Tito 1:5 - Manityanati Tupax

⁵ Naukiche iñokokɨ akamanu au Creta axɨmanu ane kɨmuintya tux, nauki aikoñokonio nanaiña axɨmanu chɨtakɨrusupɨ akoñoko, nauki aiñanama mayɨriabuka au nanaiña axɨmanu tube kauta ikokoromati Jesús. Takana axɨmanu nixhakɨpuku aemo.

Manitanati Tuparrü

⁵ Iñococü aucutanu au manu cürrü nürirri Creta, ane cümuinta turrü, nauqui aicoñoco arrümanu ane coñoconobo. Tiene que atacümanauncu ümo mañoñünca, bama bacuirarabo itacu bama icocoromati Jesús au cada pueblurrü. Tone arrüna nirracüpucu aucutanu aemo.

Tito 1:5 Cross References

Hechos 11:30

Sane isamutema, bakɨpuruma aɨbu ñakumanataxɨma aɨbuti Bernabé ichepeti Saulo, ɨmo axɨmanuma mayɨriabuka au Judea.

Hechos 14:23

Sɨromaintyo uimia mayɨriabuka kauta aboma axɨbama ikokoromati Jesús, naukiche tɨtakɨrusu axɨmanu neankaxɨma mankioma tyakuma pɨnanakiti Yɨriabux naki ɨmoche akokonauma.

Hechos 2:11

Aboma axɨbama judíos aukiapae naukiche aboma iku kɨx, tapɨ makiataka iñatama isiuki ñakokokoxɨma axɨbama judíos. Abomaintyo axɨbama kuamatɨ auki Creta aukityo Arabia. ¡Oñonkoi nuraxɨma auki nusuratoe yokɨtɨpɨ axɨba champɨ tubastai omixhante uiti Tupax!

Hechos 27:12

Au axɨmanu kauta opiñatai axɨba canoa chuxiampɨ nuxia nauki sɨsioma akamanu ñome axɨmanio naneneka ximianene, tɨsaipɨ namanaiña chepe ñakionkoxɨma nauki aɨromatɨ aukimanu xhanxɨma aiñanaimia au Fenice, axɨmanu kauta opiñatai canoa au Creta, axɨmanio poka akamanu abe au nityoripiakɨ tansɨrɨ ɨmo mankax.

Hechos 27:13

Auki makiɨtɨka auki mankax au ñakionkoxɨma uxia axtɨ sɨromatityo. Auki sɨromatɨ petakuki axɨmanu kɨx Creta.

Hechos 27:21

Tɨsɨrɨmana naneneka chɨsubakapɨ, auki atɨraiti Pablo axɨpekuma, nanti ɨmoma: –Uxiampɨ axtɨ apikokotapɨ nisura naukiche sukanañɨ tapɨ uɨkatɨ auki Creta. Sane naukiche ensoro oñopɨnanaki nanaiña axɨna kuatɨ osoi.

Hechos 27:7

Sɨrɨmana naneneka masamuña someki tisaipɨ chɨsopiñataipɨ kutakikibo Gnido. Tyopiki makiɨtɨkaiki suisɨmenu, somekatityo kutakikibo Salmona sopisukiunuta axɨmanu kɨx ane kɨmuintya tux nɨrixh Creta.

1 Corintios 11:34

Axtɨ anati naki taruku nikɨrɨpɨxti, tari yarati au nipoxtiatoe, sane champɨ tyakuche autakisɨrɨka uiti Tupax axtɨ apiyoberabakaño.

1 Corintios 14:40

Tari apikoñoko nuxia axtɨ apisamute apiñaintyo taikiana taman kauta axɨna uxia nakax.

1 Corintios 4:17

Tyopiki axɨna sane ikɨpukati Timoteo tanu aubesa, axti naki taruku nikuaxti iñemo uxia nisɨborikixhti isaɨti au nɨrixhti Yɨriabux. Uiti uraboiti tatityo ausukarɨ axɨna nixhakokonaunku ɨmoti Cristo Jesús, takana axɨna nixhanunekaka tɨkañe ɨmoma axɨbama ikokoromati Tupax au nanaiña kauta axɨna yakatɨ.

Colosenses 2:5

Tyopiki axtɨ chiyakapɨ abaxɨpeku aɨbu nisɨtɨpɨ, yaka auchepe auki niyausɨpɨ, ipukɨnunka ui axɨna yastai nanaiña koñokono aboi tyopiki ñemanauntu apikokokati Cristo.

1 Timoteo 1:3

Naukiche yakatɨ au axɨmanu kɨx Macedonia, sukanañɨ aemo asamu nuxia nauki asikia au Éfeso, akamanu aboma axɨbama chɨbesɨropɨ ñanunekakaxɨma. Ukanɨ ɨmoma tapɨ manunekakanama sane.

2 Timoteo 2:2

Axɨna onkoi nisura sukarɨ sɨrɨmanama makiataka, nanaiña axɨba aityoximiasio mekuma axɨbama uxia nisɨborikixhimia axɨbamaintyo ipiakama anunekama ɨmo makiataka.

Tito 1:12

Uiti tamanti profeta axɨpekukimiantoe auki Creta naki uiche uraboiti kɨtɨpɨma axɨmanuma niposapataxti: “Axaño axɨbama auki Creta, chiyaupɨ napapantu, takana nisɨborikixhimia axɨbama abomainki eana nɨunx, uxia aume aubaka nuxia, uxia aume champɨ napachɨkoi.”