Pʉɔ-Lɔ́mɑ 9:31 - Kɑɑ Fí

³¹ ŋ́kɛ́ ŋ́ɡʉ nǔu Pɑíslɑyɛ̂l pi pɔ́p kɑ pɔ́ ńdɔɔ nɛfú pɔ nǔu nɛkúꞋlɛ nɛpʉ́ʉ-Mɔ̌sɛ̂ɛ ḿbɔ́ pʉɔ pi pɔ́p ndʉ́ŋndʉŋ mbi Sɛ́, mbɔ pɔ́p ŋkɑɑ kuꞋ, wɔ́p sɛ̂ndúŋ pɔ́p mɔ́p ncẅɛtnɛ ndɑ́ nɛpʉ́ʉ ŋkɑɑ kɛ́ ḿbuutɛ pɔ́.

Pʉɔ-Lɔ́mɑ 9:31 Cross References

Pʉɔ-Lɔ́mɑ 10:20

Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ sɑ́ɑnɛ sɑ́ɑnɛ́nɛ ḿbɛn ńcú ŋɡɔ Sɛ́ cúnɛ ŋɡɔ: pʉɔ pi pɔ́p kɑ zɛɛ ḿbɔɔ ńdɔɔ wɑ́ɑ pɔ́ jí wɑ́ɑ. Ŋ kɑ pɛn ńnyɛt mbʉʉ yɔ njɛ́Ꞌ-pʉɔ pi pɔ́p kɑ́ kɛ́ ḿbɔ́ ńdɔ́ɔ yɛcɔ́ yúu mbɔ̌ mɔ pɔ́.

Pʉɔ-Lɔ́mɑ 11:7

Ɛ́ pɔ́Ꞌɔ, ńdɔk ḿbɔ́ ŋɡɔ́ku? Ɛ́ lɔk ḿbɔ́ ŋɡɔ yúu mi pɑíslɑyɛ̂l kɑ pɔ́ ńdɔɔ pɔ́p ŋ́kɑɑ jʉ́ɔ pɛ́tsʉʉ pɔ́. Pɛcɔ́ ntɑ́Ꞌpʉɔ tsɛtsɛt pɔ́p pi Sɛ́ kɑ tsɔ́Ꞌnɛ kɑ jʉ́ɔnɛ. Ɛ́ tsʉ́Ꞌ pfuꞋ, Sɛ́ nɑ́ wɔ́p pɔ́p tɛn ndʉꞋ.

Pʉɔ-Lɔ́mɑ 3:20

Ɛ́ pɑ́Ꞌɑ mbíꞋŋɡɔ ŋu kɛ́ lɑ́Ꞌ ńdɔk pɑ́Ꞌ ɑ cúnɛ ŋɡɔ ɑ ɡɛ yúu mi nɛpʉ́ʉ sɛ́ mbíkŋɛ, tʉʉ mbi Sɛ́ ḿbɔ́ ndʉ́ŋndʉŋ pɔ́. FɑꞋ-nɛpʉ́ʉ zɛɛ ḿbɔ́ nɛnyɛt pʉɔmɛsɔŋ ŋɡɔ pɔ́p jí ŋɡɔ pɔ́p ɡɛ nu kɛpɔŋ.»

Pʉɔ-Lɔ́mɑ 3:27

Tɛ ɛ́ pɑ́Ꞌɑ yɛcɔ́ yúu mi mbɔ ŋumɛsɔŋ pɛn ńdɔk ŋ́ŋɑ́Ꞌtɛ pɔ́ ɡú? Ŋɡɑ́ŋ ɛ́ kɑ́ pɛn ḿbɔ́ ɡú pɔ́ kɑ́ɑ yɛcɔ́ yúu. Pɔ́Ꞌɔ, mɛlɑ́Ꞌ kʉ̈ɔ́? MbíꞋŋɡɔ yúu mi Sɛ́ zẅíꞋlɛ́nɛ, kɑ́ pɔ́ pɔ ŋu nɛcú ŋɡɔ ɑ ɡɛ yúu mi nɛpʉ́ʉ sɛ́ píkŋɛ pɔ́, ɛ́ pɔ́ pɔ ŋu nɛzɑ́p tʉ́m yɛ́ nǔu Yɛ́su.

Ŋɡɑlɑ̂t 3:21

Pɑ́Ꞌ ɛ́ pɑ́Ꞌnɛ lɑɑ ɛ́ lɔk ḿbɔ́ ŋɡɔ nɛpʉ́ʉ-Sɛ́ kɑ pík yúu mi ɑ kɑ kɑꞋnɛ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Ɛ́ kɑ pɔ́ pɛ́Ꞌnɛ ḿbɔ́ nu nǔu nɛcɔ́ nɛpʉ́ʉ ni mbɔ ɛ́ ɡɛ pʉɔmɛsɔŋ pɔ́ ɡú, mbɔ ɛ́ lɑɑ ḿbɔ́ ŋu lɔk pɑ́Ꞌ ɑ ɡẅɛɛnɛ nɛpʉ́ʉ, ŋ́kuꞋ ŋu ẅí ɑ mbi Sɛ́ ḿbɔ́ ndʉ́ŋndʉŋ.

Filipɛ 3:6

Ŋ kɑ pɔ́ ńníꞋ tʉʉ nǔu nɛpʉ́ʉ tɛꞋ, tɛ ńtsɔ́Ꞌ ku-pʉɔ-Kɛlístɔ kɛpɔŋ. NɛkúꞋlɛ nɛpʉ́ʉ-lɑ́Ꞌ kɑ pɔ́nɛ pɛ́Ꞌnɛ ḿbɔ́ ńdɛꞋlɛ ŋɡɔ ŋu fɑɑnɛ, mbɔ ɛ́ lɑɑ ḿbɔ́ ɛ sẅíi wʉ́ʉ ŋɡɔ mɔ ŋ́kɑɑ fɑɑnɛ.