کاسِدانی کار 9:38 - هُدائے پاکێن کتاب، بلۆچی زبانا

³⁸ یاپائے شهر چه لُدَّها نزّیکّ اَت. وهدے یاپائے نندۆکێن مرید سهیگ بوتنت که پِتْرُس لُدَّهئے شهرا اِنت، آیان دو مردم راه دات و مِنّتگیری‌اِش کرت که پِتْرُس زوتّ آیانی کِرّا بیئیت.

کاسِدانی کار 9:38 Cross References

کاسِدانی کار 10:5

نون وتی مردمان یاپائے شهرا رئوان کن و یکّ مردێا، که نامی شَمون اِنت و پِتْرُس هم گوَشنتی، بلۆٹ و بیار.

کاسِدانی کار 10:8

گۆن آیان اے سجّهێن کِسّه‌ای کرت و دێم په یاپایا رئوان داتنت.

کاسِدانی کار 11:13

آییا مارا هال دات که چِه پئیما پرێشتگے وتی لۆگا دیستگی. پرێشتگا گوَشتگ: ’وتی مردمان یاپایا رئوان کن و شَمونا بلۆٹ و بیار که پِتْرُس هم گوَشنتی.

کاسِدانی کار 11:26

وهدے شاوولی در گێتک، گۆن وت اَنْتاکیَها برتی. اۆدا اے دوێن، تان سالێا گۆن کِلیسائے باوَرمندان هۆر بوتنت و بازێن مردمے درس و سَبکِّشَ دات. اے اَنْتاکیَهئے شهر اَت که ائولی رندا مرید، ”مَسیهی“ گوَشگ بوتنت.

کاسِدانی کار 11:5

”من یاپائے شهرا دْوا کنگا اَتان، منا شُبینگ بوت و گۆن اِلهامے دیستُن که چه آسمانا مزنێن پَرزۆنَگ‌پئیمێن چیزّے چه هر چارێن لَمبان اێر آیانا دێم په من پێداک اِنت.

کاسِدانی کار 9:19

وَرد و وراکی وارت، زرنگ و زۆرمند بوت. لهتێن رۆچا دَمِشْکئے مریدانی کِرّا داشتی.

کاسِدانی کار 9:32

پِتْرُس سات و سپر کنان اَت و لُدَّهئے شهرئے نندۆکێن هُدائے پَلگارتگێن مردمانی گوَرا آتک.

کاسِدانی کار 9:36

یاپائے شهرا، مریدے هست‌اَت که نامی تَبیتا اَت (یونانی زبانا ”دُرکاس“ گوَشگَ بیت، بزان ”آسْک“). آ باز نێک‌کارێن جنێنے اَت و هر وهدا نێزگارێن مردمی کُمکّ و مَدَت کرتگ‌اَتنت.

کاسِدانی کار 9:42

اے هال، سجّهێن یاپائے شهرا شِنگ بوت و بازێن مردمێا هُداوندئے سرا باور کرت.

کاسِدانی کار 9:43

پِتْرُس تان لهتێن وهدا همۆدا یاپائے شهرا گۆن شَمون نامێن پۆست رَجۆکێا نِشت.