2 Kɔlɛ̂ŋtɛ 11:26 - Kɑɑ Fí

²⁶ Ŋ kɑ ńnɛn tɛꞋ, nɛvú ńnʉk wɑ́ɑ tɛꞋ, ńjúk ńjʉ́ɔ ŋɡʉ̈ɔ́Ꞌ mɛŋki mi ɛ́ kɔ́Ꞌnɛ tɛ ɛ́sɑt zʉꞋ, ńjúk ḿvu nu mbɔ̌ pɛsɛmntsu, ńjúk ḿvu nu mbɔ̌ pɔ́ɔpɛ́mɑ́ pɑ́ɑ pɑyúdɑ, ńjúk ḿvu nu mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńjúk ŋ́kúu nu tsɛt mɛtʉ́sɔŋ, ńjúk ŋ́kúu nu kɔ̂ŋtɛt, ńjúk ŋ́kúu nu tsɛt ŋki kɛ́ nɛpɑt, ńjúk ŋ́kúu nu mbɔ̌ pʉɔ pi pɔ́p cɔtnɛ nu ŋɡɔ pɔ́p pʉɔ-Kɛlístɔ,

2 Kɔlɛ̂ŋtɛ 11:26 Cross References

ŊwɑꞋnɛ-Gɑŋntúu Yɛ́su Kɛlístɔ 14:5

Pɑyúdɑ mbɑ pʉɔ pí pɔ́p kɑ́ pɔ́ pɑyúdɑ pɔ́, pɔ́p pɛkɛ́m-lɑ́Ꞌ pɔ́p, zɑ́p ŋɡɔ pɔ́p ɡʉ ńdɔk mɛtʉʉ ŋ́kúu nǔu, ńtɛ́m ɡɑŋntúu-Yɛ́su-ɛ̂pɑ́ nɛ́ mɛŋɡɔꞋ ńjẅí.

ŊwɑꞋnɛ-Gɑŋntúu Yɛ́su Kɛlístɔ 25:3

«Sɛ́sẅii ɡɛ, Pɔ̂l tɔ́ tɛ ŋ́kúu Yɛlúsɑlɛm,» ńcú pɔ́Ꞌɔ, ḿbɔ́ ńdɔɔ nɛnɔŋ mɑnzɔŋ ẅí ɛ́ ɡʉ zɑ́Ꞌ Pɔ̂l sɛ̂ndúŋ ńjẅí wɛ́.

ŊwɑꞋnɛ-Gɑŋntúu Yɛ́su Kɛlístɔ 20:19

Ŋ kɑ fɑꞋ fɑꞋ-Tsɑpʉɔ kɛ́ ŋɑ́Ꞌ mbʉʉ, ŋ́ɡɔ fɑꞋ ḿbɔ́ ńdɑɑ, ḿbɔ́ ńjʉ́ɔ ŋɡʉ̈ɔ́Ꞌ, mbíꞋŋɡɔ pɑyúdɑ kɑ pɔ́ ndɔɔ nɛjẅí wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 17:5

Lɑ́ pɑyúdɑ pinɛ pɔ́p lʉꞋnɛ jʉ́ɔ pɔ́Ꞌɔ, ŋ́kɔ́Ꞌ lɔ́ŋ, ŋ́ɡʉ mɛtú-ndúŋ-ńcúꞋlɛ pɑ kɛ́ kúu nǔu nu, pɔ́p pɛ́ pɔ́p kuutɛ lɑ́Ꞌ, ḿmɑꞋ vɑꞋ tʉ́sɔŋ. Pɔ́p ɡʉ ndɑ́-Jɑ́sɔŋ nɛlɔɔ Pɔ̂l pɔ́p Sílɑs pɑ́Ꞌ pɔ́p ɡʉ ŋ́ɡẅɛɛ wɔ́p ŋ́ɡʉ tík wɔ́p mbi lɑ́Ꞌ,

