2 Tɛsɑlɔník 1:8 - Kɑɑ Fí

⁸ A ɡʉ ńdɑ́Ꞌ ŋ́ɡɔ ńtɔ́ pɛkŋɛ jʉ́ɔ múk tʉ̈ɔ́Ꞌlɛ wɛ́ ńníꞋ sɔŋ, ɑ ɡɛ pʉɔ pi pɔ́p kɑ jí Sɛ́ pɔ́ ḿbɛn ńdʉꞋ Ŋkʉʉ Sʉ́ꞌnɛ wɛ́ jʉ́ɔ ŋɡʉ̈ɔ́Ꞌ.

2 Tɛsɑlɔník 1:8 Cross References

Mɑtʉ̈ɔ 25:41

Ŋ́ɡɔ́ɔ ŋ́kɛ́ ḿbɛn ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi ŋkẅɛpmɛ, ɛ́ yɛ́tɛ́: «Pʉʉ ɡɑŋndɔɔ, pʉʉ fú nɛjɔ́ŋ mɔ ŋ́ɡʉ tɛ ŋɡɑ sɑk, ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́, ẅi pɛ́ kɑ niitɛ́nɛ ntɛ́ Sɑ́ttɑ pɔ́p pɛcʉ̈ɔ́Ꞌ pɛ́.

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Jɑ̂ŋ 3:19

Pɛ́ ńdɑ́Ꞌ ŋ́ŋɑk pʉɔmɛsɔŋ ntɛ́ nu-kyɛꞋ yi ɛ́ kɑ tɔ́nɛ ndǔmbí, lɑ́ pʉɔmɛsɔŋ kɔŋ pɔ nzɛ́nzʉ́ʉ ńtsɑ kyɛꞌ ɛ̂yɑ́, mbíꞋŋɡɔ ŋɡɛnɛ mɛnu mɔ́p kɑ́ pɔŋ.

Jɑ̂ŋ 8:19

Pɔ́p píkŋɛ wɛ́ ŋɡɔ: «Tɑ́t wu ɡɔ́?» Yɛ́su pʉ̈ɔt ŋɡɔ: «Pʉʉ kɑ́ pɔ́ ńjí wɑ́ɑ pɔ́, ḿbɛn ḿbɔɔ ḿbɔ́ ńjí mbɑ Tɑ̌ɑ mɔ pɔ́. Pʉʉ kɑ zɛɛ ḿbɔ́ pɛ́Ꞌnɛ ḿbɔ́ ńjí wɑɑ, mbɔ pʉʉ kɑ pɛn ńjí Tɑ̌ɑ mɔ ɡúu.»

ŊwɑꞋnɛ-Gɑŋntúu Yɛ́su Kɛlístɔ 6:7

Sẅiŋɛ-Sɛ́ kɑ pɔ́ ŋ́kẅiꞋ ɛ́sɑt pɔ zʉꞋ. Nɔɔ-pɑzɑ́p tʉ́m nǔu Yɛ́su pɔ́ ŋ́kẅiꞋ ńzɑ́ɑ Yɛlúsɑlɛm. PɑnɔŋpɔꞋ tɛ ńzɑ́ɑ zɑ́p tʉ́m nǔu Yɛ́su.

Pʉɔ-Lɔ́mɑ 1:28

Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

Pʉɔ-Lɔ́mɑ 1:5

Sɛ́ kɑ lɛɛ pɔ nǔu jʉ́ Kɛlístɔ ŋ́ɡɑ́ fuꞋ níinɛ yɑ́ɑ, ńdɔk wɑ́ɑ ŋ́ɡɛ ŋɡɑŋntúu-Yɛ́su Kɛlístɔ nɛpɔ́ yi mɔ ŋ́ɡʉ ɛ́sẅíi nu-Sɛ́, tsɛt mɛŋɡɔŋ tsʉʉ. Pʉɔ zɑ́p tʉ́m nǔu wɛ́, ńzúꞋ ntsu wɛ́, ɛ́ lɛɛ pɔ́Ꞌɔ, pɔ́p ɡɑ́ mɛkuꞋ mbɔ̌ Yɛ́su Kɛlístɔ.

Pʉɔ-Lɔ́mɑ 10:16

Lɑ́ pʉɔ pɛtsʉʉ ŋkɑɑ zúꞋ Ŋkʉʉ Sʉ́Ꞌnɛ ḿbɛ́m pɔ́. Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ zɛɛ ńcú ŋɡɔ: «Tsɑpʉɔ, pɛk kɑ cú nu yú wɔ̌ kɛ́ ḿbɛ́m»?

