زَبور 71:17 - هُدائے پاکێن کتاب، بلۆچی زبانا

¹⁷ او هُدا! تئو منا چه کسانیا سۆج داتگ، مُدام تئیی اجبێن کارانی جارا جنان.

زَبور 71:17 Cross References

زَبور 119:102

چه تئیی هُکمان وتی دێمُن نترّێنتگ که تئو وت منا تالیم داتگ.

زَبور 119:9

ورناێن مردمے چۆن وتی راها پاک داشتَ کنت؟ گۆن تئیی هبرئے رَندگیریا.

زَبور 26:7

تان وتی شُگرگزاریئے تئوارا بُرز کنان و تئیی سجّهێن اَجَبێن کارانی کِسّها بیاران.

زَبور 66:16

او سجّهێن هُداتُرسان! بیاێت و بِشکنێت، هما چیزّانَ گوَشان که په من کرتگ‌اَنتی.

زَبور 71:5

چیا که تئو، او هُداوند، منی اُمێت ائے و چه کسانیا، او هُداوند، اۆست و اُمێتُن تئیی سرا بوتگ.

زَبور 73:28

بله په من وشّی همِش اِنت که هُدائے نزّیکا ببان، هُداوندُن وتی پناهگاه کرتگ، تان تئیی سجّهێن کاران جار بجنان، او هُداوند!