1 Jɑ̂ŋ 2:1 - Kɑɑ Fí

¹ Mbɔ́ŋkʉ̈ɔ́ pɑ́ɑ, ŋ ŋwɑꞋnɛ mɔnɛ mɛnu nɛpɔ́ yi pʉʉ ɡʉ ŋ́ɡẅɛɛ shʉ́ tɛ mbɔɔ ɡɛ nu kɛpɔŋ pɔ́. Lɑ́ ḿbɔ́ yi ŋu lɑɑ ŋ́ɡɛ nu kɛpɔŋ, mbɔ pɛkŋɛ ɡẅɛɛ wɛkŋɛ ŋu nɛjɔ́ŋ Tɑ̌ɑ, ɑ pɔ́ Yɛ́su Kɛlístɔ, jʉ́ ẅi ɑ ndʉ́ŋndʉŋ mbi Sɛ́.

1 Jɑ̂ŋ 2:1 Cross References

Lúkɑ́shi 10:22

Yɛ́su pɛn ńcú ŋɡɔ: «Tɑ̌ɑ mɔ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ. Mbɔ wɛcɔ́ ŋu pɔɔ jí mɔ́ɔ pɔ́, ńdíꞋ ńdɑ́Ꞌ tɑ́t jínɛ wɛ́. Ŋu kɛ́ ḿbɔɔ Tɑ́t jí, ńdíꞋ ńdɑ́Ꞌ mɔ́ɔ nɛjí wɛ́, ḿbɛn ŋ́ɡɛ ŋu ẅi mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.»

Jɑ̂ŋ 10:15

Ndʉ́ŋndʉŋ pɑ́Ꞌ Tɑ̌ɑ mɔ sɛ́ ńjí wɑ́ɑ, m bɛn ḿbɔ́ ńjí Tɑ̌ɑ mɔ. Ŋ ɡɑ́ tú yɑ́ɑ ntɛ́ mɛnjinjɔ mɑ́ɑ.

Jɑ̂ŋ 13:33

Mbɔ́ŋkʉ̈ɔ́ pɑ́ɑ, pɛkŋɛ kɛ́ pɛn ńnɑ́ŋ tɛ ntí sɑk pɔ́. Pʉʉ ɡʉ ŋ́ɡɛ ḿbɔ́ kɑ́t ńdɔɔ wɑ́ɑ pɑ́Ꞌ ŋ kɑ cúnɛ mbɔ̌ Pɑyúdɑ ŋɡɔ: «ZʉꞋ yí ŋ ɡʉnɛ nɛ́ zúꞋu, pʉʉ kɛ́ kuꞋ nɛtɔ́ zúꞋu pɔ́. Mɔ ḿbɛn ńcú yîyɑ́ nu mbɔ̌ pʉʉ ŋkɔ̂ɔnɛ.»

Jɑ̂ŋ 14:16

Ŋ ɡɔ́ɔ ŋ́kɛ́ ḿbúꞋ mbɔ́ mbɔ̌ Tɑ̌ɑ mɔ, ɑ ɡɑ́ wɛcɔ́ Ncẅɛ́ɛntɑ́ŋ mbɔ̌ pʉʉ, ẅi pʉʉ pɛ́ pɔ́p ɡʉnɛ ńtsʉ́Ꞌ ḿbɔ́ ŋkɑ́ tsʉʉ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 21:5

A cú mbɔ̌ pɔ́p ŋɡɔ: «Pʉɔ pɑ́ɑ, tɛ pʉʉ zɛɛ ŋ́ɡẅɛɛ mbɑ tɑ́Ꞌ mbɑŋ shú?» Pɔ́p cú ŋɡɔ ŋɡɑ́ŋ.

Jɑ̂ŋ 5:14

Yɛ́su ɡɛ ńjʉ́ɔ wɛ́ tsɛt ndɑ́-nɔŋpɔꞋ, ńcú mbɔ̌ wɛ́ ŋɡɔ: «Ɔ lɑ́Ꞌ ɛ́fíitɛ sʉ́Ꞌnɛ, kɔɔ lɑ́Ꞌ ḿbɛn ŋ́ɡɛ nu kɛpɔŋ ḿbɔ́k yɛcɔ́ ŋɡʉ̈ɔ́Ꞌ nɛpɛn ŋ́kúu wú, tɛ ńtsɑ yi ɔ kɑ zɛɛnɛ ḿbɔ́ tsɛtú.»

