په تیموتاووسا پولُسئے ائولی کاگد 4:14 - هُدائے پاکێن کتاب، بلۆچی زبانا

¹⁴ چه وتی هما روهانیێن نیامتا نادلگۆش مبئے که ترا هما وهدا رَست که کماشانی رُمبا تئیی سرا دست اێر مُشت و یکّێا ترا گۆن پاکێن روهئے اِلهاما اے نیامتئے هال دات.

په تیموتاووسا پولُسئے ائولی کاگد 4:14 Cross References

کاسِدانی کار 11:30

آیان همے ڈئولا کرت و اے ٹێکی، بارنابا و شاوولا په کِلیسائے کماشان رسێنت.

کاسِدانی کار 13:3

چه رۆچگ و دْوایا رَند، آ دوێنِش دست بڈّا جت و راه داتنت.

کاسِدانی کار 19:6

پولُسا وتی دست آیانی بَڈّا جت و پاکێن روه آیانی دلا پُترت، نون آ نۆکێن زبانان هبر کنگا لگّتنت و پئیگمبری‌اِشَ کرت.

کاسِدانی کار 22:5

مسترێن دینی پێشوا و سجّهێن کماشانی دیوان منی بارئوا گواهی داتَ کنت. آیان په دَمِشْکئے یَهودی براتان منا کاگد داتگ‌اَت تان اۆدا برئوان، اۆدئے باوَرمندان بگران و په سِزا دئیگا اورشَلیما بیاران.

کاسِدانی کار 6:6

اے مردمِش کاسِدانی دێما آورت و پێش کرتنت. کاسِدان په آیان دْوا کرت و دست بڈّا جتنت.

کاسِدانی کار 8:17

پِتْرُس و یوهَنّایا وتی دست آیانی بڈّا جت و پاکێن روه آیان رَست.

په تِسالونیکیان پولُسئے ائولی کاگد 5:19

پاکێن روهئے آسا مکُشێت.

په تیموتاووسا پولُسئے ائولی کاگد 1:18

تیموتاووس، منی چُکّ! من ترا اے هُکما، هما پێشگۆییانی بُنیادا دئیان که یک رندے تئیی بارئوا کنگ بوتگ‌اَنت تانکه تئو آیانی تْرانگا بکپئے و اے نێکێن جُهدا کُرت بکنئے و

په تیموتاووسا پولُسئے ائولی کاگد 4:15

په هُبّ و هُدۆناکی اے کاران بکن و وتا سرجما په اِشان وَپْک کن که هرکَس تئیی دێمرئویا بگندیت.

په تیموتاووسا پولُسئے ائولی کاگد 5:17

هما کماش که شرّیا کِلیسائے رهشۆنیا کننت، آ دو سری اِزّت و هئیالداریَ کرزنت، هاس هما که واز کنگ و تالیم دئیگئے کارا سَکّ جُهدَ کننت.

په تیموتاووسا پولُسئے ائولی کاگد 5:19

تانکه دو یا سئے شاهدَ نبیت، کماشێئے سرا جتگێن بُهتاما ممَنّ،

په تیموتاووسا پولُسئے ائولی کاگد 5:22

کَسیئے سرا دستئے اێر مُشگ و آییا کلیسائے کَماش کنگا اِشتاپ مکن که دگرانی گناهان شریکدارَ بئے. وتا پاک و پَلگار بدار.

په تیموتاووسا پولُسئے ائولی کاگد 6:12

ایمانئے نێکێن جُهدا بکن. ابدمانێن زندا دستا بیار، هما زندا که په آییا گْوانک جنگ بوتگئے و بازێن شاهدێئے دێما همے نێکێن اِکرارِت کرتگ که تئو ایسّا مَسیهئے باورمندے ائے.

په تیموتاووسا پولُسئے دومی کاگد 1:6

پمێشکا من ترا تْرانگا گێجان که هُدائے داتگێن نیامتا دوبر کارمَرز کن، هما نیامت که ترا چه هما وهدا گۆن اِنت که من وتی دست تئیی سرا اێر مُشتنت.