II Timoti 4:22 - Ibibiliya mu Shimakonde Imbodi Yaambi na dimbande dya Imbodi Yakala

²² Umu apagwe pamo na imumu yako. Umonyo upagwe namu mwenu.

II Timoti 4:22 Cross References

Mateu 28:20

na muvapundisha kutandedya uti avilá vyaninnamulidile. Nadoni nangu ninkupagwa namu mwenu mumaduva uti mpaka mwisho wawakati.”

Valoma 1:7

Kwenu mwenu uti múpagwa ku Loma, mwemwe mmakunagwaleka vake Nnungu na múshamagwidye muve mmakwilimyanga. Umonyo upagwe kwenu mwenu na amani yakwalakela kumwe Nnungu Tatagwetu na kumwe Umu Yesu Klistu.

Valoma 16:20

Nnungu waamani anankandinneu Shatwani ambi apa mmadodo mwenu. Umonyo umwe Umu wetu Yesu upagwe namu mwenu.

I Vakolintu 16:23

Umonyo umwe Umu Yesu upagwe namu mwenu.

II Vakolintu 13:14

Umonyo umwe Umu Yesu Klistu, linagwaledyo lyake Nnungu na upamo wa Imumu Wanashwe vipagwe namu mwenu uti.

Vagalata 6:18

Mmanung'unumunu, umonyo umwe Umu wetu Yesu Klistu upagwe na imumu yenu. Ame.

Vaepeshu 6:24

Umonyo upagwe na avalá uti vannagwalédya Umu wetu Yesu Klistu kwalinagwaledyo líkave mwisho.

Vapilipo 4:23

Umonyo umwe Umu wetu Yesu Klistu upagwe mushingumi shenu.

Vakoloshu 4:18

Nangu Paulu ninkumwandikila nandele aju na nkono wangu nimwene. Kumbukila mang'unyang'unya angu. Umonyo upagwe kwenu mwenu.

I Timoti 6:21

Kwakulivalanganga vinu avi, vanji vandyashalanga mulikulupililo. Umonyo upagwe namu mwenu.

Pilemoni 1:25

Umonyo umwe Umu Yesu Klistu upagwe pamo na imumu yenu.

I Patulu 5:14

Tumidyania nandele kwashimanyikilo shalinagwaledyo. Amani ipagwe kwenu mwenu uti múvele nkati mumwe Klistu.

Maono 22:21

Umonyo umwe Umu Yesu upagwe na mwenu uti. Ame.