Pʉɔ-Lɔ́mɑ 15:18

MbíꞋŋɡɔ n dɑɑ ńcú kʉ̈ɔ́ lɑ́ yi ŋ kɑ ɡɛnɛ nǔu fɑꞋ-Sɛ́, mbɔ ɛ́ pɔ́ pɔ yi Kɛlístɔ kɑ lɔknɛ wɑ́ɑ ŋ́ɡɛ. Pɔ́Ꞌɔ, nɛɡɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ ntsu-Sɛ́, ɛ́ lɛɛ nǔu sẅiŋɛ yi n cúnɛ mbɑ nǔu mɛfɑꞋ mi ɛ fɑꞋnɛ,

Pʉɔ-Lɔ́mɑ 16:26

Ɛ́ pɛn ḿbɔ́ ŋkɔ̂ɔnɛ, mbɔ ɛ́ cẅɛt mɔ́ mɑ́ntɑ́ɑ. Pɑ́Ꞌ Sɛ́ kɑ cúnɛ lɑ́, pɛ́ ŋkɔ̂ɔnɛ ḿbɔ́ ɛ́fú nǔu yúu mi pɑcẅiŋkʉʉ-Sɛ́ kɑ ŋwɑꞋnɛ́nɛ, ḿbɔ́ ɛ́sɑ́Ꞌ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ńjí Kɛlístɔ, ńzɑ́p tʉ́m nǔu wɛ́, ńzúꞋ ntsu wɛ́.

Pʉɔ-Lɔ́mɑ 6:16

Kɔɔ pʉʉ kɛ́ ńdikŋɛ ŋɡɔ ŋu lɑɑ ḿbɛ́m ŋkwɑɑ-ŋu pɑ́Ꞌ ɑ ɡʉ ḿbɔ́ ńzúꞋ ntsu-ŋɡɑŋ, mbɔ ɑ tsʉ́Ꞌ ŋkwɑɑ-ŋɡɑŋ. Ɛ́ lɔk ḿbɔ́ ŋɡɔ pʉʉ lɑɑ ḿbɔ́ ńzúꞋ ntsu-nu kɛpɔŋ, mbɔ pʉʉ tsʉ́Ꞌ ŋkwɑɑ-nu kɛpɔŋ, ɛ́ ɡɛ pʉʉ pfú, ŋ́kɛ́ ḿbɔ́ yi pʉʉ lɑɑ ḿbɔ́ ńzúꞋ ntsu-Sɛ́, mbɔ pʉʉ ɡʉ ńtsʉ́Ꞌ ŋkwɑɑ-Sɛ́, ɑ ɡɛ pʉʉ ɡɛ yúu mi ɛ́ ndʉ́ŋndʉŋ mbi yɛ́.

1 Kɔlɛ̂ŋtɛ 15:34

Pʉʉ ɡẅɛɛ mbʉʉ yʉ́ʉ nǔu ntɛ́ yi ɛ́ ḿbɔŋ Sɛ́, kɔɔ pʉʉ pɛn ŋ́ɡɛ mɛnu kɛpɔŋ. N cú mbíꞋŋɡɔ mɔ sɛ́ ńjʉ́ɔ pɛcɔ́ pʉɔ pɔ́ tsɛtsɛt pʉʉ ḿbɔɔ Sɛ́ jí, n cú pɑ́Ꞌɑ ńtsɑ́ɑ ŋɡɔ sʉ́ʉ kɔ́ wʉ́ʉ.

2 Kɔlɛ̂ŋtɛ 10:5

Pɛk sɛ́ ńnyɛt ŋɡɔ mɛsẅíŋɛ mi pʉɔ lɔknɛ ŋ́ŋɑ́Ꞌlɛ, ɛ́ pɔ́ ńtɔꞋ pʉɔ nɛjí nu-Sɛ́, ɛ́ kɑ́ pɔ́ yɛcɔ́ nu pɔ́, ɛ́sɑ́Ꞌ tʉʉ ŋ́kúpmɛ yúu mi pʉɔ ɡẅɛɛnɛ tʉ́m pɔ́p, ŋ́ɡɛ pîpɑ́ pʉɔ tsʉ́Ꞌ ńzúꞋ pɔ ntsu-Kɛlístɔ.