ŊwɑꞋnɛ-Gɑŋntúu Yɛ́su Kɛlístɔ 13:50

Lɑ́ pɑyúdɑ ɡɔ́ɔ ŋ́kɛ́ ńníꞋ mɛtʉʉ pɛcɔ́ pɑŋɡɛ́ pi pɔ́p tʉ́sɔŋ-Antíyɔshɛ ɛ̂wɑ́ ŋ́ɡẅɛɛ yúu. Mbɔ pɔ́p kɑ pɔ́ ńcɛꞋlɛ Sɛ́ pɑ́Ꞌ pɑyúdɑ, ńníꞋ mɛtʉʉ mbɑ pɛcɔ́ pɛkɛ́m pi pɔ́p tʉ́sɔŋ. Pɔ́p pɛ́ pɔ́p zɑ́ɑ sɔ́ɔ nǔu Pɔ̂l pɔ́p Pɑnɛpɑ́ɑshi, ńzuŋ wɔ́p tɛ pɔ́p fú lɑ́Ꞌ pɔ́p ŋ́kɛ́ ŋ́ɡʉ ɡʉnɛ.

Ŋɡɑlɑ̂t 2:4

Tɛ mbɑ pɑ́Ꞌ pɛcɔ́ pɑcɔtnu ŋɡɔ pɔ́p pɔ́ɔpɛ́mɑ́ pɛk kɑ pɔ́ ŋ́kɔŋ ŋɡɔ pɛ́ púꞋ wɛ́. Pʉɔ ɛ̂pɑ́ kɑ sɔ́ ŋ́kúu tsɛtsɛt pɛk pɑ́Ꞌ pɛmɑ́nɑ́ŋ. Pɔ́p kɑ pɔ́ ńtɔ́ nɛjʉ́ɔ pɑ́Ꞌ pɛk pɛndẅǐi nǔu mɑt-pɑyúdɑ, ḿbɛn ḿbɔ́ ŋ́ɡɛ mɛ́k mɛnu pɔ́Ꞌɔ. Pɔ́p kɑ pɔ́ ńdɔɔ nɛlɔk wɛ́k ŋ́ɡɛ pɛkwɑɑ.

2 Kɔlɛ̂ŋtɛ 11:32

Ɛ́ kɑ pɔ́ ŋkɑ́ yi ŋ kɑ pɔ́nɛ tʉ́sɔŋ-Ndɑ́mɑ́s, ŋɡɔ́mnɑɑ ẅí fɔɔ Alɛstɑ kɑ zɑ́pnɛ wɛ́, ɑ cú pɛ́ pɔ́ ḿbyɛ́p mɛntsu-ŋkɑ́Ꞌ-tʉ́sɔŋ, lɔɔ nɛɡẅɛɛ wɑ́ɑ.

1 Kɔlɛ̂ŋtɛ 15:32

Ŋ kɑ tɔ́ Ɛ́fɛ̂zɛ wɔ pɛk pʉɔ mɑꞋ, yɔ́p ntɛ́ pɔ́ tɛ pɔ́p mɛyúu mɛku pɔ́ pɔ tɑ́Ꞌ yúu. Ɛ́ lɑɑ ḿbɔ́ yi pɛkŋɛ pɛpɔ́p kɑ pɔ́ ḿmɑꞋ pɔ́Ꞌɔ, yɑ́ɑ jínu tʉ́ʉ pɔ nǔu yúu mi ɛ́ tsɛt yɔ ndǔmbí, mbɔ pii yi ŋ kɑ jʉ́nɛ nǔu kʉ̈ɔ́? Ɛ́ lɑɑ ḿbɔ́ yi pɛ́ pfú ḿbɛn ḿbɔɔ ńzẅíimɛ nǔu nɛvú pɔ́, mbɔ ɛ́ tsʉ́Ꞌ ḿbíkŋɛ pɔ ŋɡɔ pɛkŋɛ ɡɛ pɑ́Ꞌ sɑknɛkɛt kɑ cúnɛ lɑ́ ŋɡɔ: «Yɛ ŋu yɛ́ ntsu wɛ́, mbíꞋŋɡɔ njí ŋ́kiɛ pɛ́ ɡʉ.»

Pʉɔ-Lɔ́mɑ 15:19

ńdɛɛ nǔu mɛlii-mɛnu pɔ́p mɛnu mɑ̌ɑmɑɑnɛ, ḿbɛn ńdɛɛ nǔu mɛtʉʉ-Zẅikŋɛ-Sɛ́. Yɔ ntɛ́ yi ŋ kɑ lɔknɛ ńniitɛ ńcẅi Ŋkʉʉ Sʉ́Ꞌnɛ-Kɛlístɔ zʉꞋ tsʉʉ, nɛfú Yɛlúsɑlɛm ŋ́ɡʉ ŋ́kúu Ilylî.

