ŊwɑꞋnɛ-Gɑŋntúu Yɛ́su Kɛlístɔ 13:11 - Kɑɑ Fí

¹¹ Tsuŋ ńzúꞋ ŋkɔ̂ɔnɛ, Tsɑpʉɔ Sɛ́ zɑ́p pɔ́ yɛ́ nǔu ɡu. Ɔ ɡʉ fʉ tɛ ɛ́ nɑ́Ꞌ ńnɑ́ŋ, ɔ pɔɔ pɛn ńjʉ́ɔ lík-nɛm pɔ́.» Ńcú pɔ́Ꞌɔ, mík Ɛlímɑs sʉ́ʉ. A tsʉ́Ꞌ ḿbɔ́ pɔ tsɛt nzɛ́nzʉ́ʉ, ńzɛ nɛshɔtnɛ ńzɛmɛ zʉꞋ, ńdɔɔ ŋu ẅí ɑ ɡʉ ŋ́ɡẅɛɛ pɔ́ yɛ́.

ŊwɑꞋnɛ-Gɑŋntúu Yɛ́su Kɛlístɔ 13:11 Cross References

Jɑ̂ŋ 9:39

Yɛ́su ńcú ŋɡɔ: «Ŋ kɑ tɔ́ ndǔ yɔ mbí nɛŋɑk, nɛpɔ́ yi pʉɔ pinɛ pɔ́p sɛ́ ńjʉ́ɔ zʉꞋ ɡʉ ḿbɔ́ ńtsʉ́Ꞌ pɛfʉ, pɛfʉ jʉ́ɔ zʉꞋ.»

ŊwɑꞋnɛ-Gɑŋntúu Yɛ́su Kɛlístɔ 9:17

Anɑníyɑs ɡɔ́ɔ ŋ́kɛ́ ŋ́ɡʉ tɛ ŋ́kúu ndɑ́ ɛ̂yɑ́, ńzɑ́p mbɔ́ tú Sɔ̂l, ńcú mbɔ̌ wɛ́ ŋɡɔ: «Mɔ́ɔmɑ́ mɔ Sɔ̂l, Tsɑpʉɔ Yɛ́su túunɛ wɑ́ɑ. A Yɛ́su ẅí ɑ kɑ nyɛtnɛ mbʉʉ yɛ mbɔ̌ ɡu ŋ́kɑ́ yi ɔ ḿbɔ́nɛ sɛ̂ndúŋ ḿbɔ́ ńtɔ́ nɛ́ zɑꞋnɛ lɑ́. A túu wɑ́ɑ ŋɡɔ Sɛ́ ɡɛ ɔ pɛn ńjʉ́ɔ zʉꞋ. Zẅikŋɛ Lɛ́ɛnɛ́nɛ jʉ́ wú.»

Pʉɔ-Lɔ́mɑ 11:25

Pɔ́ɔpɛ́mɑ́ pɑ́ɑ, mɔ sɛ́ ŋ́kɔŋ ŋɡɔ pʉʉ jí yúu mi ɛ́ nǔu yɔ nu, mbɔ ɛ́ kɑ zɛɛ ḿbɔ́ yi lʉɔmɛ́nɛ, ḿbɔ́k wʉ́ʉ nɛkwɑŋɛ ŋɡɔ pʉʉ pɑjínu. Yîyɑ́ yúu ŋɡɔ yɛcɔ́ ɡúŋ-pɑíslɑyɛ̂l sɛ́ ńtʉʉ tú mbɔ̌ Sɛ́ ŋkɔ̂ɔnɛ, lɑ́ ɛ́ kɛ́ lɑ́Ꞌ ḿbɔ́ pɔ pɔ́Ꞌɔ pɔ́. Pɔ́p ɡʉ ńtʉʉ tú tɛ kúu ŋkɑ́ yi pʉɔ tsʉʉ pi Sɛ́ kɑ tsɔ́Ꞌnɛ, pɔ́p pɛn mbɔɔ pɑyúdɑ pɔ́, ɡʉ ńcʉ́ɔ nzʉʉ wɛ́.

Ɛ́bɛlʉʉ 10:31

Yúu mi ḿbɔ́ ŋu ńnɑ́ŋ ḿbɔ́k tɛꞋ, ɛ́ nɛvu ntsɑŋ mbi Sɛ́ ẅi ɑ pɔ́ pɔ ɡú!

2 Pyɛ̂ 2:17

PɑzíꞋ pʉɔ nɛ́ nu-Sɛ́ pɛ́ cɔtnu ɛ̂pɑ́ pɔ́ pɔ pɑꞋ zʉꞋ yi ŋki kɑ pɔ́ ńcẅɛt zúꞋu, ɛ́ kɑ kɛ́ mɔ́ ńzúu lɑ́, pɔ́p pɔ́ pɔ pɑ́Ꞌ mbʉŋ yi ɛ́ kɔ́Ꞌnɛ́nɛ, fɛ́m tíi ńdɔk ŋ́ɡʉ. Sɛ́ kɑ kɛ́ ńniitɛ zʉꞋ yɔ́p ńtík tsɛt nzɛ́nzʉ́ʉ.