Ŋɡɑlɑ̂t 3:1

Pʉʉ pʉɔ-Ŋɡɑlɑ̂t, jínu yʉ́ʉ pɛ́ kɛkʉ̈ɔ́? Wɔ̌ kɑ lɔknɛ nɛkɑŋ ḿbúunɛ wʉ́ʉ pɑ́Ꞌɑ? Lɑ, mbɔ pɛ́ kɑ niitɛ ɛ́sẅíi wʉ́ʉ nɛ́ nu nǔu nɛvú tɛ ɛ́ pɔ́ pɔ pɑ́Ꞌ ŋkɑ́ yi pʉʉ sɛ́ ńdɔk mík mʉ́ʉ ńjʉ́ɔ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Ŋɡɑlɑ̂t 4:8

Pʉʉ kɑ pɔ́ yɛcɔ́ ŋkɑ́ mbɔɔ njí Sɛ́ pɔ́, ḿbɔ́ pɛkwɑɑ yúu pi pɛ́ kwɑŋɛ́nɛ ŋɡɔ ɛ́ mɛsɛ́, lɑ́ ɛ́ pɔɔ Sɛ́ pɔ́.

1 Tɛsɑlɔník 4:5

Tɛ ɑ pɔɔ pɛ́m kwɑŋɛ kɛpɔŋ ndǔmbí ɡúu pɑ́Ꞌ yi pʉɔ pi pɔ́p kɑ́ jí Sɛ́ pɔ́.

Ɛ́bɛlʉʉ 10:27

Pɛkŋɛ tsʉ́Ꞌ ŋ́ɡẅɛɛ pɔ nɛɡɔ́ ńzẅíꞋlɛ yúu mi ɛ́ sɛ́ ńtɔ́, ḿbɛn ḿbɔ́ ŋ́ɡwɛt, yîyɑ́ yúu pɔ́ ŋɡɔ pɛ́ ɡʉ ŋ́ɡɛ ŋ́ŋɑk pʉɔmɛsɔŋ mbɑ ŋɡɔ, ŋkʉꞋnɛ pɛmúk ɡʉ ŋ́ɡɛ ńtɔɔ pɑtʉʉtú mbɔ̌ Sɛ́.

Ɛ́bɛlʉʉ 10:30

Pɛkŋɛ zɛɛ ńtsuŋ ḿbɔ́ ńjí ŋu ẅí ɑ kɑ cúnɛ ŋɡɔ: «Mɔ ɡẅɛɛnɛ nɛtsɔ́Ꞌ nu kɛpɔŋ ŋ́ɡɑ́ yɛcɔ́, mɔ ɡẅɛɛnɛ nɛtsɔ́ꞋfɑꞋ mbɑ wɔ̌ lɑ́». A kɑ pɛn ńcú ŋɡɔ: «Tsɑpʉɔ ɡʉ ŋ́ɡɛ ŋ́ŋɑk pʉɔ pɛ́».

Ɛ́bɛlʉʉ 11:8

Ɛ́ kɑ fú pɔ nǔu pɑ́Ꞌ Ábɛlɛhɑ̂m kɑ zɑ́pnɛ tʉ́m yɛ́ nǔu Sɛ́, lɑ Sɛ́ fúŋ wɛ́ ɑ zúꞋ ntsu wɛ́, ŋ́ɡʉ nɛ́ tsɛt wɛcɔ́ ŋɡɔŋ ẅí ɛ́ kɑ pɔ́ ŋ́ɡʉ ŋ́ɡɛ tsʉ́Ꞌ ḿbɔ́ pɔ wɛ́, ńdɔ sɛ́ ŋ́ɡʉ kɛ́ jí zʉꞋ yi ɑ ɡʉnɛ tɛ ŋ́kúu zúꞋu.

Ɛ́bɛlʉʉ 12:29

MbíꞋŋɡɔ Sɛ́ wɛkŋɛ, ɛ́ múk ẅi ɛ́ tɔɔnɛ yúu tsʉʉ yi ɛ́ mbɔ̌ wɛ́ ḿbɔ́ yɛ kɛpɔŋ.

