo kulota kwodananavo shimadengo shimwe Shatwani kwadimongo uti, vimanyikilo na vyakutikinikanga vyaushwang'a

II Vateshalonika 2:9 Cross References

Mateu 12:22

Napanelo vanu vandímwidanavo kumwe Yesu munu jumo walijini, wakuputala mevo na bubu nae kumponia, munu jo kutangola na kulola.

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Mateu 4:10

Yesu napane kushidoni, “Kuka apa Shatwani! Mwaa indyandikigwa doni, ‘Lipudye kumwe Umu Nnungu wako na untumikile jojo bai.’ ”

Malukushi 13:22

Mwaa vandaumilila vaklistu vakushang'apa pamo na vakulava vakushang'apa. Vovo vo, vandatenda vimanyikilo na vyakutikinikanga kwambangidya vavaashadyange ikaulukika vakutandalegwa.

Lukashi 11:25

Pawika, anákodya ing'ande yo vàpyailenge na vinu vàvikenge shana;

Nshuwau 4:48

Yesu kutwala kushidoni, “Yani mwenu apa mukanona vimanyikilo na vyakutikinikanga mwiko hamunakulupila.”

Nshuwau 8:41

Mwenu mutenda vyatandile tatagwenu.” Kutwala vanavo kushidoni, “Hatunava shinu wetu tuvana vakuvaiva. Wetu tunkuvanavo Tatagwetu jumo, Nnungu.”

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

Vitendo 13:10

“Umwana umwe Ndamoni gwe! Ummongo waishaliya gwe! Umunu wakukubyaa ushwang'a na vitendo vyakunyata gwe! Da wako ulota kuleka duvani kudinguwanga dindila dyashalowa dyake Umu?

II Vakolintu 11:14

Ashi hashinava shakutikinika mwaa jo mwene Shatwani, nae andálijaluwanga kuva njelo walilangadyo.

II Vakolintu 11:3

Kanji shangujopa ni ashi, kenga mo mwanduwangidídye nyoka Eva kwaujanja wake, ding'anong'ano dyenu inkuululika kumwashadyanga mukulipudya kwiu na kúkave ushapu kumwe Klistu.

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

Vaepeshu 2:2

Muvinu avyo, mwenu mushindanama kwodana na inamuna yashilambo ashi na kwodana na nkútawala wamadalaka akuniania, imumu ikóla ambi apa madengo muvakaigwilila.

II Timoti 3:8

Kulingana kenga momo Yaneshi namu Yambaleshi vanímpinga Musha, namomo vanavo vankupinga umwiu; ni vanu vatimbikénge ding'ano dyave, vanu vákave mana kwalikulupililo.

Tiyagu 3:15

Shinamidyo ashi hashinalangalalegwa shinu na limanyilo lyakwalakela kuwa ila ni lyashilambo sho shapai ashi, lyashivalakwelo na lyashindamoni.

Maono 12:17

Bai lijoka jo anínshimwidya nkongwe aijá akalinyemya kuka ndavatenda ing'ondo udukulu ubakidíle wankongwe yani avalá vaigwilíla malamulo a Nnungu na vakamulidíle ushuda wake Yesu.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Maono 18:23

Mulingongo lyako, mwiko hamulangala kavili moto wavyenje. Nkati mwako, mwiko haliigwinika kavili lidi lyankúlomba kwali nkúlombwa. Mwaa vamishulusho vako, vavéle vakumene mushilambo shapai, kwawavi wako, venentete uti vandyáshalanga,

Maono 19:20

Kanji lidimu aijá, vanínkamula pamo namu nkúlava wakushang'apa áshitenda vimanyikilo palina lyake avaduwanga vanu vapwashaladíle numalu umwe aijá lidimu na kulipudya kulishinamu lyake. Uti ava vavili vandíjalegwa mulitanda lyamoto likaléla na ipataki vàvele vangumi.

Maono 20:10

Ndamoni áshivaduwanga, vaninjela mulitanda lyamoto likaléla na ipataki mo mwavele lidimu pamo namu nkúlava wakushang'apa. Amo vanavo vandapata mauvilo ngwengwe ngwengwe shilo na mui.

Maono 9:11

Vovo vo, vankuvanavo umu wave yani njelo wa ku Litavaleva, mushibalaniya Abadoni na mushigalegu, Apoliyoni.