தரிசன 2:19 - Moundadan Chetty

¹⁹ நின்ன பிறவர்த்தி நனங்ங கொத்துட்டு; நின்ன சினேக, நீ நன்னமேலெ பீத்திப்பா நம்பிக்கெ, நீ நனங்ஙபேக்காயிற்றெ கீவா கெலச, நின்ன மனசொறப்பு இதொக்க நனங்ங கொத்துட்டு; நீ ஈக கீதண்டிப்புது இதுவரெ கீதுதன காட்டிலும் தொட்டுதாப்புது ஹளிட்டுள்ளுதும் நனங்ங கொத்துட்டு.

தரிசன 2:19 Cross References

லூக்கா 1:23

ஹிந்தீடு சகரியங் அம்பலதாளெ கெலசகால ஒக்க தீதுகளிட்டு தன்ன ஊரிக ஹோதாங்.

யோவானு 15:2

நன்னமேலெ இப்பா காயெ காயாத்த வள்ளித ஒக்க அப்பாங் பெட்டி எறிவாங்; காயெ காப்பா வள்ளித ஒக்க இனியும் தும்ப காயெ காப்பத்தெபேக்காயி, அதனொக்க ஒயித்துமாடுவாங்.

கொலோசிக்காரு 3:14

எல்லதனகாட்டிலும் எல்லாரினகூடெயும் சினேக உள்ளாக்களாயி இரிவா; சினேக தென்னெயாப்புது நிங்கள ஹொசா ஜீவிதாளெ எல்லதங்ஙும் பூரணமாயிற்றுள்ளா பெந்த உட்டுமாடத்துள்ளுது.

1 தெசலோனி 3:6

எந்நங்ங ஈக திமோத்தி இல்லிக திரிச்சும் பந்தட்டு, நிங்க ஏசினமேலெ ஒறெச்ச நம்பிக்கெ உள்ளாக்களாயி இத்தீரெ ஹளியும், தம்மெலெ தம்மெலெ ஒள்ளெ சினேக உள்ளாக்களாயி இத்தீரெ ஹளியும் ஒக்க நங்களகூடெ ஹளிதாங்; நங்க நிங்கள காம்பத்தெ கொதிச்சண்டிப்பா ஹாற தென்னெ, நிங்களும் நங்கள காம்பத்தெ கொதிச்சண்டித்தீரெ ஹளி ஒக்க கூட்டகூடிதாங்.

2 தெசலோனி 1:3

நிங்க தெய்வதமேலெ பீத்திப்பா நம்பிக்கெ வளர்ந்நு பொப்புதனும், ஒப்பனமேலெ ஒப்பாங் காட்டா சினேக பெரிகி பொப்புதனும் கண்டட்டு, ஏகோத்தும் நிங்கள ஓர்த்து தெய்வாக நண்ணி ஹளத்தெ நங்க கடமெ பட்டுதீனு; அந்த்தெ கீவுது நங்காக ஒள்ளேதாயிற்றெ கண்டாதெ.

1 திமோத்தி 1:5

நா நின்னகூடெ ஈ பிறமாண ஒக்க ஹளிது ஏனகொண்டு ஹளிங்ங, ஏசுக்கிறிஸ்தின நம்பாக்க சினேக உள்ளாக்களாயி இருக்கு ஹளிட்டாப்புது; ஆ சினேக சுத்த ஹிருதயதாளெயும், ஒள்ளெ மனசாட்ச்சியாளெயும், மாய இல்லாத்த தெய்வ நம்பிக்கெயாளெயும் ஆப்புது பொப்புது.

1 பேதுரு 4:8

எல்லதனகாட்டிலும் தம்மெலெ தம்மெலெ ஒள்ளெ சினேக உள்ளாக்ளாயி இரிவா; ஏனாக ஹளிங்ங ஒப்பனமேலெ இஞ்ஞொப்பங்ங சினேக உட்டிங்ஙி, ஆ சினேதாளெ ஒந்துபாடு தெற்று குற்றத மறெவத்தெ பற்றுகு.

2 பேதுரு 1:7

தெய்வபக்தியோடெ தம்மெலெ தம்மெலெ சினேக உள்ளாக்களாயும், சினேகத்தோடெ மற்றுள்ளாக்களமேலெ சினேக உள்ளாக்களாயும் ஜீவிசிவா.

2 பேதுரு 3:18

நங்கள ரெட்ச்சகனும், எஜமானனுமாயிப்பா ஏசுக்கிறிஸ்தின தயவினாளெயும், தன்னபற்றிட்டுள்ளா அறிவினாளெயும் நிங்க இனியும் வளர்ச்செ உள்ளாக்களாயிரிவா; ஏசுக்கிறிஸ்திக இந்தும் எந்தெந்தும் பெகுமான உட்டாட்டெ; ஆமென்.

தரிசன 2:13

செயித்தானு பரண நெடத்தா சலதாளெ ஆப்புது, நீ தங்கி இத்துது ஹளி நனங்ங கொத்துட்டு; செயித்தானு பரண நெடத்தா சலதாளெயும், நன்னமேலெ நம்பிக்கெ பீத்தித்தா அந்திப்பாவின கொந்துரு; அம்மங்ஙும் நீ, எதார்த்த உள்ளாவனாயும், நன்னமேலெ ஒள்ளெ நம்பிக்கெ உள்ளாவனாயும் இத்தெ ஹளி நனங்ங கொத்துட்டு.

தரிசன 2:9

நீ, ஒந்தும் இல்லாத்தாவனாப்புது ஹளியும், நின்ன கஷ்டப்பாடும் ஒக்க நனங்ங கொத்துட்டு; எந்நங்ங, நீ எல்லதும் உள்ளாவனாப்புது; நங்களாப்புது எதார்த்த யூதம்மாரு ஹளி ஹளிண்டிப்பாக்க நின்ன குற்ற ஹளுதும் நனங்ங கொத்துட்டு; எந்நங்ங ஆக்க யூதம்மாரல்ல; செயித்தானின கூட்டுக்காறாப்புது.