Ɛ́bɛlʉʉ 2:3

Pɑ́Ꞌ ɛ́ kɑ pɔ́ pɔ́Ꞌɔ lɑ́, pɛkŋɛ lɑɑ ŋ́ɡwɑ́k nu nǔu mɑ́mɑ́ nu yi Sɛ́ kɑ ɡɛnɛ pɛkŋɛ luk, mbɔ Sɛ́ ŋ́ɡɛ pɑ́Ꞌ tɛ ńnɑ́ wɛkŋɛ? Tsɑpʉɔ Yɛ́su nɛ́ túmbʉʉ yɛ́ kɑ piitɛ ńzɛ nɛcú nu ɛ̂yɑ́. Pʉɔ pi pɔ́p kɑ zúꞋnɛ ntsu wɛ́, ɡʉ ńtsuŋ ɛ́sẅíi wɛkŋɛ ŋɡɔ ɛ́ kwɑꞋ mɑ́mɑ́ nu.

Ɛ́bɛlʉʉ 5:9

ḿbɛn ńzúꞋ tɛ ŋ́kuꞋ ŋu ẅí ḿbɔ́ ɑ ɡɛ pʉɔ pi pɔ́p zúꞋnɛ ntsu wɛ́ tɛmtɛ ńduk ndɑꞋ ndɑꞋ.

1 Pyɛ̂ 1:2

Sɛ́ Tɑ́t kɑ tsɔ́Ꞌ wʉ́ʉ, ɛ́ pɔ́ pɑ́Ꞌ ɑ kɑ lɑ́Ꞌnɛ ńzɑ́Ꞌ njí ńzɑ́p, ḿbɛn ńdɛɛ nǔu Zẅikŋɛ yɛ́ ŋ́ɡɛ pʉʉ tsʉ́Ꞌ pʉɔ pɛ́, nɛpɔ́ yi pʉʉ ɡʉ ńzúꞋ ntsu-Yɛ́su Kɛlístɔ, ɑ lɔk mɛci mɛ́ ɛ́suk wʉ́ʉ. Sɛ́ pɔ́ mbɔ̌ pʉʉ, ŋ́ɡɑ́ mɔ́fíitɛ mbɔ̌ pʉʉ tɛ ɛ́ zɑ́ɑ zɑ́ɑnɛ.

1 Pyɛ̂ 3:6

pɑ́Ꞌ Sɑ̌lɑɑ ẅí ɑ kɑ pɔ́ ńzúꞋ ntsu-ndúu mɛ Ábɛlɛhɑ̂m, tɛ ɛ́fúŋ wɛ́ ŋɡɔ Ndɛ wɛ. Pʉʉ ŋkɔ̂ɔnɛ pɑ́Ꞌɑ ḿbɔ́ yi pʉʉ lɑɑ ŋ́ɡɛ nu sʉ́Ꞌnɛ kɛ́ pɔ́k yɛcɔ́ yúu, mbɔ pʉʉ ɡʉ ńtsʉ́Ꞌ pɔ́ɔ pɛ́ pɛ́ pɑŋɡɛ́.

1 Pyɛ̂ 4:17

Ŋkɑ́ pɑ́Ꞌɑ, mbɔ ɛ́ kuꞋ pɑ́Ꞌ Sɛ́ ɡʉ ńzɑ́Ꞌ ntsɑŋ-pʉɔmɛsɔŋ, ɑ ɡʉ ńzɛ pɔ nǔu pʉɔ pɛ́. A lɑɑ ńzɛ nǔu pɛkŋɛ, mbɔ ɛ́ ɡʉ ńtsʉ́Ꞌ nɛlẅiklɛ ɛ́ pɔ́ ŋɡɔ́ku nǔu pʉɔ pi pɔ́p kɑ́ kɔŋ nɛpɛ́m Ŋkʉʉ Sʉ́Ꞌnɛ-Sɛ́ pɔ́ ɔɔ?

2 Pyɛ̂ 3:7

ŋ́ɡʉ nǔu nɛfɑŋ ŋkɔ̂ɔnɛ, mbɑ tsɛ́tsɑ́Ꞌ ŋkɔ̂ɔnɛ, mbɔ yîyɑ́ Sẅiŋɛ lẅɛꞋ wɔ́p lẅɛꞋnɛ ńdɔk ńzẅíꞋlɛ lɛ́Ꞌ yi Sɛ́ ɡʉ ŋ́ɡɛ ŋ́ŋɑk pɛɡɑŋmbuu pɛ́. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́, múk ɡɛ tʉ́nɛ́pú pɔ́p tsɛ́tsɑ́Ꞌ tɛmtɛ ńdɑ́kŋɛ.