ŊwɑꞋnɛ-Gɑŋntúu Yɛ́su Kɛlístɔ 23:10

Pɛ́ ɡɑ́Ꞌ nɛzɔŋ. Tɑ́tndɑ́-pɛtɑ́tndɑ́-ntsɔ-Lɔ́mɑ jʉ́ɔ ḿbɔ́k, ŋɡɔ pɔ́p ɡʉ ńcitɛ Pɔ̂l mɛkɛm mɛkɛm, ńcú mbɔ̌ pɑlʉ̈ɔ́Ꞌntsɔ ŋɡɔ pɔ́p fɛ́Ꞌnɛ ḿpfúu, ŋ́ɡɛ pɛ́ lɔk Pɔ̂l ɛ́fú zʉꞋ yi pɛ́ ŋɑknɛ ntsɑŋ zúꞋu ńcẅɛt, ŋɡɔ pɔ́p lɔk wɛ́ ŋ́ɡʉ tsɛt mɑ́mɑ́ ŋkɑ́Ꞌ-pɑlʉ̈ɔ́Ꞌntsɔ.

ŊwɑꞋnɛ-Gɑŋntúu Yɛ́su Kɛlístɔ 19:23

Ɛ́ pɔ́ ŋkɑ́ yîyɑ́ wɛcɔ́ mɑ́mɑ́ vɑꞋ vu ntɛ́ pʉɔ pi pɔ́p nǔu sɛ̂ndúŋ-Yɛ́su.

ŊwɑꞋnɛ-Gɑŋntúu Yɛ́su Kɛlístɔ 19:1

Apɔlɔ́s ɡɔ́ ḿbɔ́ Kɔlɛ̂ŋntɛ pɑ́Ꞌɑ, Pɔ̂l pɔ́ ńjɛ́Ꞌ tsɛt pɑk-ŋɡɔŋ yi mɛmɑ́ mɛŋkɔ́Ꞌ zúꞋu, ŋ́ɡʉ tɛ ŋ́kúu Ɛ́fɛ̂zɛ, ńjʉ́ɔ pɛcɔ́ ntɑ́Ꞌpʉɔ-Kɛlístɔ pɔ́ zúꞋu,

ŊwɑꞋnɛ-Gɑŋntúu Yɛ́su Kɛlístɔ 18:12

Ɛ́ ɡɔ́ ḿbɔ́ yɛcɔ́ ŋkɑ́, Ŋɡɑlíyɔn tsʉ́Ꞌnɛ ŋɡɔ́mnɑɑ nǔu pɑk-ŋɡɔŋ-Pɑlɔ́mɑ yi pɛ́ fúŋnɛ ŋɡɔ Akɑ̂y. Pɑyúdɑ nɑ́ŋ tɛ ńdɔ sɛ́ nzʉʉ Pɔ̂l, ŋ́ɡẅɛɛ wɛ́ ńdɔk ŋ́ɡʉ zʉꞋ yi pɛ́ ŋɑknɛ ntsɑŋ zúꞋu, ɛ́fɛn wɛ́,

ŊwɑꞋnɛ-Gɑŋntúu Yɛ́su Kɛlístɔ 15:40

Pɔ̂l tsʉ́Ꞌ ńtsɔ́Ꞌ yɛ́ Sílɑs, pɔ́pmɛ ɡɔ́ ŋ́ɡʉ, pɔ́ɔpɛ́mɑ́ fɛ́ɛ wɔ́p mbɔ̌ Tsɑpʉɔ ŋɡɔ ɑ cẅɛ́lɛ́ wɔ́p.

