ŊwɑꞋnɛ-Gɑŋntúu Yɛ́su Kɛlístɔ 3:17 - Kɑɑ Fí

¹⁷ Pɔ́ɔpɛ́mɑ́ pɑ́ɑ, n tsuŋ ḿbɔ́ ńjí sʉ́Ꞌnɛ ŋɡɔ yúu pʉʉ pɛ́ pɛfɔɔ pʉ́ʉ kɑ ɡɛnɛ nǔu Yɛ́su kɑ lɔk ḿbɔ́ pɔ ɡʉʉnɛ.

ŊwɑꞋnɛ-Gɑŋntúu Yɛ́su Kɛlístɔ 3:17 Cross References

Lúkɑ́shi 23:34

Yɛ́su cú ŋɡɔ: «Tɑ̌ɑ mɔ, likŋɛ mɛfɑɑnɛ mɔ́p, mbíꞋŋɡɔ pɔ́p kɑ́ pɔ́ ńjí yúu mi pɔ́p ɡɛnɛ pɔ́.» Pɑlʉ̈ɔꞋntsɔ pinɛ pɔ́p ḿbɔ́nɛ zúꞋu mɑꞋ ńtíitɛ tɛ ńdɔk ŋ́ɡɑp mɛndẅí mɛ́.

ŊwɑꞋnɛ-Gɑŋntúu Yɛ́su Kɛlístɔ 13:27

Lɑ́ ɛ́ kɛ́ ḿbɔ́ pɑ́Ꞌɑ, mbɔ pʉɔ-Yɛlúsɑlɛm pɔ́p pɑsɑ́Ꞌ lɑ́Ꞌ yɔ́p ŋ́kɑɑ kɛ́ ńjí ŋu ẅí Yɛ́su jʉ́ pɔ́, pɔ́p ŋ́kɑɑ pɛn ŋ́kɛ́ ńzúꞋ yúu mi sẅiŋɛ-pɛŋɡɛ́mndʉ̈ɔ́Ꞌ-Sɛ́ cúnɛ pɔ́, lɑ́ ḿbɛn ŋ́kɛ́ ḿbɔ́ ɛ́fúŋ ŋɡɔŋ mɛlɛ́Ꞌnji mɔ́p tsʉʉ. Ɛ́ kɑ lɛɛ pɔ́Ꞌɔ, pɔ́p ŋɑk Yɛ́su pɑ́Ꞌ pɛ́ ɡʉ ńjẅí wɛ́. Pɔ́p kɑ lɔk pɔ́Ꞌɔ, ŋ́ɡɛ yúu mi pɛŋɡɛ́mndʉ̈ɔ́Ꞌ-Sɛ́ kɑ zɑ́Ꞌnɛ njí ńcú puutɛ,

1 Kɔlɛ̂ŋtɛ 2:8

Sɑ̌ɑ tɑ́Ꞌ nǔu yúu kɛpɔŋ yi ɛ́ sɑ́Ꞌnɛ yɔ mbí ŋkɑɑ jí yîyɑ́ jínu pɔ́. Pɔ́p kɑ pɔ́ pɛ́Ꞌnɛ ńjí yîyɑ́ jínu mbɔ pɔ́p ŋkɑɑ ɡɛ pɛ́ kẅii Ndɛ nǔu tʉ́ mbɑ́ŋtɛ pɑ́ŋtɛ́nɛ pɔ́, Ndɛ ẅí ɑ ɡẅɛɛnɛ nɛɡúꞋ.

Jɑ̂ŋ 16:3

Pɔ́p ɡʉ ŋ́ɡɛ pɔ́Ꞌɔ, mbíꞋŋɡɔ pɔ́p kɑ́ jí Tɑ̌ɑ pɔ́, ŋ́kɛ́ mbɔɔ wɑ́ɑ jí.

