II Timoti 3:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Kwakutangola mwiu kula álota kunama shinamidyo shakunjopa Nnungu nkati mumwe Klistu Yesu, andapapatigwa.

II Timoti 3:12 Cross References

Mateu 16:24

Bai kutwala kuvaulila vakwoda vake doni, “Munu akalota kungwoda nangu, alishukulu jo mwene anyukate nshalaba wake angwode.

Mateu 23:34

Napavedoni nangu ninkuntumididya mwenu vakulava, vanu valimanyilo na vamwalimu. Napane mwenu vovo vo, vanji mundavabyaa, vanji kuvapambilila, vanji muvitala vyenu vyakulipudidya kuvashapa viboko na vovo vo, kula likaja mundavalumbata.

Malukushi 10:30

munu aju muwakati wowo au, kwakwanjadyeka myanda miya andapata ding'ande adyo, vanung'unumunu avo, valumbumunu avo, vajujumunu avo, vana avo na mashamba alo pamo na kupapatigwa. Namomo muwakati wída, munu ajo andapata shingumi shíkamalilika.

Nshuwau 16:2

Mwenu mundavingigwa muvitala vyakulipudidya; leka apo, wakati unkuwika umwe aijá álota kummyaa mwenu andona kenga alipudya kwa Nnungu.

Nshuwau 16:33

Vinu avi nangu nimwaulila pakulota nkati mwangu, mwenu muvenavo amani. Mushilambo mundapata mauvilo kanji lyunge ntima; nangu nditema shilambo.”

Nshuwau 17:14

Nangu ndivapa lilove lyako kutwala vashilambo kuvavangedya mwaa havanava shinu vashilambo; vanavo vavelé mo mwanguvalalele nangu ndikave washilambo.

Vitendo 14:22

Mumakaja alo, vanavo vashindapita vavanonowanga vakwoda vavapa ntima pakulota vauke mushu mulikulupililo na vavamanyiya doni, “Indivaikila tupite mumauvilo oe kwambangidya twinjile muutawala wa Nnungu.”

I Vakolintu 15:19

Ikava kenga tunkuvanavo lilindilililo nkati mumwe Klistu mushingumi shosho ashi tu bai, wetu ni tuvanu túvaikidile twanangiligwe shididi kuliko vanu uti.

II Vakolintu 1:12

Kulitamanga kwetu ni aku, makumbukililo etu amuntima ankumya ushuda kenga mwatunamila mushilambo amu na kupunda namene kwenu mwenu kuvelé kwakulishapeya na ushalowa walóka kumwe Nnungu i kwalimanyilo lyashimunumunu kanji kwaumonyo wake Nnungu.

II Vakolintu 4:9

tunkupapatigwa kanji hatunaambukangigwa shinu; tunkuligwanga kanji hatunabamalegwa shinu,

I Timoti 2:2

kwavaumu na kwauti avalá vavénavo madalaka pakulota tuname shinamidyo shaamani na shakutulila nkati mukunjopa Nnungu na ishima uti.

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

I Timoti 6:3

Munu woewoe akapundisha mapundisho akuvilingananga na ákaitikananga na malove mangumi amwe Umu wetu Yesu Klistu na ata mapundisho aodánanavo kunjopa Nnungu,

Titu 1:1

Paulu, ntumwa umwe Nnungu na myombe umwe Yesu Klistu kwaupande walikulupililo lyavakutandalegwa na kwakumanya umwiu kulingananavo kunjopa Nnungu,

Titu 2:12

utupundisha kwita ungave Nnungu na malotelo ashimunumunu tuname shinamidyo shading'ano, shaishaliya na shakunjopa Nnungu muwakati au

I Patulu 3:14

Kanji ikava kenga mundauvauvanga kwamwaa waishaliya, mwenu po mundaalaligwa. “Hamunavajope vanavo; namomo hamunashushukange.”

II Patulu 3:11

Napanelo kwoda vinu uti vindatimbikanga, mwenu po immaikidile muname shinamidyo shani? Immaikidile muname shinamidyo shakwilimyanga na shakunjopa Nnungu

Maono 12:4

Nshila wake andíkumba imbandi yantatu yadinondo dyakuwa kutwala kupakatiyangidya pai. Lijoka andíimila pepi na pavéle nkongwe aijá ávandike na kushuluwa annindila mwana palota kuvalekwa, ammile.

Maono 7:14

Nangu kushidoni, “Nang'olo, wako ni úmanyite.” Nae doni, “Ava ni avalá vaalakadíle mmauvilo akujowa, vashapénge dikanju dyave mumyadi vya Ngandolo kutwala kuva dyanashwe.