Ɛ́bɛlʉʉ 12:5 - Kɑɑ Fí

⁵ Pʉʉ likŋɛ pɑ́Ꞌ Sɛ́ sɛ́ ńníꞋ mɛtʉʉ mʉ́ʉ pɑ́Ꞌ ŋu níꞋnɛ mɛtʉʉ-mbɔ́ŋkʉ̈ɔ́ pɛ́? A tsɛt ŋwɑꞋnɛ-Sɛ́ ɛ̂wɑ́ ńcú ŋɡɔ: «Mɔ́ɔ wɑɑ, Tsɑpʉɔ lɑɑ ḿbɔ́ ŋ́kɑkŋɛ wú, Ɔ pɑ́ɑ nɛɡwɑ́k nu nǔu, A lɑɑ ńcʉ̈ɔ́k wú ɔ pɑ́ɑ nɛcitɛ mbʉʉ

Ɛ́bɛlʉʉ 12:5 Cross References

Lúkɑ́shi 24:6

A kɑ́ pɛ́t zɑ́Ꞌnɛ pɔ́, ɑ zẅíimɛ nǔu nɛvú. Pʉʉ zɛɛ ŋ́kẅíitɛ nu yi ɑ kɑ pɔ́ ńcú mbɔ̌ pʉʉ ŋkɑ́ yi pʉʉ pɛ́pɔ́p kɑ pɛ́tnɛ Ŋɡɑlilɛɛ.

Lúkɑ́shi 24:8

Pɔ́p zúꞋ pɔ́Ꞌɔ, ŋ́ɡɔ́ɔ ŋ́kɛ́ ŋ́kẅíitɛ ŋɡɔ, ɛ́ mɛnu mi Yɛ́su kɑ zɛɛ ɛ́sẅíi wɔ́p,

1 Kɔlɛ̂ŋtɛ 11:32

Lɑ́ Tsɑpʉɔ ŋ́ŋɑk wɛkŋɛ, ńdɔk ńtík wɛkŋɛ, ḿbɔ́k pɑ́Ꞌ mbɔ pɛ́ lɑ́Ꞌ ńtɛmtɛ wɛkŋɛ pɛ́ pʉɔ-ndǔmbí ŋ́ŋɑk.

Ŋɡɑlɑ̂t 6:9

Kɔɔ pɛkŋɛ kɛ ŋ́kɑ́ɑ nɛɡɛ nu sʉ́Ꞌnɛ, mbíꞋŋɡɔ pɛkŋɛ lɑɑ ŋ́ɡɛ nu sʉ́Ꞌnɛ ńdɔk ŋ́ɡʉ pɔ nɛ́ mbi, mbɔ ŋkɑ́ ɡʉ ńdɑ́Ꞌ ŋ́kuꞋ, Sɛ́ ɡɛ pɛkŋɛ lɑk yúu tɛꞋ.

1 Timɔtɛ́ɛ 1:20

Ɛ́ tsɛtsɛt pîpɑ́ pʉɔ, Himɛnɛ̂ pɔ́p Lɑksɑ́ndɑ pɔ́ zúꞋu. Ŋ kɑ níꞋ pɔnɛ pʉɔ pɛ́pɑ́ nǔu mbɔ́-Sɑ́ttɑ. Nɛpɔ́ yi pɔ́p ɡʉ ŋ́kúu mbɔ̌ wɛ́, ńzíꞋ pɑ́Ꞌ pɔ́p kɛ́ pɛn ńjúk ḿbɔ́ ḿbʉ́ʉpɛ lík-Sɛ́ pɔ́.

Ɛ́bɛlʉʉ 12:7

Pʉʉ lɑɑ ḿbɔ́ ńjʉ́ɔ ŋɡʉ̈ɔ́Ꞌ pʉʉ sʉk sʉknɛ, mbíꞋŋɡɔ Sɛ́ lɔk ŋ́kɑkŋɛ wʉ́ʉ kɑkŋɛ́nɛ ntɛ́ pɑ́Ꞌ pʉʉ mbɔ́ŋkʉ̈ɔ́ pɛ́, ḿbɔ́ pɛ́ jʉ́ɔ mɔ́ɔ ẅínɛ tɑ́t wɛ ŋkɑɑ kɑkŋɛ wɛ́ pɔ́ ɡɔ́?

Ɛ́bɛlʉʉ 13:22

Pɔ́ɔpɛ́mɑ́ pɑ́ɑ pɛ́ mbɛ́ɛnɛ mbɑ pɛ́ pɑŋɡɛ́, mɔ sɛ́ ḿbúꞋ mbɔ́ mbɔ̌ pʉ́ʉ ŋɡɔ pʉʉ lɔk kɔkmbʉʉ, ńzẅíꞋlɛ yɔ sẅiŋɛ yi ŋ ɡɑ́nɛ mbɔ̌ pʉʉ, ńdɔk ńníꞋ mɛtʉʉ mʉ́ʉ lɑɑ. N zɛɛ ŋ́kɛ́ mbɔɔ ŋwɑꞋnɛ ɛ́ sɑk pɔ́.

Jɑ̂k 1:12

Pɔ́ttú, ŋu ẅí ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛ́nɛ, mbíꞋ pɑ́Ꞌ ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛnɛ lɑ́, Sɛ́ ɡʉ ńtɔꞋ ŋɡúꞋ tú yɛ́. Ɛ́ lɔk ḿbɔ́ luk kɛ́ mɛ yí ɑ kɑ kɑꞋnɛ mbɔ̌ mbɑ wɔ̌ lɑ́ ẅi ɑ ŋ́kɔŋnɛ yɛ́ Sɛ́.

Mɛnu ɛ́ ńdɑ́Ꞌ ńcẅɛt 3:19

Ŋ ɡʉ nǔu pʉɔ pí ŋ kɔŋnɛ wɔ́p, ŋ́kɑkŋɛ wɔ́p pɛ́tsʉʉ, ńtsɑ mbɑ nɛtswɑ́ɑ. Pɔ́Ꞌɔ lɑ́, zɑŋɛ mbʉʉ yu ɛ́fɑꞋ fɑꞋ, ḿbɛn ŋ́kúpmɛ mɑt wu.