யோவானு 10:12 - Moundadan Chetty

¹² கூலிகபேக்காயி மேசாவாங், செந்நாயெ பொப்புது கண்டட்டு ஆடின ஒக்க அல்லிதென்னெ புட்டட்டு ஓடியுடுவாங்; அம்மங்ங செந்நாயெ ஆடின கச்சிகீறி கொல்லுகு; ஏனாக ஹளிங்ங, அவங் ஒள்ளெ மேசாவனும் அல்ல, ஆடு அவந்தும் அல்ல.

யோவானு 10:12 Cross References

மத்தாயி 10:16

“எந்நங்ங, ஆடின செந்நாயெகூட்டத எடநடுவு ஹளாயிச்சு புடா ஹாற நா நிங்கள ஹளாயிச்சு புடுதாப்புது; அதுகொண்டு புறாவின ஹாற ஒள்ளெ மனசுள்ளாக்களாயும், ஹாவின ஹாற கீயிஓர்மெ உள்ளாக்களாயும் நெடதணிவா.

மத்தாயி 7:15

“தெய்வ ஹளித்து ஹளி பொள்ளு ஹளா கள்ள பொளிச்சப்பாடிமாரா குறிச்சு ஜாகர்தெயாயிற்றெ இத்தணிவா. அந்த்தலாக்க ஆடின ஹாற காம்பத்தெபேக்காயி ஆடுதோலின ஹொத்தண்டு பொப்பாக்களாப்புது. எந்நங்ங ஆக்களகையி இப்பா சொபாவ ஏன ஹளிங்ங செந்நாயெத சொபாவ ஆப்புது.

யோவானு 10:13

கூலிக்காறங் கூலிகபேக்காயி மேசுதுகொண்டு ஆடினபற்றி ஒந்து பேஜாரும் இல்லெ; அவங் ஆடின அல்லிதென்னெ புட்டட்டு ஓடியுடுவாங்.

யோவானு 10:2

பாகுலுகூடி ஹுக்காவனாப்புது ஆடின ஒடமஸ்தனும் மேசாவனுமாயி இப்பாவாங்.

யோவானு 10:3

காவல்காறங் அவங்ங பாகுலு தொறதுகொடுவாங்; அவன ஒச்செத ஆடு திரிச்சறிகு; அவங் தன்ன ஆடின ஹெசறு எத்தி ஊது ஹொறெயெ கூட்டிண்டுஹோப்பாங்.

அப்போஸ்தலம்மாரு 20:29

நா ஹோயிகளிவங்ங, துருபதேச கீவா செல ஆள்க்காரு நிங்கள எடேக ஹுக்கி சபெத நாசமாடுரு; ஆக்க, ஆடுகூட்டத கெதருசா செந்நாயெத ஹாற உள்ளா துஷ்டம்மாராப்புது.

1 திமோத்தி 3:3

அவங் சாராக குடியாத்தாவனும், ஹூலூடி கூடாத்தாவனும், பொருமெ உள்ளாவனும், மற்றுள்ளாக்களகூடெ தர்க்கிசாத்தாவனும், ஹண ஆசெ இல்லாத்தாவனாயிற்றும் இருக்கு.

1 திமோத்தி 3:8

அதே ஹாற சபெயாளெ உபதேசிமாரா சகாசாக்களும், மற்றுள்ளாக்க மதிப்பாக்களாயி நெடதணுக்கு; ஒந்து வாக்கு கூட்டகூடிங்ங அந்த்தெ தென்னெ கீவாக்களாயிருக்கு; சாராக குடிப்பாக்களாயி இப்பத்தெகும் பாடில்லெ; பளெஞ்ஞ பட்டெயாளெ சம்பாருசாக்களாயிற்றெ இப்பத்தெகும் பாடில்லெ.

2 திமோத்தி 4:10

தேமா ஹளாவாங் ஈ லோகக்காரெ மேலெ ஆசெபீத்து நன்னபுட்டு தெசலோனி பட்டணாக ஹோயுட்டாங்; கிரேஸ்கு கலாத்தி பட்டணாக ஹோதாங்; தீத்து ஹளாவாங் தல்மனுத்தா பட்டணாக ஹோயுட்டாங்.

தீத்து 1:7

ஏனாக ஹளிங்ங, சபெயாளெ உள்ளா மேல்நோட்டக்காறங் தெய்வத கெலசகீவத்தெ தகுதி உள்ளாவனாயிற்றெ இருக்கிங்ஙி, அவன மற்றுள்ளாக்க குற்ற ஹளாத்த ஹாற நெடீக்கு; அகங்கார இல்லாத்தாவனாயும், முன்கோப இல்லாத்தாவனாயும், சாராக குடியத்தாவனாயும், ஹூலூடி கூடத்தாவனாயும், பளெஞ்ஞ பட்டெயாளெ சம்பாருசாத்தாவனாயும் இருக்கு.

1 பேதுரு 5:2

அதுகொண்டு, நிங்கள பொருப்பினாளெ இப்பா ஆடுகூட்டத ஹாற உள்ளா தெய்வஜனத ஒயித்தாயி நோடியணிவா; நிர்பந்தங்கொண்டு அல்ல, மனப்பூர்வமாயிற்றெ கெலசகீயிவா; சம்பளாக பேக்காயிற்றெ அல்ல கீயபேக்காத்து; சந்தோஷமாயிற்றெ கெலசகீயிவா.

2 பேதுரு 2:3

பயங்கர கண்ணாசெ ஹிடுத்தா ஆக்க தந்தறபரமாயிற்றெ நிங்கள ஹணத ஏமாத்துரு; தெய்வ ஆக்காக தீர்ச்செயாயிற்றும் சிட்ச்செ கொடுகு.