Lúkɑ́shi 5:14 - Kɑɑ Fí

¹⁴ Yɛ́su tɔꞋ wɛ́ ŋɡɔ: «Pɑ́ɑ nɛkẅíi tɛ ɛ́sẅíi ŋu! Gʉ ńnyɛt pɔ mbʉʉ yu mbɔ̌ pɑnɔ́ŋpɔꞋ, ḿbɛn ŋ́ɡɑ́ yúu mi nɛpʉʉ-Mɔ̌sɛ̂ɛ sɛ́ ḿbíkŋɛ mbɔ̌ ŋu ẅí ŋkɑꞋ ḿmɛnɛ nǔu wɛ́ tɛ pʉɔ pɛtsʉʉ ɡɔ́ɔ ŋ́kɛ́ ńjí ŋɡɔ ɔ fíitɛ! Pɔ́Ꞌɔ ɛ́ pɔ́ mɑ́mɑ́ lii.»

Lúkɑ́shi 5:14 Cross References

Lúkɑ́shi 17:14

Yɛ́su jʉ́ɔ wɔ́p, ńcú mbɔ̌ pɔ́p ŋɡɔ: «Pʉʉ ɡʉ ńnyɛt mbʉʉ yʉʉ mbɔ̌ pɑnɔ́ŋpɔꞋ.» Pɔ́p cʉ́ɔ sɛ̂ndúŋ, ḿbɔ́ ŋ́ɡʉ, ńjʉ́ɔ, mbɔ ŋkɑꞋ mɛ nǔu pɔ́p.

Mɑtʉ̈ɔ 8:4

Yɛ́su cú mbɔ̌ wɛ́ ŋɡɔ: «Pɑ́ɑ nɛkɛ́ ŋ́kẅíi tɛ ŋu zúꞋ, lɑ́ kɛ́ ŋ́ɡʉ ńnyɛt mbʉʉ yu, mbɔ̌ nɔŋpɔꞋ, ḿbɛn ŋ́ɡɑ́ yúu mi nɛpʉ́ʉ-Mɔ̌sɛ̂ɛ sɛ́ ḿbíkŋɛ mbɔ̌ ŋu ẅí ŋkɑꞋ mɛnɛ nǔu wɛ́, pʉɔ tsʉʉ jí ŋɡɔ ɔ fíitɛ.»

Mɑ́lɛ́kúshi 1:44

ḿbɛn ńcú ŋɡɔ: «Pɑ́ɑ nɛcú sɑ̌ɑ nu mbɔ̌ ŋu. Gʉ ńnyɛt pɔ mbʉʉ yu mbɔ̌ nɔŋpɔꞋ, ḿbɛn ńnɔŋ pɔꞋ ẅí nɛpʉ́ʉ-Mɔ̌sɛ̂ɛ sɛ́ ḿbíkŋɛ mbɔ̌ ŋu ẅí ŋkɑꞋ mɛnɛ nǔu wɛ́, ɡɛ pɔ́Ꞌɔ, pʉɔ jí ŋɡɔ ɔ fíitɛ.»

Mɑtʉ̈ɔ 12:16

A pɛn ńtɔꞋ wɔ́p tɛ ḿbʉ́ʉ, ŋɡɔ pɔ́p pɑ́ɑ nɛɡɛ tɛ pɛ́ ńjí ŋu ẅí ɑ jʉ́.

Mɑtʉ̈ɔ 9:30

Mík mɔ́p ɡɔ́ɔ ŋ́kɛ́ ńjʉ́ɔ zʉꞋ. Yɛ́su tɔꞋ wɔ́p tɛ ḿbʉ́ʉ ŋɡɔ: «Ḿbɑ́ɑ wʉ́ʉ nɛkɛ́ ŋ́ɡɛ tɛ ŋu jí pɑ́Ꞌ ɛ́ lɛɛnɛ.»

Lúkɑ́shi 9:5

Mbɑ ɡʉ̈ɔ́ lɑ́ yi pʉʉ ŋ́kúu zúꞋu pɛ́ lʉꞋ nɛcẅɛ́ɛ wʉ́ʉ, pʉʉ fú zúꞋu, ŋ́ɡɔ ŋ́ɡʉ, ŋ́kwɛt pɛ́pɛ́p-mɛku pʉʉ nɛlɔk ɛ́sẅíi wɔ́p ŋɡɔ ɛ́ tsʉꞋ ńdíŋɛ pɔ wɔ́p.»

Mɑ́lɛ́kúshi 6:11

Pʉɔ yɛcɔ́ lɑ́Ꞌ lɑɑ ńdʉꞋ nɛkúkŋɛ wʉ́ʉ, ńdʉꞋ nɛzúꞋ sẅiŋɛ yʉ́ʉ, pʉʉ fú zúꞋu ŋ́ɡɔ ŋ́ɡʉ, ḿbúꞋ pɛ́pɛ́p-mɛku mʉ́ʉ, nɛlɔk ńnyɛt wɔ́p ŋɡɔ nu yí pɔ́p ɡɛnɛ, ɛ́ tsʉꞋ ńdíŋɛ pɔ wɔ́p.»

Mɑtʉ̈ɔ 10:18

Pɛ́ ɡʉ ńdɑ́Ꞌ ŋ́ŋɑk wʉ́ʉ mbi pɛŋɡɔ́mnɑɑ pɔ́p pɛfɔɔ mɛlɑ́Ꞌ wɑ́ɑ. Pʉʉ lɔk ŋ́ɡẅɛɛ shʉ́ nɛlɔk ɛ́sẅíi wɔ́p mbɑ pɑkɛ́jí Sɛ́, ŋu ẅí mɔ jʉ́.

Lúkɑ́shi 5:13

Yɛ́su zúꞋ, ńcɑklɛ pɔ́, ŋ́kuplɛ wɛ́, ńcú ŋɡɔ: «Ŋ kɔŋ pɔ́Ꞌɔ, fíitɛ!» Ńdɛɛ pɔ́Ꞌɔ, ŋkɑꞋ ɡɔ́ɔ ḿmɛ nǔu wɛ́.