ŊwɑꞋnɛ-Gɑŋntúu Yɛ́su Kɛlístɔ 14:19

Mbɑ pɔ́Ꞌɔ, pɛcɔ́ pɑyúdɑ ɡɔ́ɔ ŋ́ɡɛ ɛ́fú Antíyɔshɛ ẅí ɛ́ mbʉʉ Pisidîi, pɛcɔ́ fú tʉsɔŋ-Ikɔníyum, pɔ́p puu ńtɔ́ shɔt lɑ́Ꞌ tɛ pɔ́p tsʉ́Ꞌ ḿbɔ́ pɔ nǔu yɔp nzʉʉ. Pɔ́p pɛ́ pɔ́p lɔk mɛŋɡɔꞋ ńtɛ́mtɛ Pɔ̂l, tɛ ḿbɔ́ ŋ́kwɑŋɛ pɔ ŋɡɔ ɑ pfú, ɛ́shuŋ wɛ́ ńdɔk ɛ́fú tʉ́sɔŋ, ŋ́ɡʉ ḿmɛꞋ.

ŊwɑꞋnɛ-Gɑŋntúu Yɛ́su Kɛlístɔ 13:45

Pɑyúdɑ jʉ́ɔ ndɛn lɑ́Ꞌ yi ɛ́ kɔ́Ꞌnɛ, ŋ́kɔ́Ꞌ lɔ́ŋ, ńzɛ nɛsɑ shuk-nu yí Pɔ̂l pɔ́p Pɑnɛpɑ́ɑshi cúnɛ, ńzɛ nɛzɔɔtɛ wɔ́p.

ŊwɑꞋnɛ-Gɑŋntúu Yɛ́su Kɛlístɔ 17:13

Lɑ́ pɑyúdɑ pɛ́ Tɛsɑlɔnik nɑ́ŋ tɛ ńzúꞋ pɑ́Ꞌ Pɔ̂l Mbɛlɛ́ɛ, ḿbɔ́ ŋ́kẅiꞋ ɛ́sẅíi nu-Sɛ́, ńnɑ́ɑtɛ ńtɔ́ zúꞋu, ńzɛ nɛmɑꞋ vɑꞋ ńdɔk ńníꞋ mɛtʉʉ lɑ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 20:3

ńnɑ́ŋ pɛsɑŋ pɛtɑ́t tɛ ḿbɔ́ ŋ́kwɑŋɛ pɑ́Ꞌ ɑ ɡʉ ŋ́kúu mɑ́mɑ́ kɑnúꞋ ŋ́ɡʉ nɛ́ Siliyɑ, ŋ́ɡɔ́ɔ ńzúꞋ ŋɡɔ pɑyúdɑ sɛ́ ńdɔɔ nɛjẅí wɛ́. ŃzúꞋ pɔ́Ꞌɔ, ńtsʉ́Ꞌ ńzɑ́p pɔ ŋɡɔ ɑ ɡʉ ńdɔk wɛ Mɑsɛ́ndwɑn ḿbɛn nɛ́ zúꞋu.

ŊwɑꞋnɛ-Gɑŋntúu Yɛ́su Kɛlístɔ 27:42

Ɛ́ lɛɛ pɔ́Ꞌɔ, pɑlʉ̈ɔ́Ꞌntsɔ lɔɔ nɛjẅítɛ ɡɑŋtsɑ́ŋ, ḿbɔ́k pɑ́Ꞌ ɛ́ lɑɑ ḿbɔ́ wɛcɔ́ tɑ́Ꞌ púꞋ ŋki ŋ́kʉɔ.

Pʉɔ-Lɔ́mɑ 8:35

Tɛ yɛcɔ́ yúu ɡú yi mbɔ ɛ́ fyɑk wɛkŋɛ pɛ Kɛlístɔ tɛ ɑ pɔɔ pɛn ŋ́kɔŋ wɛkŋɛ pɔ́ ɔɔ? Ŋɡʉ̈ɔ́Ꞌ ɔ́ɔ? NɛpúꞋ mbʉʉ ɔ́ɔ? Pɛ́ nɛkʉ́ʉnɛ wɛkŋɛ ɔ́ɔ? Nji ɔ́ɔ? Púŋ ɔ́ɔ? Yúu mi ɛ́ vukŋɛ́nɛ wɛkŋɛ ɔ́ɔ? Kɛ pɔ nɛvú?

1 Kɔlɛ̂ŋtɛ 15:30

Mbɔ pɛk pɛ́m nɛnɑ́ŋ ŋkɑ́ tsʉʉ ḿbɔ́ pɔ ntsu-nɛvú mɛlɑ́Ꞌ kʉ̈ɔ́?