په گَلاتیان پولُسئے کاگد 1:9 - هُدائے پاکێن کتاب، بلۆچی زبانا

⁹ اَنچۆ که ما پێسرا گوشتگ، نون من پدا گوَشان، اگن کَسے شمئے کِرّا هما وشّێن مِستاگئے بدلا که شمارا پێسرا رستگ، دگه مِستاگێئے جارا بجنت، آییا نالت بات.

په گَلاتیان پولُسئے کاگد 1:9 Cross References

کاسِدانی کار 18:23

پولُس اَنْتاکیَها کمّے وهدا مهتل بوت و پدا چه اۆدا در آتک و گَلاتیَه و پْریجیَها ترّ و تاب کنان، گۆن مریدان گِند و نِندیَ کرت و آیانی سِتک و باوَری مُهر و رێدگ کنانَ کرت.

پولُسئے کاگد په رومیان 16:17

او براتان! چه شما دَزبندیَ کنان، آ مردمان شَرّ بچارێت و وتا چه آیان دور بدارێت که مردمانی نیاما پلێنڈیَ کننت و شمئے گپتگێن تالیمانی هلاپا گناهئے سئوَبسازَ بنت.

پولُسئے کاگد په رومیان 9:3

درێچا وتی همرَگ و همزاتێن براتانی هاترا، من نالت کنگ بوتێنان و چه مَسیها بسِستێنان.

په پیلیپیان پولُسئے کاگد 3:1

نون، او منی براتان! شادمانی بکنێت که شما هُداوندئیگ اێت. په من اے هبرانی پدا نبشته کنگ هچّ گران نه‌اِنت و اے هبر په شما اێمنیَ کارنت.

په پیلیپیان پولُسئے کاگد 4:4

مُدام شادمانی کنێت که شما هُداوندئیگ اێت. من پدا گوَشان، شادمانی کنێت.