Ɛ́fɛ̂zɛ 6:6 - Kɑɑ Fí

⁶ Pʉʉ pɑ́ɑ nɛɡɛ pɔ́Ꞌɔ, pɔ ndɑꞋ ŋkɑ́ yi pɔ́p tʉ́ʉnɛ nzʉʉ pʉʉ. Pɑ́Ꞌ ŋkɑ́ yi pʉʉ ɡɛ pɔ yúu mi ɛ́ ɡʉ ḿbɔŋ pʉɔmɛsɔŋ lɑ́. Pʉʉ fɑꞋ pɔ pɑ́Ꞌ pɛkwɑɑ-Kɛlístɔ pi pɔ́p sɛ́ ŋ́ɡɛ yúu mi Sɛ́ sɛ́ ŋ́kɔŋ nɛ́ ŋɡɔŋ tʉ́m yɔ́p tsʉʉ.

Ɛ́fɛ̂zɛ 6:6 Cross References

Mɑtʉ̈ɔ 12:50

Ŋu ɡɛ yúu mi Tɑ̌ɑ mɔ ẅí ɑ tʉ́nɛ́pú sɛ́ ŋ́kɔŋ, mbɔ ẅîwɑ́ ŋu mɔ́ɔmɑ́ wɑɑ wɛ mbɛ́ɛnɛ, ḿbɔ́ wɛ mɑŋɡɛ́, ḿbɔ́ mɑmɑ́ wɑɑ.

Mɑtʉ̈ɔ 7:21

Ɛ́ ɡʉ nǔu pʉɔ pínɛ pɔ́p fúŋnɛ wɑ́ɑ ŋɡɔ: «Tsɑpʉɔ, Tsɑpʉɔ pɔ́p pɛtsʉʉ kɛ́ lɑ́Ꞌ ńjʉ́ pii-nɛfɔɔ-Sɛ́ pɔ́. NdɑꞋ pʉɔ pínɛ pɔ́p ɡɛnɛ yúu mi Tɑ̌ɑ mɔ ẅí ɑ tʉ́nɛ́pú sɛ́ ŋ́kɔŋ ŋɡɔ pɛ́ ɡɛ.»

Mɑ́lɛ́kúshi 3:35

Jínɛ ŋɡɔ ŋu lɑɑ ŋ́ɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ mɑ́mɑ́ wɑɑ, mbɔ mɔ́ɔmɑ́ mɔ, wɛ ŋu mbɛ́ɛnɛ mbɑ wɛ mɑŋɡɛ́.

Pʉɔ-Lɔ́mɑ 6:17

Pɛkŋɛ kɛ́ ŋ́ɡɑ́ pɑ́Ꞌlɑ́ mbɔ̌ Sɛ́, mbíꞋŋɡɔ pʉʉ kɑ pɔ́ yɛcɔ́ ŋkɑ́ ḿbɔ́ ŋkwɑɑ-nu kɛpɔŋ, pʉʉ ŋkɔ̂ɔnɛ, mbɔ pʉʉ lɔk tʉ́m yʉ́ʉ tsʉʉ, ḿbɛ́m yúu mi pɛ́ kɑ zíꞋnɛ wʉ́ʉ. Ɛ́ pɔ́ yi ɛ́ sɛ́ ḿbíkŋɛ ŋɡɔ pʉʉ piitɛ ńjí,

1 Kɔlɛ̂ŋtɛ 7:22

Pʉʉ jí ŋɡɔ ŋu ẅí Tsɑpʉɔ kɑ ɡɔ́ fúŋ wɛ́, ɑ pɔ́ ŋkwɑɑ, ɑ cẅɛt ndɑ́-kwɑɑ nu kɛpɔŋ, ńtsʉ́Ꞌ ḿbɔ́ pɔ ŋu-Tsɑpʉɔ. Ɛ́ pɛn ḿbɔ́ pɔ ndʉ́ŋndʉŋ nǔu ŋu ẅí pɛ́ kɑ ɡɔ́ fúŋ wɛ́ ɑ pɔ́ ndúunút, ŋɡɑŋ ńtsʉ́Ꞌ ŋkwɑɑ Kɛlístɔ, ńdɔk ḿbɔ́ yɛ́ ŋu-Kɛlístɔ.