Jɑ̂ŋ 5:36

Lɑ́ mɔ, ŋ kɛ́ ḿbɔ́ pɑ́Ꞌɑ ŋ́ɡẅɛɛ yɛcɔ́ nu yí ɛ́ tsɑnɛ yɛ́ Jɑ̂ŋ: MɛfɑꞋ mí Tɑ̌ɑ mɔ kɑ ɡɑ́nɛ ŋɡɔ ɛ fɑꞋ, kwɑꞋ mɛfɑꞋ ɛ̂mɑ́ nyɛtnɛ ŋɡɔ Tɑ̌ɑ mɔ kɑ túunɛ wɑ́ɑ.

Jɑ̂ŋ 6:27

Kɔɔ pʉʉ sɑ́Ꞌ tʉʉ nǔu yúupɛjʉ́ pi ɛ́ kɛ́ lɑ́ɑtɛ, pʉʉ sɑ́Ꞌ tʉʉ pɔ nǔu yúupɛjʉ́ pi ŋu jʉ́, ɛ́ ɡɑ́ luk kɛ́mɛ. Mɔ́ɔ-Ŋu ɡʉnɛ ŋ́ɡɑ́ yîyɑ́ yúupɛjʉ́ mbɔ̌ pʉʉ, mbíꞋŋɡɔ Tɑ̌ɑ Sɛ́ kɑ cʉɔꞌ lii yɛ́ nǔu wɛ́.»

Jɑ̂ŋ 8:11

A pʉ̈ɔt mbɔ̌ wɛ́ ŋɡɔ: «Sɑ̌ɑ ŋu mbɑ̌ɑ Ndɛ.» Yɛ́su cú mbɔ̌ wɛ́ ŋɡɔ: «Mbɑ mɔ yɑ́ɑ, ŋ kɛ́ tɛ́m wú pɔ́. Gʉ, kɔɔ lɑ́Ꞌ ḿbɛn ŋ́ɡɛ nu kɛpɔŋ.»

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.

Pʉɔ-Lɔ́mɑ 5:10

Pɛkŋɛ pɛ Sɛ́ kɑ zɛɛ ḿbɔ́ pɔ ɡɑŋmbuu, lɑ Sɛ́ lɔk pɑ́Ꞌ Mɔ́ɔ nɛ pfúnɛ, ḿmɛk mbuu yɛkŋɛ pɛpɔ́p. Ɛ́ ɡʉ ḿbɛn ḿbɔ́ nǔu ŋkɔ̂ɔnɛ, ɑ lɔk pɑ́Ꞌ Mɔ́ɔ nɛ pɔ́ pɔ ɡú, ŋ́ɡɛ pɛkŋɛ luk ŋɡʉ̈ɔ́Ꞌ luknɛ.

Pʉɔ-Lɔ́mɑ 6:15

Pɔ́Ꞌɔ, ńdɔk ńcú ŋɡɔ kʉ̈ɔ́? Pɛ́ lɔk ńcú ŋɡɔ pɛkŋɛ ɡɛ mɛnu kɛpɔŋ, mbíꞋŋɡɔ pɛkŋɛ kɑ́ pɛ́t ńnɛn nǔu sɛ̂ndúŋ-nɛpʉ́ʉ pɔ́, ńtsʉ́Ꞌ ńnɛn pɔ nǔu ẅi Sɛ́ ńdɛɛ nǔu ŋ́ɡɑ́ fuꞋ níinɛ yɛkŋɛ, ńdɔk wɛkŋɛ ŋ́ɡɛ pʉɔ pɛ́ kɛkʉ̈ɔ́? Ŋɡɑ́ŋ ḿbɔ́ pɛkŋɛ pɔɔ pɔ́Ꞌɔ ɡɛ.

Pʉɔ-Lɔ́mɑ 8:34

mbɔ wɔ̌ kuꞋ nɛcú ŋɡɔ ntsɑŋ jʉ́nɛ wɔ́p? Ŋɡɑŋ kɑ pɔ́ ɡú pɔ́, mbíꞋŋɡɔ Yɛ́su Kɛlístɔ kɑ pfú nǔu tú yɔ́p, mbɔɔ ɡɔ́ŋ pɔ́Ꞌɔ pɔ́, ɑ kɑ zẅíimɛ nǔu nɛvú. A nɑ́ŋ nǔu ɡúŋ-pɔ́-Sɛ́ yi tʉʉ, ḿbɔ́ ḿbúꞋ mbɔ́ mbɔ̌ wɛ́ nǔu tú yɛkŋɛ.