1 Timɔtɛ́ɛ 1:13

Tɛ mbɑ pɑ́Ꞌ ɛ́ kɑ pɔ́ yɛcɔ́ ŋkɑ́, ɛ sẅiŋɛ nǔu wɛ́ kɛpɔŋ, ńtsɔ́Ꞌ ku-pʉɔ pɛ́ kɛpɔŋ, ńzɔɔtɛ Sɛ́. A kɑ tsɑ́ɑ mɛjʉ́ŋ mɑ́ɑ, mbíꞋŋɡɔ ŋ kɑ pɔ́ ŋ́ɡɛ kɛ́ jí yúu mi ŋ ɡɛnɛ, mbɔ mɔ ŋ́kɑɑ zɑ́p tʉ́m nǔu wɛ́ pɔ́.

2 Kɔlɛ̂ŋtɛ 3:14

Lɑ, ɛ́ kɑ zɛɛ ŋ́ɡɔ ḿbɔ́, mbɔ jínu yɔ́p kɑ jʉ́ɔꞋnɛ, ɛ́ kɑ jʉ́ɔꞋnɛ jɔ́Ꞌnɛ́nɛ tɛ ŋ́kúu lɔ́Ꞌnɛ, mbíꞋŋɡɔ pɔ́p ḿbɔ́ ɛ́fúŋ ŋwɑꞋnɛ-Ndɛn Kɑɑ, ŋkwɑ́ ɛ̂yɑ́ pɛ́t ḿbɔ́ pɔ ɡú, ɛ́ pɛ́t ḿbɔ́ pɔ ɡú, mbíꞋŋɡɔ ŋu lɑɑ ḿbɛ́t kɛ́ lɑt mbʉʉ nǔu Kɛlístɔ, wîwɑ́ ŋkʉ pɛ́t ḿbɔ́ pɔ ɡú.

Pʉɔ-Lɔ́mɑ 11:2

Sɛ́ kɑ́ mɛꞋ pʉɔ pɛ́ pi ɑ kɑ zɑ́Ꞌnɛ njí ńtsɔ́Ꞌ wɔ́p pɔ́. Ɛ́ ɡʉ ŋ́ɡɛ pɑ́Ꞌ lɑ pʉʉ pɔ́ ńjí zʉꞋ-ŋwɑꞋnɛ-Sɛ́ yi ɛ́ zúꞋu Ɛlîi pɔ́ ɛ́sẅíi Sɛ́ nɛ́ yúu mi pɑíslɑyɛ̂l ɡɛnɛ,

ŊwɑꞋnɛ-Gɑŋntúu Yɛ́su Kɛlístɔ 26:9

Mbɑ mɔ yɑ́ɑ, ŋ kɑ pɔ́ ŋ́kwɑŋɛ ŋɡɔ, ŋ ɡʉ ńdɔk ntsɔ ńdʉ̈ɔ́Ꞌ Yɛ́su mɔ́ɔ-tʉ́sɔŋ-Nɑ̌zɑlɛt, nǔu mɛshʉ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 7:40

ńcú mbɔ̌ Álɔŋ ŋɡɔ: «Pɛk kɑ́ zɛɛ ḿbɔ́ ńjí yúu mi ɛ́ ɡɛnɛ Mɔ̌sɛ̂ɛ ɛ̂wɑ́ cẅɛɛtɛ wɛk tsɛt ŋɡɔŋ-Ɛɡíptɔ pɔ́. Niitɛ mɛcɔ́ mɛsɛ́, ɛ́ pɔ́ mbi pɛkŋɛ ńnyɛt wɛkŋɛ nɛ́ ndúŋ.»

Jɑ̂ŋ 7:52

Lɑ́ pɛcɔ́ pʉɔ tsɔ́Ꞌ mbɔ̌ wɛ́ ŋɡɔ: «Ɔ yú ŋu-Ŋɡɑlilɛɛ kɛkʉ̈ɔ́? Ɔ lɑɑ ńdɔɔ sʉ́Ꞌnɛ, mbɔ ɔ ɡʉ ńjʉ́ɔ ŋɡɔ wɛcɔ́ ŋɡɛ́mndʉ̈ɔ́Ꞌ-Sɛ́ ŋkɑɑ mɔ́ cẅɛt Ŋɡɑlilɛɛ pɔ́.»

