அப்போஸ்தலம்மாரு 22:30 - Moundadan Chetty

³⁰ பட்டாளத்தலவங் பிற்றேஜின, பவுலாமேலெ யூதம்மாரு ஹளா குற்ற ஏன ஹளி அறிவத்தெபேக்காயிற்றெ, தொட்டபூஜாரிமாரினும், யூத சங்கக்காரு எல்லாரினும் பொப்பத்தெ ஹளிட்டு, பவுலின யூதம்மாரா சங்கதாளெ நிருத்திதாங்.

அப்போஸ்தலம்மாரு 22:30 Cross References

மத்தாயி 10:17

மனுஷம்மாரா குறிச்சு ஜாகர்தெயாயிற்றெ இத்தணிவா; ஏனாக ஹளிங்ங செல ஆள்க்காரு நிங்கள ஹிடுத்து யூதம்மாரா சங்காக ஏல்சிகொடுரு; ஆக்கள பிரார்த்தனெ மெனெயாளெபீத்து நிங்கள சாட்டெவாறாளெ ஹுயிவுரு.

மத்தாயி 27:2

எந்தட்டு ஏசின கையித கெட்டி கொண்டு ஹோயி, ரோமாக்காறா கவர்னறாயிப்பா பொந்தியு பிலாத்தினகையி ஏல்சிகொட்டுரு.

மத்தாயி 5:22

எந்நங்ங நா நிங்களகூடெ ஒந்து காரெ ஹளுதாப்புது; ஏசின நம்பா ஒப்பாங் தன்ன கூட்டுக்காறனமேலெ அரிசபட்டுதுட்டிங்ஙி, அவங்ங சிட்ச்செ கிட்டுகு; ஏரிங்ஙி ஒப்பன, இவங் ஒந்நங்ஙும் கொள்ளாத்தாவாங் ஹளி ஹளித்துட்டிங்ஙி அந்த்தெ ஹளிதாவாங் கோர்ட்டாளெ நில்லத்தெ வேண்டிபொக்கு; ஒப்பன மூடங் ஹளி ஹளித்துட்டிங்ஙி, அந்த்தெ ஹளாவாங் நரகாக ஹோப்பத்தெ வேண்டிபொக்கு.

அப்போஸ்தலம்மாரு 21:11

அவங் நங்களப்படெ பந்தட்டு, பவுலின தோர்த்துமுண்டு எத்தி, தன்ன கையும், காலும் கெட்டிட்டு, “ஈ தோர்த்துமுண்டின ஒடமஸ்தனாயி இப்பாவாங் ஏறோ அவன, எருசலேமாளெ இப்பா யூதம்மாரு இந்த்தெதென்னெ கையும், காலும் கெட்டி, அன்னிய ஜாதிக்காறா கையி ஏல்சிகொடுரு ஹளி, பரிசுத்த ஆல்ப்மாவு ஹளுதாப்புது” ஹளி ஹளிதாங்.

அப்போஸ்தலம்மாரு 21:33

அம்மங்ங பட்டாளத்தலவங் அரியெ பந்தட்டு, பவுலின ஹிடுத்து எருடு சங்ஙலெ ஹைக்கி கெட்டத்தெ ஹளிதாங்; எந்தட்டு “இவங் ஏறா? ஏன குற்ற கீதாங்?” ஹளி, விசாரணெ கீதாங்.

அப்போஸ்தலம்மாரு 22:5

தொட்டபூஜாரிமாரும், யூத சங்கக்காரு எல்லாரும் இதங்ங சாட்ச்சி ஆப்புது; நா ஈக்கள கையிந்த கத்து பொடிசிண்டு, தமஸ்கு பட்டணதாளெ இப்பா யூத மூப்பம்மாராகையி கொட்டட்டு, ஏசின நம்பா ஆள்க்காறா ஹிடுத்துகெட்டி, எருசலேமிக கொண்டு ஹோயி சிட்ச்சிசத்தெபேக்காயி அல்லிக ஹோதிங்.