Jẅidɛ 1:7

Pʉʉ pɛn ŋ́kẅíitɛ nu tʉ́sɔŋ-Sɔdɔ̂m mbɑ yɛ́ Ŋɡɔmɔ̂ɔ, tɛ mbɑ yɛ́ mɛcɔ́ mɛtʉ́sɔŋ mi pɔ́p pɛpɔ́p kɑ ɡẅɛɛnɛ nɛpɑt. Pʉɔ-mɛtʉ́sɔŋ ɛ̂mɑ́ kɑ nɛn nǔu sɛ̂ndúŋ-ɡɑ́ɑ pɑ́Ꞌ pɛcʉ̈ɔ́Ꞌ-Sɛ́ ɛ̂pɑ́. Ḿbɔ́ ńdɔɔ nɛnɔɔ nɛ́ pɛcʉ̈ɔ́Ꞌ-Sɛ́ ɛ́ pɔɔ ḿbíkŋɛ pɔ́. Ɛ́ nǔu ŋkɔ̂ɔnɛ mbɔ Sɛ́ níꞋ pʉɔ-tʉ́sɔŋ ɛ̂pɑ́ tsɛt múk ẅi ɛ́ kɛ́ lɑ́Ꞌ ḿbɛ́ pɔ́. Ɛ́ lɔk ńcú nu mbɔ̌ mbɑ wɔ̌ lɑ́.

Mɛnu ɛ́ ńdɑ́Ꞌ ńcẅɛt 20:10

Sɑ́ttɑ ẅí ɑ kɑ pɔ́ ɛ́fúklɛ wɔ́p lɑ́, pɛ́ tsʉ́ʉ wɛ́ ḿmɑꞋ tsɛt ɡʉ́ɔ múk ntʉʉ, nɛjɔ́ŋ ŋkʉꞋnɛ nɑɑ mbɑ nɛjɔ́ŋ ŋɡɛ́mndʉ̈ɔ́Ꞌ-Sɛ́ wɛ cɔtnu. Pɔ́p lɑ́Ꞌ ńtswɛ́ zúꞋu, ńjʉ́ɔ ŋɡʉ̈ɔ́Ꞌ ntɛ́ nɛ́ ntɛ́, nɛnɛm pɔ́p nɛtúꞋ, nǔu mɛŋɡuꞋ mɛŋɡuꞋ.

Mɛnu ɛ́ ńdɑ́Ꞌ ńcẅɛt 21:8

Lɑ́ ŋ́kɛ́ ŋ́ɡʉ nǔu pɛntsɔ̌ɔ, mbɑ nǔu pɑpɛ́m ḿbɛn ńdʉꞋ, mbɑ nǔu pɑɡɛ mɛnu ndǔmbí, mbɑ nǔu pɑjẅítɛ pʉɔ, mbɑ nǔu pɑɡɛ mɛnu-ɡɑp, mbɑ nǔu pɑɡẅɛɛ mɛkɑŋ, mbɑ nǔu pɑɡúꞋlɛ yúu ŋɡɔ ɛ́ mɛsɛ́, ŋ́ɡɛ ɡɑŋcɔtnu tsʉʉ, mbɔ yɔ́p yúu mi pɛ́ ɡʉ ŋ́ɡɛ ńdɔk ńtsɔ́Ꞌ fɑꞋ yɔ́p ɛ́ pɑ́Ꞌ pɛ́ ɡʉ ŋ́ɡɛ ḿmɑꞋ wɔ́p tsɛt nɛpʉ́-múk mɛɡʉ̈ɔꞋlɛ, ɛ́ lɔk ḿbɔ́ nɛpfú ŋkɑ́ yɛ́pɑ́.»

Mɛnu ɛ́ ńdɑ́Ꞌ ńcẅɛt 6:10

ḿbɔ́ ŋ́kíi nɛ́ ŋɡi tɛnnɛ ńcú ŋɡɔ: Tsɑpʉɔ, ɡu ẅí ɔ Sɛ́, ḿbɔ́ ŋu ẅí ɑ sẅíinɛ nu nɛ́nẅín, ɔ ɡʉ ńzẅíꞋlɛ tɛ ŋ́kúu pɔ shʉ́nɛ, lɑ ŋ́ŋɑk pʉɔ ndǔ tsɛ́tsɑ́Ꞌ, ńníꞋ ŋɡʉ̈ɔ́Ꞌ tú pɔ́p ntɛ́ pɑ́Ꞌ pɔ́p kɑ jẅítɛ́nɛ wɛ́k?