1 Kɔlɛ̂ŋtɛ 15:34

Pʉʉ ɡẅɛɛ mbʉʉ yʉ́ʉ nǔu ntɛ́ yi ɛ́ ḿbɔŋ Sɛ́, kɔɔ pʉʉ pɛn ŋ́ɡɛ mɛnu kɛpɔŋ. N cú mbíꞋŋɡɔ mɔ sɛ́ ńjʉ́ɔ pɛcɔ́ pʉɔ pɔ́ tsɛtsɛt pʉʉ ḿbɔɔ Sɛ́ jí, n cú pɑ́Ꞌɑ ńtsɑ́ɑ ŋɡɔ sʉ́ʉ kɔ́ wʉ́ʉ.

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Ŋɡɑlɑ̂t 4:19

Mbɔ́ŋkʉ̈ɔ́ pɑ́ɑ, m bɛn ḿbɔ́ ńjʉ́ɔ ŋɡʉ̈ɔ́Ꞌ fí nɛfí nǔu pʉʉ pɔ pɑ́Ꞌ mɑŋɡɛ́ ẅí ɑ sɛ́ ńnɛ́mɛ ḿbɔ́ ŋ́ɡʉ ḿbí lɑ́. Mɔ ŋ́kɛ́ ńjʉ́ɔ ŋɡʉ̈ɔ́Ꞌ pɔ pɔ́Ꞌɔ, tɛ ŋ́kúu ŋkɑ́ yi pʉʉ tsʉ́Ꞌ kwɑꞋ pʉɔ-Kɛlístɔ.

Ɛ́fɛ̂zɛ 2:18

Pɔ́Ꞌɔ, pʉʉ tɛ mbɑ pɛk pɑyúdɑ lɛɛ pɔ nǔu jʉ́ Kɛlístɔ, ŋ́ɡʉ nɛjɔ́ŋ Sɛ́ Tɑ́t, tɑ́Ꞌ Zẅikŋɛ Lɛ́ɛnɛ́nɛ wɛ́mɔ́Ꞌ kɛ́nɛ ńcẅɛ́lɛ wɛkŋɛ.

Ɛ́fɛ̂zɛ 4:26

Pʉʉ lɑɑ ńzɑ́ŋ lɔ́ŋ, pʉʉ pɑ́ɑ nɛɡɛ nu kɛpɔŋ, ḿbɑ́ɑ nɛm nɛɡɔ́ ḿbɔ́t, zɑ́ŋ lɔ́ŋ pɛ́t tʉ́m pʉʉ.

1 Timɔtɛ́ɛ 2:5

Sɛ́ zɛɛ ḿbɔ́ pɔ wɛ́mɔ́Ꞌ. Nɛnkɛ́m pɔ́ pɔ wɛ́mɔ́Ꞌ tsɛtsɛt Sɛ́ pɔ́p pʉɔmɛsɔŋ. A Yɛ́su Kɛlístɔ, ḿbɔ́ yɛ́ ŋumɛsɔŋ.

1 Timɔtɛ́ɛ 3:14

Timɔtɛ̂ɛ, mɔ sɛ́ ŋ́kwɑŋɛ ŋɡɔ ŋ kɛ́ lɑ́ɑtɛ lɑ ńtɔ́ ńjʉ́ɔ wú pɔ́. Ŋ kɛ́ ŋ́ŋwɑꞋnɛ yɔ ŋwɑꞋnɛ, ŋ́ɡɑ́ mbɔ̌ ɡu pɑ́Ꞌɑ,

Ɛ́bɛlʉʉ 9:24

Kɛlístɔ kɑ zɛɛ ḿbɔɔ kúu tsɛt zʉꞋ yi pɛ́ nɔŋnɛ pɔꞋ zúꞋu, ɛ́ pɔ́ yi pʉɔmɛsɔŋ kɑ lɔknɛ mbɔ́ mɔ́p ńniitɛ ńdɔk ɛ́fʉꞋ kwɑꞋ yîyɑ́ yi ɛ́ tʉ́nɛ́pú pɔ́. A kɑ kúu pɔ kwɑꞋ tʉ́nɛ́pú, lɑ́ ɑ ŋkɔ̂ɔnɛ ńdɔk yɛkŋɛ nu ḿbɔ́ nɛjɔ́ŋ Sɛ́.

Jɑ̂k 1:27

Nɛɡɛ ŋɡɔ nu-Sɛ́ pɔ́ kɛ́ lɔ́Ꞌ, ɛ́ píkŋɛ ŋɡɔ ŋu líŋɛ pɔ́ɔ pɛcí mbɑ pɛpfúk tsɛt ŋɡʉ̈ɔ́Ꞌ yɔp, ḿbɔ́ ŋu ẅí ɑ pɑ́ɑ mbʉʉ yɛ, ḿbɔ́k ntsɛ́llɛ́ nɛpʉ́ʉpɛ wɛ́.

