Tito 3:1 - Manityanati Tupax

¹ Ukanɨ tatityo ɨmo makiataka tari akokonauma ɨmo mayɨriabuka, tari taikiana aisamunema axɨna uxia.

Manitanati Tuparrü

¹ Urasoito isucarüma tari macoconaunrrüma ümo nüriacarrüma bama mayüriabuca, tari isamutema isiu arrüna yacüpucurrüma, tapü ünantü ümoma arrüna yatrabacacarrüma ichepema.

Tito 3:1 Cross References

San Mateo 22:21

Axɨma aiñumuma nuraxti: –Nisuxti emperador. Auki nanti Jesús ɨmoma: –Apityoximia ɨmoti emperador axɨna nenaxixhti emperador, tapɨ ɨmoti Tupax nenaxɨxhti Tupax.

1 Corintios 15:58

Sane naukiche, masarukityaiki apiña nuxia, tapɨ autapeneka au axɨna napakokonaunku abasikia aɨbu, tari tyone napachɨkoi apanunekai au nɨrixhti Yɨriabux Jesús. Tyopiki tusiu aume ta chɨmunataipɨ axɨna napaserebiki ɨmoti Yɨriabux.

Efesios 2:10

Uiti Tupax aisamunuti oñɨ. Isamunuti oñɨ aɨbuti Cristo Jesús nauki uisamunio axɨba omixhia, tyone axɨna aukiapae tɨkañe xhanxti uisamune.

Filipenses 1:11

Tyopiki uiti Jesucristo axaño apisamute axɨna uxia, nauki namanaiña anauma ɨmoti Tupax sane yarusɨrɨxtyo nɨrixhti uimia.

Colosenses 1:10

Sane apisamute nausɨboriki takana nixhankaxti Yɨriabux Jesús, axti kaɨma taruku nipukɨnunkuxti aboi tyopiki apisamute aruki nanaiñantai axɨna uxia au nausɨboriki sane ausuputakati nuxia Tupax.

1 Timoteo 2:2

Amea tyaku namanaiña mayɨriabuka, nauki uxia osoi oemoantoe tapɨ ane kausane nosɨboriki, aɨbu numakokonaunku ɨmoti Tupax taikiana uxia nosɨboriki aɨbu namanaiña.

1 Timoteo 4:6

Anuneka axɨba sane ɨmoma axɨbama ikokoromati Jesús, sane ñemanauntu uxia naserebiki ɨmoti Cristo Jesús, axti naki baserebioti tyone niyarataxti axɨba omixha manityakax ui ñakokonaunkuxti axɨmanu manunekatax sɨrotitɨ isiu.

1 Timoteo 5:10

Tari namanaiña asuputanema axtɨ uxia tɨkañe nisɨborikixh yusiuki axɨba omixhia isamute. Axtɨ uxia ñasunaunkukux ɨmo axɨbama aɨtaiki, axtɨ uxia uixh ɨmoma axɨbama iñataimia au nipox, axtɨ iyaxɨbita nipopesɨma axɨbama ikokoromati Jesús, axtɨ asaratɨ tyakuma axɨbama takisɨrɨma. Ta sane, nanaiña axɨba opisamute axɨba omixhia.

2 Timoteo 1:6

Sane naukiche sukanañɨ aemo aiñonximia axɨmanu pes ñakumanataxti Tupax aemo naukiche iñata niñee onɨ natanu.

2 Timoteo 2:14

Urasoi sukarɨ makiataka axɨna sane, aikuansomokosoma sukarɨti Tupax tapɨ asioma uratokiakama. Tyopiki champɨ nanenekiche axɨmanu nuratokikixhimia. Uixh mameso ñapanaunkuxɨma axɨbama onsapetioma.

2 Timoteo 2:21

Axtɨ aiñokokio nanaiña axɨba nomɨnantɨ, tyone nasɨboriki takana axɨmanio nenaxi pox omixhantai omixhante ui oro chepe plata, axɨna kunusɨankana ɨmoti Tupax, axɨna baserebio ɨmo nanaiñantai axɨna uxia.

Tito 1:16

Namatɨ ta isuputaramati Tupax, tapɨ axɨna nisɨborikixhimia uixh atusi oemo ta chɨsanempɨ. Champɨti uxia uiti ɨmoma, chuxiampɨ nisɨborikixhimia, champɨ nanenekichema aisamunema axɨna uxia.

Tito 2:14

Axti ityoximianatiyɨ ɨmo nikonkoxti utaku, nauki aikiaɨburuti oñɨ omeanaki nomɨnantɨ naukityo aisɨbuti nanaiña okɨtɨpɨki, sane kaɨma aɨtoxti oñɨ, nauki osoimatoe uisamunio axɨba omixhia.

Tito 3:14

Axɨbama aboma usiu tari aipiama aisamunema axɨba omixhia nauki ayurama axtɨ ane nɨmoche, nauki uxia nisɨborikixhimia.

Tito 3:8

Axɨna ta ñemanauntu, ixhanka sane nanunekaka nauki axɨbama ikokoromati Tupax tari aisamunema axɨna uxia. Axɨba sane omixhia chiyaupɨ nɨmoche ɨmo namanaiña.

Hebreos 13:21

tari au nanaiña besɨro nausɨboriki uiti, nauki apisamune noñemaxti. Nauki aisamunenti usaɨbu axɨna nixhantɨmoti, tyopikiti Jesucristo. ¡Chɨtakɨnunaumpɨ manaunkux ɨmoti Cristo! Amén.

2 Pedro 1:12

Sane naukiche taikiana sukanañɨ aume nanaiña axɨna sane, champɨ nɨmoche axtɨ tɨtusiu aume apiñataityo nuxia apikoko axɨmanu ñemanauntu manunekatax aume.

SAN JUDAS 1:5

Axaño chauki tɨtusiu aume, ixhanka suraboi tatityo ausukarɨ ta axti Tupax, naukiche kaɨburuma uiti auki Egipto axɨbama auki Israel, axɨbama chɨmakokonaumpɨma koiñoma uiti.