په گَلاتیان پولُسئے کاگد 1:8 - هُدائے پاکێن کتاب، بلۆچی زبانا

⁸ تَنْتَنا اگن ما یا چه آسمانا آتکگێن پرێشتگے اے وشّێن مِستاگئے بدلا که ما شمئے کِرّا جار جتگ، دگه مِستاگێئے جارا بجنت، آییا نالت بات.

په گَلاتیان پولُسئے کاگد 1:8 Cross References

پێدایش 9:25

گوَشتی: ”کَنهانا نالَت بات. وتی براتانی گُلامانی گُلام بات.“

مَتّا 25:41

رَندا گۆن همایان که چَپّێن نێمگا اَنت، گوَشیت: ’او شومّان! چه منی دێما دور بێت و هما جمبورێن آسئے نێمگا برئوێت که هچبرَ نمریت و په شئیتان و آییئے همراهان اَڈّ کنگ بوتگ.

مَرکاس 14:71

بله پِتْرُسا سئوگند وارت و گوَشت: ”منی سرا هُدائے نالَت بات اگن درۆگ ببندان. اے مردا که شما گوَشێت، منیَ نزانان.“

کاسِدانی کار 23:14

مزنێن دینی پێشوا و کئومئے کماشانی کِرّا شتنت و گوَشتِش: ”ما په دل سئوگند وارتگ که تان پولُسا مکُشێن هچَّ نئوَرێن.

پولُسئے کاگد په رومیان 16:17

او براتان! چه شما دَزبندیَ کنان، آ مردمان شَرّ بچارێت و وتا چه آیان دور بدارێت که مردمانی نیاما پلێنڈیَ کننت و شمئے گپتگێن تالیمانی هلاپا گناهئے سئوَبسازَ بنت.

پولُسئے کاگد په رومیان 9:3

درێچا وتی همرَگ و همزاتێن براتانی هاترا، من نالت کنگ بوتێنان و چه مَسیها بسِستێنان.

په گَلاتیان پولُسئے کاگد 1:9

اَنچۆ که ما پێسرا گوشتگ، نون من پدا گوَشان، اگن کَسے شمئے کِرّا هما وشّێن مِستاگئے بدلا که شمارا پێسرا رستگ، دگه مِستاگێئے جارا بجنت، آییا نالت بات.

په گَلاتیان پولُسئے کاگد 3:10

آ که شَریَتی کارانی سرا تئوکلَ کننت، آیانی سرا نالت اِنت. چێا که پاکێن کتابا نبشته اِنت: ”هرکَس که دائِما شَریَتئے کتابئے سجّهێن نِبِشتهانی پابند نه‌اِنت و آیانی سرا کارَ نکنت، آ نالتیے.“

په گَلاتیان پولُسئے کاگد 3:13

هما نالت که مئے سرا اَت، مَسیها وتی سرا زرت و اے ڈئولا مارا چه شَریَتئے نالتا مۆکتی، چێا که نبشته اِنت: ”هرکَس که دارئے سرا دْرَنجگ بوت، نالتیے.“

په تیتوسا پولُسئے کاگد 3:10

انچێن مردمے که باورمندانی رُمبا پرُشت و پرۆشَ کاریت، یکّ و دو رندا آییا هبردار کن. اگن شَرّ نبوت، وتا چه آییا دور بدار.

پِتْرُسئے دومی کاگد 2:14

گۆن ناپاک و زِنهکارێن چمّان، هچبر چه گناها سێرَ نبنت و سُست و نِزۆرێن مردمان په مَندر و رِپک وتی داما پِرّێننت. اے مردم تَماه و لالچا بلد و زانتکار اَنت، نالت بوتگێن اَنت.