Jɑ̂k 3:9

Pɛkŋɛ lɔk pɔ lʉ́m ńdɔk ŋ́ɡúꞋlɛ Tsɑpʉɔ Tɑ̌ɑ wɛkŋɛ, ḿbɛn ńdɔk pɔ yɛ́tɛ́ ńníꞋ ndɔɔ tú-pʉɔmɛsɔŋ pínɛ Sɛ́ kɑ pɔ́ɔnɛ ŋ́ɡɛ pɔ́p fí wɛ́.

1 Pyɛ̂ 2:22

Jʉ́ Kɛlístɔ ŋ́kɑɑ kɛ́ ŋ́ɡɛ yɛcɔ́ nu kɛpɔŋ pɔ́, ŋ́kɛ́ mbɔɔ sẅíi cɔtnu pɔ́.

1 Pyɛ̂ 3:18

Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.

1 Jɑ̂ŋ 3:18

Mbɔ́ŋkʉ̈ɔ́ pɑ́ɑ, kɔɔ pɛkŋɛ lɔk pɔ ndɑꞋ ntsu ńcú mbɔ̌ ŋu ŋɡɔ pɛkŋɛ kɔŋ wɛ́. Lɑ́ ɛ́ kɛ́ ḿbɔ́ pɔ ŋkɔŋɛ-mɛkup-ntsu. Pɛkŋɛ lɔk pɔ yúu mi pɛkŋɛ ɡɛnɛ, lɑ́ ɛ́ pɔ́ nu nɛ́nẅín ŋɡɔ pɛkŋɛ sɛ́ ŋ́kɔŋ wɛ́.

1 Jɑ̂ŋ 3:5

Pʉʉ sɛ́ ńjí ŋɡɔ Yɛ́su Kɛlístɔ kɑ tɔ́ nɛjɛ́p mɛnu kɛpɔŋ, yɛcɔ́ nu kɛpɔŋ pɛn ŋ́kɛ́ mbɔɔ nǔu wɛ́ pɔ́.

1 Jɑ̂ŋ 3:7

Mbɔ́ŋkʉ̈ɔ́ pɑ́ɑ, ḿbɑ́ɑ ŋu nɛɡɛ pʉʉ fɑɑnɛ sɛ̂ndúŋ. Ŋu lɑɑ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ ŋɡɑŋ lɔk ŋ́ɡɛ yɛ́ pɑ́Ꞌ Yɛ́su Kɛlístɔ. A ɡɛ yúu mi ɛ́ ndʉ́ŋndʉŋ mbi Sɛ́.

1 Jɑ̂ŋ 4:4

Pʉʉ mbɔ́ŋkʉ̈ɔ́ pɑ́ɑ, pʉʉ nǔu ɡúŋ yɛ́ Sɛ́. Pʉʉ kɑ kɛ́mɔ́ ńdʉɔ́Ꞌ tɛ ńdɛɛ pɑcẅiŋkʉʉ-Sɛ́ pɛ́ cɔtnu, mbíꞋŋɡɔ Zẅikŋɛ-Sɛ́ yi ɛ́ nǔu pʉʉ ɛ́ tɛn ńdɛɛ ŋɡɑŋmbuu-Kɛlístɔ ẅí ɑ ndǔmbí.

1 Jɑ̂ŋ 5:17

Mbɑ kʉ̈ɔ́ lɑ́ yi ŋu ɡɛnɛ, tɛ ɛ́ pɔ́ yi Sɛ́ kɑ́ pɔ́ ŋ́kɔŋ pɔ́, ɛ́ nu kɛpɔŋ, lɑ́ ŋu kɑ́ pɔ́ ŋ́ɡɛ pɔ mɛnu kɛpɔŋ tsʉʉ, lɑ ɛ́fú nǔu ḿpfú pfúnɛ pɔ́.

1 Jɑ̂ŋ 5:21

Mbɔ́ŋkʉ̈ɔ́ pɑ́ɑ, pʉʉ lɑk tú yʉ́ʉ nǔu yúu mi pʉɔ ɡúꞋlɛ́nɛ ŋɡɔ ɛ́ sɛ́.

3 Jɑ̂ŋ 1:4

Yɑ́ɑ mɑ́mɑ́ tsɑ́ɑtɛ ɛ́ pɔ́ pɔ nɛzúꞋ ŋɡɔ mbɔ́ŋkʉ̈ɔ́ pɑ́ɑ sɛ́ ńnɛn pɔ pɑ́Ꞌ nu nɛ́nẅín sɛ́ ḿbíkŋɛ.