Ŋɡɑlɑ̂t 1:10

Pʉʉ sẅíi wɑ́ɑ nɛ́ nu yi ɛ fúnɛ nɛcú lɑɑ, ɛ́ nyɛt ŋɡɔ mɔ sɛ́ ńtsɑ́ɑ ŋɡɔ nu yɑ́ɑ pɔŋ pʉɔmɛsɔŋ kɛ ŋɡɔ ɛ́ pɔŋ pɔ Sɛ́? Mɔ pɑ́Ꞌɑ ḿbɔ́ ńtsɑ́ɑ nɛɡɛ yúu mi ɛ́ ɡʉ ḿbɔŋ pʉɔmɛsɔŋ? Ɛ́ pɛ́Ꞌnɛ, m bɔ́ ńdɔɔ mbɑ nɛɡɛ yúu mi ɛ́ ḿbɔŋ pʉɔmɛsɔŋ, mbɔ ŋ kɑ́ pɛn ḿbɔ́ ŋu ẅí ɛ fɑꞋnɛ fɑꞋ-Kɛlístɔ pɔ́.

Ɛ́fɛ̂zɛ 5:17

Pɔ́Ꞌɔ, kɔɔ pʉʉ pɔ́ pɛɡʉɡʉʉ. Pʉʉ tɑ́Ꞌ mɛnu nɛjí mi ɛ́ pɔŋnɛ mbi Tsɑpʉɔ.

Filipɛ 2:12

Ɛ́ lɛɛ pɔ́Ꞌɔ, mbɑ̌ɑ pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ pʉʉ kɑ kɛ́ ńzɛɛ ńzúꞋ pɔ ntsu-Sɛ́ tɛ fúnɛ pɑ́Ꞌ ŋ kɑ pɔ́nɛ tsɛtsɛt pʉʉ lɑ́, pʉʉ ḿbɛn ḿbɔ́ ńtík ku pɔ nǔu ŋkɔ̂ɔnɛ yi ŋ kɑ́ pɔ́ tsɛtsɛt pʉʉ pɔ́ lɑɑ. Pʉʉ lɔk mɛfɑꞋ mʉ́ʉ ńnyɛt ŋɡɔ Sɛ́ ɡɑ́ luk mbɔ̌ pʉʉ.

Kɔlɔsíyɛ̂ŋ 1:9

Mɔnɛ mɛnu mi ɛ́ ɡɛnɛ lɑ pɛk ŋ́kɑɑ mɔ́ lɑ́Ꞌ ńcɛꞋlɛ Sɛ́ nǔu tú yʉ́ʉ tɛ ɛ́fú lɛ́Ꞌ yi pɛ́ kɑ sẅíinɛ wɛ́k nɛ́ ntɛ́ yi pʉʉ lɔknɛ ŋ́kúꞋlɛ nu-Sɛ́ pɔ́Ꞌɔ pɔ́. Pɛk sɛ́ ńdɔ́ɔ mbɔ̌ Sɛ́ ŋɡɔ ɑ ɡɛ pʉʉ tsuŋ ńjí yúu mi ɑ kɔŋnɛ, ńdɛɛ nǔu jínu mbɑ nɛsɑ́ŋ nu yi Zẅikŋɛ Lɛ́ɛnɛ́nɛ ɡɑ́nɛ mbɔ̌ pʉʉ.

Kɔlɔsíyɛ̂ŋ 4:12

Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.

1 Tɛsɑlɔník 2:4

Pɛk ńcú pɔ nu yi Sɛ́ sɛ́ ŋ́kɔŋ ŋɡɔ pɛk cú, mbíꞋŋɡɔ ɑ kɑ kwɑꞋnɛ wɛ́k tɛ ńjʉ́ɔ ŋɡɔ pɛk kuꞋ nɛcẅi Ŋkʉʉ sʉ́Ꞌnɛ yɛ́. Pɔ́Ꞌɔ lɑ́ pɛk pɔɔ ńcú nu pɔ nǔu ntɛ́ yi pʉɔ ɡʉ ŋ́kɔŋ wɛ́k pɔ́, pɛk cú nu pɔ nǔu ntɛ́ yi Sɛ́ ɡʉ ŋ́kɔŋ wɛ́k, jʉ́ ẅi ɑ líŋɛ́nɛ tʉ́m yɛ́k.

