அப்போஸ்தலம்மாரு 21:27 - Moundadan Chetty

²⁷ அந்த்தெ, சுத்திகரண கீவத்துள்ளா ஆ ஏளுஜினும் தீவத்தெ ஆத்து ஹளத்தாப்பங்ங, ஆசியந்த பந்தா செல யூதம்மாரு பவுலின அம்பலதாளெ கண்டட்டு, ஆள்க்காரு எல்லாரினும் எளக்கிபுட்டு அவன ஹிடுத்துரு.

அப்போஸ்தலம்மாரு 21:27 Cross References

லூக்கா 21:12

எந்நங்ங இதொக்க பொப்புதனமுச்செ, நிங்க நன்ன நம்பா ஹேதினாளெ, நிங்கள ஹிடுத்து பிரார்த்தனெ மெனேக கொண்டுஹோப்புரு; ஜெயிலாளெ ஹவுக்குரு; ராஜாக்கமாராப்படெ கொண்டு ஹோயி நிருத்துரு; கவர்னறப்படெயும் கொண்டு ஹோயி நிருத்தி விசாரணெ கீவுரு.

அப்போஸ்தலம்மாரு 13:50

எந்நங்ங யூதம்மாரு, பக்தியும், அந்தஸ்தும் உள்ளா ஹெண்ணாக்களினும், ஆ பட்டணாளெ உள்ளா காரியஸ்தம்மாரினும் தூண்டி புட்டட்டு பவுலினும், பர்னபாசினும் உபதரிசி, ஆ சலந்த ஓடிசிபுட்டுரு.

அப்போஸ்தலம்மாரு 14:19

ஹிந்தெ அந்தியோக்கியந்தும், இக்கோனியந்தும் செல யூதம்மாரு பந்தட்டு, பவுலிக எதிராயிற்றெ ஜனங்ஙளா திரிச்சு புட்டு, அவனமேலெ கல்லெருதுரு; அந்த்தெ பவுலு சத்தண்டுஹோதாங் ஹளி பிஜாரிசிட்டு, ஆக்க அவன பட்டணந்த ஹொறெயேக எளத்து கொண்டு ஹைக்கிரு.

அப்போஸ்தலம்மாரு 14:2

எந்நங்ங, அதன நம்பாத்த யூதம்மாரு, ஏசின நம்பா கூட்டுக்காறிக எதிராயிற்றெ அன்னிய ஜாதிக்காறா எளக்கிபுட்டு, ஹகெ உட்டுமாடிரு.

அப்போஸ்தலம்மாரு 14:5

அன்னிய ஜாதிக்காரும், செல யூதம்மாரும், ஆக்கள மூப்பம்மாரும் கூடிட்டு, ஈக்கள இப்புறின மானங்கெடிசி, கல்லெறிக்கு ஹளி தீருமானசிரு.

அப்போஸ்தலம்மாரு 16:6

அதுகளிஞட்டு, பரிசுத்த ஆல்ப்மாவு ஆக்கள, ஆசியா நாடினாளெ வஜன கூட்டகூடத்தெ புடாதெ தடுத்தாஹேதினாளெ, ஆக்க பிரிகியா, கலாத்தியா ஹளா நாடுகூடி, கடது ஹோதுரு.

அப்போஸ்தலம்மாரு 17:13

பெரேயாளெயும், பவுலு தெய்வ வஜன அறிசீனெ ஹளி, தெசலோனிக்காளெ உள்ளா யூதம்மாரு அருதட்டு, அல்லிகும் ஹோயி பவுலிக எதிராயிற்றெ ஜனங்ஙளா எளக்கிபுட்டு, பிரசன உட்டுமாடிரு.

அப்போஸ்தலம்மாரு 18:12

ஹிந்தீடு, கலியோன் ஹளாவாங் அகாயா நாடினாளெ ரோமன் கவர்னறாயிற்றெ இப்பங்ங, கொறே யூதம்மாரு பவுலிக எதிராயிற்றெ ஒந்தாயி கூடிபந்தட்டு, அவன ஹிடுத்து கொண்டு ஹோயி கோர்ட்டாளெ நிருத்திரு.

