ரோமாக்காரு 1:26 - Moundadan Chetty

²⁶ அதுகொண்டு, ஆக்க பிறித்திகெட்ட சரீர ஆசெபிரகார நெடெயட்டெ ஹளிட்டு, தெய்வ ஆக்கள புட்டுட்டுது; அந்த்தெ தென்னெ ஆக்கள ஹெண்ணாகளும், மொதெகளிச்சு களிஞட்டு, சாதாரணமாயிற்றெ ஹெண்ணும் கெண்டும் தம்மெலெ உள்ளா சரீரஆசெத நிவர்த்தி கீவுதன பகராக ஹெண்ணாகளே தம்மெலெ தம்மெலெ அவலட்ச்சணமாயிற்றுள்ளா காரெத கீது ஜீவிசிண்டித்தீரெ.

ரோமாக்காரு 1:26 Cross References

ரோமாக்காரு 1:24

அந்த்தெ தெய்வ ஆக்கள மனசினாளெ உள்ளா பிறித்திகெட்ட ஆக்கிர பிரகார, தம்மெலெ தம்மெலெ ஆக்கள சொந்த சரீரங்கொண்டு நாணங்கெட்ட காரியங்ஙளு கீவத்தெ புட்டுகொட்டுத்து.

ரோமாக்காரு 1:28

தெய்வதபற்றி அறிவத்தெகும், அதன ஏற்றெத்தத்தெகும் ஆக்காக மனசில்லாத்துதுகொண்டு, ஆக்கள ஆசெபிரகார பேடாத்த காரெ கீயட்டெ ஹளி தெய்வ ஆக்கள புட்டுடுத்து.

1 கொரிந்தி 6:9

அந்த்தெ அன்னேய கீவாக்க சொர்க்கராஜேக ஹோகரு ஹளி நிங்காக கொத்துட்டல்லோ? ஏமாந்துடுவாட! ஜாகர்தெயாயிற்றெ இரிவா; ஏனாக ஹளிங்ங, சூளெத்தர கீவாக்க, பிம்மத கும்முடாக்க, அசுத்தி உள்ளா சொய பெந்த உள்ளாக்க, கெண்டாயித்து ஹெண்ணாப்பத்தெ நோடாக்க, கெண்டும், கெண்டும் தம்மெலெ பிறித்திக்கேடு கீவாக்க, ஹெண்ணும், ஹெண்ணும் தம்மெலெ பிறித்திக்கேடு கீவாக்க,

எபேசியம்மாரு 4:19

அந்த்தலாக்க எல்லாவித பிறித்திகெட்ட ஆசெ மனசினாளெ பீத்தண்டு, நாணங்கெட்டாக்களாயி, சூளெத்தர கீதண்டு, ஒந்து குடுக்கினாளெ ஆப்புது இப்புது ஹளிட்டுள்ளா சிந்தெகூடி இல்லாதெ நெடதீரெ.

எபேசியம்மாரு 5:12

ஏனாக ஹளிங்ங, ஆக்க ஒப்புறிகும் காணாத்த ஹாற கீவா காரெ ஒக்க ஹொறெயெ ஹளத்தெகூடி பற்றாத்த நாணங்கெட்டா காரெ ஆப்புது.

1 தெசலோனி 4:5

அதுகொண்டு, தெய்வத பரிசுத்தமாயிற்றுள்ளா சொபாவத அறியாத்த அன்னிய ஜாதிக்காரு கீவா ஹாற, இந்த்தல நேந்தரண இல்லாத்த சரீர ஆசெ உள்ளாக்களாயி, நிங்களும் ஜீவுசத்தெ பாடில்லெ.

1 திமோத்தி 1:10

சூளெத்தர கீவாக்க, கெண்டாக்க தம்மெலெ கூடாக்க, மனுஷரா அடிமெ மாடி மாறாக்க, பொள்ளு ஹளாக்க, கள்ளசத்திய கீவாக்க, தெய்வத எல்லா ஒள்ளெ உபதேசாகும் எதிராயிற்றெ ஏது காரெயும் கீவாக்க, இந்த்தெ உள்ளா ஆள்க்காறிக பேக்காயிற்றெ ஆப்புது தந்திப்புது.

யூதா 1:10

எந்நங்ங இந்த்தலாக்க, தெய்வ ஆக்காக கொட்டித்தா அதிகார பரணத மனசிலுமாடாதெ தூஷண ஹளி நெடிவுதுகொண்டு, ஆக்காக ஏன சம்போசுகு ஹளிட்டுள்ளா அறிவில்லாதெ கூட்டகூடீரெ; ஆக்காக பொப்பத்துள்ளா ஆபத்தின அறியாதெ, நசிச்சு ஹோப்பா அறிவில்லாத்த மிருகத ஹாற கீதண்டு நெடதீரெ; இது ஆக்கள நாசாக கொண்டுஹோயுடுகு.

யூதா 1:7

அதே ஹாற தென்னெ சோதோம் கொமாரா ஹளா பட்டணதாளெ இத்தா ஜனங்ஙளு, பேசித்தர கீதாகண்டு, தெய்வ ஆக்களொக்க ஒரிக்கிலும் கெடாத்த கிச்சினாளெ ஹைக்கித்து; அதே ஹாற தென்னெ ஈக்காகும் சிட்ச்செ கிட்டுகு.