அப்போஸ்தலம்மாரு 23:1

பவுலு யூத சங்கக்காறா நோடிட்டு, “கூட்டுக்காறே! நா இந்துவரெட்டும் ஒள்ளெ மனசாட்ச்சியோடெ ஜீவிசிபந்நி ஹளிட்டுள்ளுது தெய்வாக கொத்துட்டு” ஹளி ஹளிதாங்.

அப்போஸ்தலம்மாரு 23:15

அதுகொண்டு, நிங்களும் யூத சங்கக்காரும் பவுலு கூட்டகூடிதா காரெபற்றி விசாரணெகீவத்தெ கூடுதலு தால்ப்பரிய உள்ளாக்கள ஹாற காட்டி, அவன கூட்டிண்டுபொப்பத்தெ பட்டாளத்தலவனகூடெ ஹளிவா; நாளெ அவங் நங்கள அரியெ பொப்பதாப்பங்ங நங்க அவன கொல்லத்தெ தயாராயி இறக்கெ” ஹளி ஹளிரு.

அப்போஸ்தலம்மாரு 23:20

அதங்ங அவங், “பவுலா காரெயாளெ கூடுதலு தால்ப்பரியத்தோடெ அன்னேஷத்தெ பொப்பாக்கள ஹாற, யூதம்மாரு நாளெ நின்னப்படெ பொப்புரு; எந்தட்டு பவுலா சங்கக்காறப்படெ கூட்டிண்டு பருக்கு ஹளி நின்னகூடெ கேளுரு. அதங்ங ஆக்க ஒத்துகூடிதீரெ.

அப்போஸ்தலம்மாரு 23:28

ஆக்க இவனமேலெ ஹளா குற்ற ஏன ஹளி விசாரணெ கீவத்தெபேக்காயி, ஆக்கள சங்காக கூட்டிண்டு ஹோயித்திங்.

அப்போஸ்தலம்மாரு 23:6

எந்தட்டு பவுலு, பரீசம்மாரு ஒந்து பங்கும், சதுசேயம்மாரு ஒந்துபங்குமாயிற்றெ இப்புது கண்டட்டு, “கூட்டுக்காறே! நா பரீசன மங்ஙனும், ஒந்து பரீசனும் ஆப்புது; சத்தாக்க ஜீவோடெ ஏளுதனபற்றி நனங்ங நம்பிக்கெ உட்டு; ஆ ஒந்து காரணாக பேக்காயிற்றெ ஆப்புது இந்து நன்ன விசாரணெகீவத்தெ ஹளி நிருத்திப்புது” ஹளி, யூத சங்கக்காறா நோடி ஒச்செகாட்டி ஹளிதாங்.

அப்போஸ்தலம்மாரு 26:29

அதங்ங பவுலு, “கொறச்சு நேரோ, கூடுதலு நேரோ, நீ மாத்தற அல்ல, இந்து நன்ன வாக்கு கேளா எல்லாரும், ஈ நன்ன கைக்கெட்டு ஒழிச்சு, பாக்கி எல்லா விததாளெயும் நன்ன ஹாற தென்னெ ஆவுக்கு ஹளி, நா தெய்வதகூடெ பிரார்த்தனெ கீவுதாப்புது” ஹளி ஹளிதாங்.

அப்போஸ்தலம்மாரு 5:21

ஆக்க அது கேட்டு பொளாப்செரெ அம்பலதாளெ ஹுக்கி உபதேசகீதண்டித்துரு; தொட்ட பூஜாரியும், அவனகூடெ உள்ளா ஆள்க்காரும் பந்தட்டு, யூத சங்கக்காறினும், இஸ்ரேல்ஜனத மூப்பம்மாரினும் ஊதுகூட்டிட்டு, அப்போஸ்தலம்மாரா கூட்டிண்டுபொப்பத்தெ பேக்காயி பட்டாளக்காறா ஜெயிலிக ஹளாய்ச்சுரு.