அப்போஸ்தலம்மாரு 2:9

பார்த்தியா, மேதியா, எலாமித்தி, மெசபத்தோமியா, யூதேயா, கப்பத்தோக்கியா, பொந்து, ஆசியா,

அப்போஸ்தலம்மாரு 20:19

யூதம்மாரா சதிகொண்டு நனங்ங பந்தா பரீஷணதாளெ, நா கூடுதலு தாழ்மெயோடெயும், கண்ணீரோடெயும், எஜமானனாயிப்பா ஏசுக்கிறிஸ்திகபேக்காயி கெலசகீதிங்.

அப்போஸ்தலம்மாரு 24:11

நா தெய்வத கும்முடத்தெ ஹளி எருசலேமிக ஹோயிட்டு, இந்துவரெ ஹன்னெருடு ஜினாக கூடுதலு ஆயிபில்லெ; நீ பேக்கிங்ஙி கேட்டு மனசிலுமாடிக.

அப்போஸ்தலம்மாரு 24:18

அந்த்தெ நா, அம்பலதாளெ சுத்திகரண சடங்ஙின கீதண்டித்திங்; அம்மங்ங ஆப்புது நன்னமேலெ குற்ற ஹளா ஈக்க, நன்ன கண்டுது; அம்மங்ங நா, அல்லி ஒந்து பெகளும் உட்டுமாடிபில்லெ; அல்லி ஒந்துபாடு ஆள்க்காரும் இத்துபில்லெ; எந்நங்ங ஆ சமெயாளெ ஆசியந்த பந்தா செல யூதம்மாரு அல்லி இத்துரு.

அப்போஸ்தலம்மாரு 26:21

இது ஒந்து காரணாக பேக்காயாப்புது, அம்பலதாளெ பீத்து யூதம்மாரு நன்ன ஹிடுத்து கொல்லத்தெ நோடிது.

அப்போஸ்தலம்மாரு 4:3

அந்து சந்நேர ஆதுதுகொண்டு, பிற்றேஜினவரெட்ட ஆக்கள ஜெயிலாளெ பீத்தித்துரு.

அப்போஸ்தலம்மாரு 6:12

அந்த்தெ தென்னெ, ஆக்க ஜனங்ஙளினும் யூதா மூப்பம்மாரினும், வேதபண்டிதம்மாரினும், ஸ்தேவானிக எதிராயிற்றெ எளக்கிபுட்டரு; ஆகளே ஆக்க ஒந்தாயிகூடி, அவன ஹிடுத்து யூத சங்காக கொண்டுஹோதுரு.

அப்போஸ்தலம்மாரு 6:9

ஆ சமெயாளெ, நேரத்தெ அடிமெயாயித்து விடுதலெ ஆதாக்கள செலாக்க யூதம்மாரா பிரார்த்தனெ மெனெயாளெ கூடிபொப்புரு; ஈக்க சிரேனே, அலெக்சந்திரியா ஹளா பட்டணந்தும், சிசிலியா, ஆசியா ஹளா ராஜெந்தும் பந்தாக்களாயித்து; ஈக்க ஒந்துஜின ஸ்தேவானினகூடெ தர்க்கிசிண்டித்துரு.

2 கொரிந்தி 11:26

பல தவணெ யாத்தறெகீதிங்; அதனாளெ பொளெ கடெவங்ங சாயிவத்தித்திங்; நன்ன ஜாதிக்காறாகொண்டு புத்திமுட்டு உட்டாத்து, மற்று ஜாதிக்காறாகொண்டு புத்திமுட்டு உட்டாத்து, கள்ளாம்மாரா கொண்டு புத்திமுட்டு உட்டாத்து, பட்டணதாளெ புத்திமுட்டு உட்டாத்து, காடினாளெ புத்திமுட்டு உட்டாத்து, அப்போஸ்தலம்மாரா ஹாற நடிப்பாக்கள கொண்டு புத்திமுட்டு உட்டாத்து, அந்த்தெ பல பல புத்திமுட்டும் நன்ன ஜீவிதாளெ உட்டாத்து.

1 தெசலோனி 2:16

எந்த்தெ ஹளிங்ங, ஈக ஆக்க தெய்வத ஒள்ளெவர்த்தமானத மற்றுள்ளா ஜாதிக்காறிக ஹளத்தெ பாடில்லெ ஹளி நங்கள தடுத்தீரெ; இந்த்தெ ஆக்கள ஜீவிதாளெ ஜினாக ஜினாக தெற்று குற்றத கூட்டிண்டு பந்தீரெ; கடெசிக ஆக்களமேலெ மொத்தமாயிற்றெ தெய்வத சிட்ச்செ பொக்கு.