کاسِدانی کار 12:11 - هُدائے پاکێن کتاب، بلۆچی زبانا

¹¹ وهدے پِتْرُسا هۆش کرت، گوَشتی: ”نون من په دلَ زانان که هُداوندا وتی پرێشتگ راه داتگ و منا چه هیرودیسئے دستا و چه هما بد و بلاهان رَکّێنتگ که یَهودی آیانی وداریگ و رهچار اَتنت.“

کاسِدانی کار 12:11 Cross References

پێدایش 15:13

گڑا هُداوندا گوَشت: ”دلجم بئے و بزان که تئیی نَسل و پَدرێچ اَنچێن سرڈگارێا دَرامَدێئے پئیما جَهمنندَ بیت که آ مُلک آیانی نه‌اِنت. تئیی اۆبادَگ اۆدا گُلامَ بنت و تان چار سد سالا زُلم و زۆراکیئے آماچَ بنت.

پێدایش 18:13

گڑا هُداوندا گۆن اِبراهێما گوَشت: ”سارَها چێا کندت و گوَشت: ’اے پیرانسَریا، په راستی منا چُکّے بیت؟‘

پێدایش 26:9

اَبیمَلِکا اِساک لۆٹاێنت و گوَشت: ”اَچه اے تئیی جَن اِنت! تئو چێا گوَشتگ که ’منی گهار اِنت‘؟“ اِساکا پَسّئو دات: ”من وتی دلا گوَشت که آییئے سئوَبا یکّے منی جندا کُشیت.“

زَبور 109:31

چێا که هاجتمندئے راستێن نێمگا اۆشتیت تانکه آییا چه دادرسانی هُکما برَکّێنیت.

زَبور 33:18

هئو! هُداوندئے چمّ گۆن همایان اِنت که چه آییا تُرسنت، گۆن همایان که اۆست و اُمێتِش آییئے مِهر اِنت،

زَبور 33:19

تانکه آیانی اَرواها چه مرکا برَکّێنیت و مان ڈُکّالا زندگِش بداریت.

زَبور 34:22

هُداوند وتی هزمتکارانی زِندا رَکّێنیت، هرکَس که آییئے باهۆٹَ بیت، مئیاربارَ نبیت.

زَبور 34:7

هُداوندئے پرێشتگ هُداتُرسانی چپّ و چاگردا پَلّے بندیت و آیان نجاتَ دنت.

زَبور 41:2

هُداوند آییئے نگهپانیا کنت و زندگَ داریت، آ، مُلکئے تها بَهتاورَ بیت. تئو آییا دژمنانی واهگانی سرا یلهَ نکنئے.

زَبور 97:10

شما که هُداوندا دۆستَ دارێت، چه بدیا نپرت کنێت، چیا که آ هُدادۆستانی زِندئے نگهپان اِنت و آیان چه بدکارانی دستا نجاتَ دنت.

دانیال 3:25

آییا درّاێنت: ”بچارێت، من آسئے تها چار مردم گَردگا گِندَگا آن. دست و پادِش پَچ اَنت و سلامت اَنت. چارمی پوره هُدایی چُکّے.“

دانیال 3:28

نِبوکَدنِزَرا گوَشت: ”شَدرَک، میشَک و اَبِدنِگۆئے هُدایا ستا و سنا بات که آییا وتی پرێشتگے دێم داتگ و وتی هِزمتکار رَکّێنتگ‌اَنت. اِشان وتی هُدائے سرا باوَر و بێسه اَت و منی هُکمِش نَمَنِّت. چه وتی زندا سر گوَستنت، بله وتی جندئے هُدایا اَبێد، دگه هُدائے هِزمت و سُجدها رَزا نبوتنت.

دانیال 6:22

منی هُدایا وتی پرێشتگے راه دات که شێرانی دپی بست. شێران منا هچّ تاوان ندات. او بادشاه! همینچک که من هدائے دێما بێگُناه آن، همینچک تئیی دێما هم من هچّ رَدێن کارے نکرتگ.“

لوکا 15:17

وهدے هۆشی کرت و زانتی، گۆن وت گوَشتی: ’منی پتئے بازێن نئوکر و کاردارا لاپئے سێرا وراکَ رسیت و من اِدا شُدا مَرک آن.

کاسِدانی کار 12:7

یکّ اَناگت چه هُداوندئے نێمگا پرێشتگے آتک و آ کۆٹی رُژناگ بوت. پرێشتگا پِتْرُسئے کَش و پهنات دست جت، چه وابا آگه کرت و گوَشتی: ”هئیّا، پاد آ.“ زمزیل چه پِتْرُسئے دستان بُتک و کپتنت.

کاسِدانی کار 24:27

دو سال همے دابا گوَست و پیلیکْسئے جاگها، پورکیوس پِستوس والی بوت. پیلیکْسا په یَهودیانی رزا کنگا، پولُس بَندیجاها داشت.

کاسِدانی کار 25:9

بله پِستوسا لۆٹت یَهودیان وتی مِنّتوار بکنت، پمێشکا چه پولُسا جُستی کرت: ”تئو اورشَلیمئے رئوگا رزا ائے، که من همۆدا هَکدیوان بکنان و اے اَڑا بگیشّێنان؟“

کاسِدانی کار 5:19

بله شپا یکّ وهدے، هُداوندئے پرێشتگێا بَندیجاهئے دروازگ پَچ کرتنت و آ چه جێلا در آورتنت و گوَشتی:

پِتْرُسئے دومی کاگد 2:9

گڑا همے پئیما هُداوندَ زانت که وتی پهرێزکارێن مردمان چۆن چه چَکّاسان برَکّێنیت و بدکاران سِزا بدنت تان هما وهدا که دادرسیئے رۆچ برسیت.