پێدایش 47:6 - هُدائے پاکێن کتاب، بلۆچی زبانا

⁶ مِسرئے سرڈگار تئیی دێما اِنت. وتی پت و براتان مُلکئے شَرترێن جاگها نادێن. بِلّی گۆشِنئے دَمگا نِندنت. اگن آیانی تها بودی و زرِنگێن مردمَ گِندئے، منی مال و دَلوَتان همایانی دستا بدئے.“

پێدایش 47:6 Cross References

پێدایش 13:10

لوتا چمّ چست کرتنت، دیستی که اُردُنئے سجّهێن دشت، تان سۆهرا سێراپ اِنت، هُداوندئے باگئے ڈئولا، مِسرئے سرڈگارئے ڈئولا. اے چه آ وهدا پێسر اَت که هُداوندا سُدوم و گُمورَهئے شهر گار و بێگواه کرتنت.

پێدایش 13:9

سجّهێن مُلک تئیی دێما اِنت. چه من جِتا بئے. اگن تئو چپّێن نێمگا رئوئے، من راستێنا رئوان و اگن تئو راستێن نێمگا رئوئے، من چپّێنا رئوان.“

پێدایش 20:15

اَبیمَلِکا گوَشت: ”منی مُلک تئیی دێما اِنت، هر جاه که ترا دۆستَ بیت همۆدا بِنند.“

پێدایش 34:10

مئے کِرّا جَهمنند ببێت. اے مُلک شمئے وتیگ اِنت، بنندێت، سئوداگری و باپار بکنێت و مِلکتئے واهند ببێت.“

پێدایش 45:10

گۆن وتی چُکّ و نماسگ و رمگ و گۆرُم و وتی سجّهێن مال و هستیا، گۆشِنئے دَمگا جَهمنند بئے که گۆن من نزّیکّ ببئے.

پێدایش 46:34

شما بگوَشێت که ’تئیی کَستر چه کَسانیا شپانک و مالدار بوتگ‌اَنت، وتی پت و پیرُکانی پئیما.‘ گڑا شمارا اے اجازتَ رسیت که گۆشِنئے دَمگا جَهمنند ببێت که مِسریانی نِزّا سجّهێن شِپانک بَژّناکێن مردم اَنت.“

پێدایش 47:11

هما پئیما که پِرئونا هُکم داتگ‌اَت، ایسُّپا وتی پت و برات مِسرا نادێنتنت و مِسرئے شَرترێن جاگها بزان رَمِسێسئے دَمگا مِلکتی داتنت.

پێدایش 47:16

ایسُّپا گۆن آیان گوَشت: ”گڑا وتی مال و دَلوَتان بیارێت. شمئے نُگره که هلاس بوتگ‌اَنت، شمئے دَلوَتانَ زوران و بدلا شمارا وراکَ دئیان.“

پێدایش 47:4

آیان گۆن پِرئونا چُش هم گوَشت: ”ما آتکگێن که چیزّے وهدا همِدا بنندێن، چێا که کَنهانا سکّێن مزنێن ڈُکّالے کپتگ و په تئیی کَسترانی رمگان کهچر و چراگاه نێست. مئے دَزبندی اِنت، وتی کَستران رزا بدئے که گۆشِنا جَهمنند ببنت.“

پێدایش 47:5

پِرئونا گۆن ایسُّپا گوَشت: ”نون که تئیی پت و برات تئیی کرّا آتکگ‌اَنت،

دَرگوَز 18:21

چه سجّهێن مهلوکئے نیاما بودناکێن مردم گچێن کن، هما که هُداتُرس و پُراِهتبار اَنت و چه نارئواێن پائِدگا نپرتَ کننت. مهلوکا هزار هزار، سد سد، پنجاه پنجاه و ده دها بهر کن و چه اے مردمان هر یکّے، یکّ ٹۆلیێئے مستر کن.

دَرگوَز 18:25

چه سجّهێن اِسراییلا بودناکێن مَردمی گچێن کرت و مهلوکئے سَر و مستر کرتنت که هزار هزار، سد سد، پنجاه پنجاه و ده ده مردمئے مستر ببنت.

دَرگوَز 9:10

موسّا و هارونا چه کورَهێا پُر زرت و پِرئونئے دێما اۆشتاتنت. موسّایا پُر آسمانئے نێمگا شانک داتنت و اے پُران انسان و جانوَرانی جانا آبلَهێن رێش و سۆم پێدا کرت.

دَرگوَز 9:21

بله همایان که هُداوندئے هبر مان نئیاورتنت، وتی گُلام و دَلوَتِش ڈَنّا اِشتنت.

یوهَنّا 17:2

تئو سجّهێن مردمانی اِهتیار وتی چُکّئے دستا داتگ، تانکه چُکّ هما مردمان اَبدمانێن زِند بدنت که تئو آییارا داتگ‌اَنت.