1 Tɛsɑlɔník 4:3

Yúu mi Sɛ́ sɛ́ ŋ́kɔŋ ɛ́ pɔ́ pɔ ŋɡɔ pʉʉ pɔ́ ndɛ́ɛnɛ lɛ́ɛnɛ́nɛ, kɔɔ mbɛ́ɛnɛ lɔɔ pɑŋɡɛ́, kɔɔ pɑŋɡɛ́ lɔɔ mbɛ́ɛnɛ,

Ɛ́bɛlʉʉ 10:36

Ɛ́ zɛɛ ḿbɔ́ ḿbíkŋɛ ŋɡɔ pʉʉ kɛ́ sɑ́Ꞌ pɔ tʉʉ, ńjí ŋɡɔ pʉʉ ɡʉ ḿbɔ́ ŋ́ɡɛ pɔ yúu mi Sɛ́ sɛ́ ŋ́kɔŋ, ɛ́ fú pɔ́Ꞌɔ, pʉʉ ɡẅɛɛ yúu mi ɑ kɑ kɑꞋnɛ nɛɡɑ́ mbɔ̌ pʉʉ.

Ɛ́bɛlʉʉ 13:21

Ɛ́ pɔŋ ŋɡɔ Sɛ́ mbɔ́tnɛ ɛ̂wɑ́, ɡɛ pʉʉ kuꞋ nɛɡɛ nu sʉ́Ꞌnɛ nɛpɔ́ yi pʉʉ ɡʉ ŋ́ɡɛ pɔ yúu mi ɑ sɛ́ ŋ́kɔŋ. Ɛ́ pɔŋ ŋɡɔ jʉ́ Sɛ́ fú nǔu Yɛ́su Kɛlístɔ, ŋ́ɡɛ yúu mi ɛ́ pɔŋnɛ wɛ́ pɔ́ nǔu pɛkŋɛ. NɛɡúꞋ pɔ́ mbɔ̌ Yɛ́su Kɛlístɔ nǔu mɛŋɡuꞋ mɛŋɡuꞋ! Ɛ́ pɔ́Ꞌɔ.

1 Pyɛ̂ 2:15

Ɛ́ yúu mi Sɛ́ kɔŋnɛ ŋɡɔ pʉʉ ɡɛ, ńjí ŋɡɔ pʉʉ ɡʉ ńdɔk nɛɡɛ nu sʉ́Ꞌnɛ, ńjʉ́ɔꞋ ntsu-pɛɡɛɡʉʉ pi pɔ́p lʉꞋnɛ nu-Sɛ́, pɔ́p pɔɔ pɛn ɛ́sẅíitɛ nǔu pʉʉ pɔ́.

1 Pyɛ̂ 4:2

Pɔ́Ꞌɔ lɑ́, pʉʉ ɡʉ nǔu mɛlɛ́Ꞌlɑ́Ꞌ mi pʉʉ pɛ́tnɛ ŋ́ɡẅɛɛ ndǔ tsɛ́tsɑ́Ꞌ, ŋ́ɡɛ pɔ yúu mi Sɛ́ sɛ́ ŋ́kɔŋ, kɔɔ pʉʉ ɡɛ yúu mi mbʉʉ-ŋu tsʉ́ʉnɛ́nɛ wɛ́ ɑ ɡɛ.

1 Jɑ̂ŋ 2:17

Ndǔmbí zɛɛ ḿbɔ́ ńdɛɛ lɛɛnɛ, tɛ mbɑ yúu mi pʉɔmɛsɔŋ sɛ́ ńjʉ́ɔ ndǔmbí ńtsɑ́ɑ nɛɡẅɛɛ. Lɑ́ ŋu ẅí ɑ ɡɛnɛ yúu mi Sɛ́ sɛ́ ŋ́kɔŋ, ɑ ɡʉ ḿbɔ́ pɔ ɡú ŋkɑ́ tsʉʉ.