Filipɛ 1:22

Lɑ́ ɛ́ pɔ́Ꞌɔ, pɑ́Ꞌɑ ḿbɔ́ yi n dɑɑ ḿbɛ́t ŋ́ɡẅɛɛ nɛnɑ́ŋ ndǔ tsɛ́tsɑ́Ꞌ, ɛ́fɑꞋ mɛfɑꞋ sʉ́Ꞌnɛ, mbɔ mɔ ŋ́kɑŋ pɔ nɛpfú kɛ nɛnɑ́ŋ? Ŋ kɑ́ jí yi mɔ ŋ́kɑŋ pɔ́.

Lúkɑ́shi 23:13

Pɛ́ lɔk wɛ́ ŋ́kúu zúꞋu, Pilɑ́tu fúŋ pɑnɔ́ŋpɔꞋ pɛɡwɛ́, mbɑ pɑsɑ́Ꞌ lɑ́Ꞌ,

Jɑ̂ŋ 15:21

«Pɔ́p ɡʉ ŋ́ɡɛ pɔ́Ꞌɔ nǔu pʉʉ mbíꞋŋɡɔ pʉʉ pʉɔ pɑ́ɑ, pɔ́p pɛn ŋ́kɛ́ ḿbɔɔ ḿbɔ́ ńjí ŋu ẅí ɑ kɑ túunɛ wɑ́ɑ pɔ́.»

ŊwɑꞋnɛ-Gɑŋntúu Yɛ́su Kɛlístɔ 22:5

Tɑ́tndɑ́-pɑnɔŋpɔꞋ, mbɑ cúꞋlɛ-pɑsɑ́Ꞌ lɑ́Ꞌ yɔ, sɛ́ ńjí ŋɡɔ nu yi n cúnɛ ɛ́ nɛ́nẅín. Pɔ́p kɑ zɛɛnɛ ŋ́ɡɑ́ mɛŋwɑꞋnɛ ńdɔk ńtúu wɑ́ɑ ŋɡɔ ŋ ɡʉ ńnyɛt mbɔ̌ pɔ́ɔpɛ́mɑ́ pɛkŋɛ pɑyúdɑ pi pɔ́p tsɛt tʉ́sɔŋ-Ndɑ́mɑ́s. Ɛ́ pɔ́ ŋɡɔ ŋ ɡẅɛɛ pʉɔ-Kɛlístɔ, ńdɔk wɔ́p ḿbɛn nzʉʉ nɛ́ Yɛlúsɑlɛm, nɛpɔ́ yi pɛ́ ɡʉ ŋ́ɡɛ pɔ́p jʉ́ɔ ŋɡʉ̈ɔ́Ꞌ.»

ŊwɑꞋnɛ-Gɑŋntúu Yɛ́su Kɛlístɔ 28:21

Pɑyúdɑ zúꞋ tɛ ńtsɔ́Ꞌ mbɔ̌ Pɔ̂l ŋɡɔ, pɛk ŋkɑɑ zɛɛ ńcẅɛ́ɛ yɛcɔ́ ŋwɑꞋnɛ yi ɛ́ fúnɛ Judɛ̂ ńcú nu nǔu ɡu pɔ́. Wɛcɔ́ mɔ́ɔmɑ́ wɛkŋɛ kɛ́ ḿbɔɔ tɔ́ zɑꞋnɛ ḿbɛ́ɛtɛ yɛcɔ́ nu ɛ́sẅíi wɛ́k nǔu ɡu pɔ́, wɛcɔ́ ŋu pɔɔ cú ŋɡɔ ɔ ɡɛ yɛcɔ́ nu kɛpɔŋ pɔ́.

Ɛ́fɛ̂zɛ 4:18

Mɛkwɑŋɛ mɔ́p pɔ́ pɔ mɛ́ tsɛt nzɛ́nzʉ́ʉ. Pɔ́p ɡʉ nǔu nɛnɑ́ŋ wɛ fí ẅi Sɛ́ sɛ́ ŋ́ɡɑ́, ḿbɔ́ pɔ pɛɡʉʉ, mbíꞋŋɡɔ pɔ́p kɑ́ jí sɛ̂ndúŋ-Sɛ́ pɔ́. Mbɔ tʉ́m yɔ́p kɑ sʉk mɔ́.