II Timoti 3:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Kanji napane wako undyodedya pepi-pepi mapundisho angu, shiwanedi shangu, nnugu wangu, likulupililo lyangu, kulipililila kwangu, linagwaledyo lyangu, kunanopa kwangu,

II Timoti 3:10 Cross References

Lukashi 1:3

Napanelo nanangu yadavo, pangulambadile kumanya shana vinu uti kutunduvangila kunantandi, ininguvaila ngwandike nikupangila shana

Vitendo 11:23

Balinaba akawike kwanavo akone umonyo wa Nnungu pakati pave andípuwanga namene na ashindavanonowanga vanu uti pakulota vavenavo ntima wakukulupilika na kuvalaililila havanamwambukange Umu

Vitendo 2:42

Napanelo vanavo vashindangaikangila mapundisho avamyombe, upamo, kumajananga ligung'u na kushwali.

Vitendo 20:18

Pavawikile nae andívaulila doni, “Mwenu mundimanya mwangunamidile nangu panguvéle namu mwenu kutunduvangila muliduva lyangu litandi lyanguluvete akuno ku Ashiya.

Vitendo 26:4

“Vayuda uti vandimanya mwangunamidile nangu kutunduvangila shidyoko shangu shangupitile tangu kunantandi pakati pavenentetemwangu na pa Yelusalemu.

Valoma 16:17

Ninkunnaililila mmanung'unumunu pakulota mulishunge kwa avalá váidanavo kujavanikana na kuvika ligogo mapundisho amulipundishidye mwenu. Vaambukange vanu avo!

II Vakolintu 1:17

Da pangushipanga davo po, ngwaneké kenga nimunu wakudumbadumba? Kwali ngutenda milugu vyangu kwashimunu muwakati umo wowo nguushidoni, “Elo, elo” namomo “Mene, mene”?

Vaepeshu 4:14

kwambangidya dashi, hatunave tuvadyoko túgang'alegwa na mawimbi na tuvambaluwigwa kwakula imepo yamapundisho kwaujanja wavanu vaodédya mukuduwanga milugu vyakushang'apa.

Vapilipo 2:20

Mwaa hanguvenavo munu junji ávenavo makumbukililo lolo álota kumwangaikangila mwenu mwiu mwiu.

Vapilipo 2:22

Kanji napane mwenu mundimanya mana aanakanénge kwake nae mwaa kenga mwana na tatamunu, nae anditumika namu nangu muntenga wambone.

I Vateshalonika 1:5

pakuva ntenga wambone wetu umwikidilé mwenu i gweka kwalilove kanji namomo kwadimongo, kwa Imumu Wanashwe na nkati mukwakikishidya uti kenga mo mwamumanyilile mwashi mwatunamidile pakati penu kwamwaa wenu mwenu.

I Timoti 1:3

Kulingana kenga mo mwandikulaililidile nguka ku Makedoniya, wako pagwa ku Epeshu pakulota uvalamulile vanu vanji havanapundishe mapundisho anji

I Timoti 4:6

Ukavaulila vinu avi vanung'unumunu, undava ntumika wambone umwe Klistu Yesu ulidyavalakedya kwamalove alikulupililo na amapundisho ambone awodedya.

I Timoti 6:11

Kanji napane wako umunu wa Nnungu linyemye muvinu avyo. Vingilidya napane ishaliya, kunjopa Nnungu, likulupililo, linagwaledyo, lipililililo na upole.

II Timoti 2:22

Tukuta ditamaa uti dyashinemba, vingilidya ishaliya, likulupililo, linagwaledyo na amani pamo na avalá vantambulánga Umu na ntima úkave ushapu.

II Timoti 4:2

valanganga lilove lyake Nnungu, ava tayali wakati uvaikidíle na úkavaikidile, shashulanga, shulanga, laililila kwaupole uti na kwakupundisha.

II Timoti 4:3

Mwaa undawika wakati wavakalota kulipililila vanu mapundisho mangumi kanji vavanavo matu akunyang'anyang'a, vandalyumbadidya vamwalimu kwodananavo ditamaa dyave vo vene.

II Timoti 4:7

Nditenda ing'ondo yambone, ndimalila mashindano, ndishunga likulupililo.

Titu 2:7

gwegwe umwene ulilodya kuva mpano wavitendo vyambone muvinu uti. Mumapundisho ako lo, lodya umwiu ungave-dimbenje

Vabalaniya 13:9

Hamunaleke mutwaligwa mumapundisho oeoe ashijeni mwaa shambone mitima vyetu kunonowangika muumonyo i kwavyakulya víkavaalalidye avalá vaalíle.

II Patulu 3:11

Napanelo kwoda vinu uti vindatimbikanga, mwenu po immaikidile muname shinamidyo shani? Immaikidile muname shinamidyo shakwilimyanga na shakunjopa Nnungu