II Timoti 3:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ na kumanya kenga tangu shidyoko shako undimanya Maandiko akwilimyanga aululíka kukutadya kuva walimanyilo kwakwambolegwa kwaindila yalikulupililo nkati mumwe Klistu Yesu.

II Timoti 3:15 Cross References

Mateu 22:29

Yesu kushidoni, “Mwenu munkuduwangika mwaa me kumanya Maandiko na ata dimongo dyake Nnungu.

Lukashi 1:15

mwaa jojo jo, Umu anankulupila namene. Nae hakumbila shinu ugwalwa wakuma muvyepo na ata shinu shoeshoe shakwambalwisha. Imumu Wanashwe andapagwa namu nae kutunduvangila ata mo mmunda mwanyoke.

Lukashi 2:40

Bai mwana jo ashindakulumuka, ashindang'amukanga avanavo limanyilo lyoe na litananilo lyake Nnungu lishandapagwa kwake nae.

Lukashi 24:27

Bai nae mumaandiko uti andíviigwiniya kutunduvangila kumwe Musha na kwavakulava vinu vimwámba nae.

Lukashi 24:32

Bai vanavo vandyáulanila, “Da mitima vyetu havishitubuka pashitutangalela niindila atwigwiniya Maandiko?”

Lukashi 24:45

Bai andívaungula myuti pakulota vaigwe shana Maandiko

Nshuwau 5:47

Napane ikava kenga hamunakulupila shinu vyandike Musha, mulota kukulupila dashi malove angu?”

Vitendo 10:43

Ajo vakulava uti vankumuumidya ushuda kenga kula munu ánkulupila nae ankupata kulivalivigwa kwamadambi kwaindila yalina lyake.”

Vitendo 13:29

Napanelo vakatandedye uti avilá vyavaandike vimwámba nae, vanínshuluwa panshalaba kuka nammika mushonga

Vitendo 16:1

Nae andyúka mushu na shimwanda shake mpaka pa Delebe na pa Lishitala; napanelo palyutu alyo ashindanama nkwóda jumo walina Timoti; anyoke avele nkúkulupila walikola lyashiyuda kanji tatake avele mugalegu.

Vitendo 17:2

Napanelo mudishumana nnatu mumaduva akupumula, Paulu kenga lidyavalelo lyake andyúka kushitala shakulipudidya ndataukananganavo vayuda atunduvangila mu Maandiko

Vitendo 26:24

Bai Paulu pashitangola avi alishililidya, Pestu andítangola pashanya po aashidoni, “Wako Paulu unkudulumbuka! Mashomo ako oe lo, ankukudulumbuwa.”

Valoma 1:2

wo walivikidile tangu kala kwaindila yavakulava vake nkati mumaandiko akwilimyanga

Valoma 16:26

kanji napane, shindyunukuligwa na kwaindila yamaandiko akulava shindimanyika kwavenentete uti kwodananavo lilamulo lyake Nnungu ákamalilika pakulota kupagwe kwigwilila kwalikulupililo;

Valoma 2:27

Aijá ákakumuligwe mumili kanji áigwilila lilamulo, andakuukumu wako úvenavo lilamulo lyandikígwe na shitendo shakukumuligwa kanji lilamulo lyo, upujungula.

I Vakolintu 1:21

Doni, kutunduvangila mo mulimanyilo lyake Nnungu shilambo hashuukile nammanya Nnungu kwaindila yalimanyilo, inínnagwela Nnungu kwaindila yaujinga aulá watuvalanganga wetu kuvaambola avalá vakulupidíle.

Vaepeshu 6:4

Namwenu mmatatamunu, hamunavatae shitundi vanavenu kanji valele mumapundisho na mukuduma kwake Umu.

I Timoti 4:13

Mpaka pangulota kwida, angaikangila kushomya Maandiko paumbala, kulaililila na kupundisha.

II Timoti 1:1

Paulu, myombe umwe Klistu Yesu kwalilotelo lyake Nnungu kwakwodanavo kulivikila kwashingumi shipagwíte nkati mumwe Klistu Yesu,

II Timoti 1:5

Ninkukumbukila likulupililo lyako liu lyo lye lipagwíte shitandi kwanakuluvo Loide na kwanyoko Eunike na ambi apa ninkuvanavo wakika kenga linkupagwa nkati mwako.

II Patulu 3:16

nae andyandika dibalugwa dyake uti kwainamuna imo yoyo, nkati mo avalanganga myaa vyoyo. Mudibalugwa dyake vinkupagwa vinu vikamadyánga kwigwa shana, vinu avyo vanu vajinga na vákananwepe, vankutindinganianga kenga mwavatindinganiangidya mudisemu dinji dyamaandiko pakulota kulibamola vo vene.

Maono 19:10

Napanelo ndígwilangila mmadodo mwake pakulota ngulipudye kwake kanji nae kushidoni, “Haunatende davo! Nangu ni ntumika kenga wako na kenga vanung'unumunu vavénavo likulupililo muushuda wake Yesu. Lipudye kumwe Nnungu! Mwaa ushuda ummalangánga Yesu ni imumu yakulava.”