San Mateo 9:22 - Manityanati Tupax

²² Tapɨti Jesús basɨkɨbɨkoti tato, asaratitɨ ɨmo axɨmanu paɨx nanti ɨmo: –Aiña nuxia nichakiumuku, ui axɨna nakokonaunku uxiankɨ tato.

Manitanati Tuparrü

²² Arrti Jesús asarati tato chacuti, y nanti ümo manu paürrü: —¡Tapü airruca, paürrü, urriancü tato, itopiqui aicococañü! Au manu rratorrü urriante tato.

San Mateo 9:22 Cross References

San Lucas 7:50

Tapɨti Jesús nantityo, asaratitɨ ɨmo axɨmanu paɨx: –Ityopiki axɨna nakokonaunku ataesɨbuka eanaki nomɨnantɨ. Taikiana uxia naɨkɨ tato.

San Mateo 15:28

Auki nanti Jesús ɨmo: –¡Axɨkɨ paɨx, yarusɨrɨx nakokonaunku! Tari uxiante aemo axɨna naxiantɨmo. Isiukai uxia tato ɨmo nicheches.

San Mateo 9:2

Akamanu sɨromatɨ esati Jesús aɨbuti tamanti naki chɨpokorotipɨ, barɨkɨroti iku nikɨruxti. Naukiche astaiti Jesús axɨna ñakokonaunkuxɨma, nanti ɨmoti maniki maunxokono: –Aiña nuxia, isaɨ. Axɨba nomɨnantɨ obi tɨmoximiakana tato.

San Lucas 18:42

Nanti Jesús ɨmoti: –¡Asakatɨ tato! Ui nakokonaunku uxiankɨ tato.

San Lucas 17:19

Nanti ɨmoti maniki ñoñɨnx: –Atɨsai akosi tato. Tyopiki nakokonaunku uxiankɨ tato.

San Lucas 8:48

Nanti Jesús ɨmo: –Nichakiumuku, ui axɨna nakokonaunku uxia tato aemo. Akosi tato taikiana uxia aemo.

San Marcos 10:52

Nanti Jesús ɨmoti: –Akosi tato. Tyopiki nakokonaunku uxiankɨ tato. Isiukai axti maniki supusu asaratɨ tato, sɨrotitɨ isiuti Jesús isiu kutubiux.

San Marcos 5:34

Nanti Jesús ɨmo: –Nichakimuku, ityopiki nakokonaunku uxiankɨ tato. Akosi tato chauki tuxiankɨ tato ui axɨmanu noxokox.

San Mateo 9:29

Auki iñentati Jesús nisɨtoxɨma, nanti ɨmoma: –Tari uxiante takana axɨna napakokonaunku.

Hechos 16:18

Sɨrɨmana naneneka axɨna sane uixh, auki axti Pablo tubata ɨmoti axɨmanu nurax sane, basɨkɨbɨkoti tato nanti ɨmoti maniki anati kɨtɨpɨ: –Au nɨrixhti Jesucristo, sukanañɨ aemo nauki arioxɨkɨ kɨtɨpɨki axɨna kupikixh. Isiukai axti maniki chobores sɨrotitɨ kɨtɨpɨki.

San Juan 4:53

Axti maniki yaɨtoti akionotiyɨ ta axɨmanu horax naukiche nanti Jesús ɨmoti: “Champɨ kausane ɨmoti aɨ”. Axti kaɨma ichepe namanaiña axɨbama auki nipoxti ikokoromati Jesús.

Hebreos 4:2

Tyopiki oemointyo urapoimia axɨmanio omixhia manityakax, sane takana axɨma. Tapɨ axɨma champɨ nanenekiche ɨmoma axɨmanu onkoimia, tyopiki choberabarapɨma chepema axɨmanuma ikokotama axɨmanio omixhia manityakax.

Hechos 14:9

Anankati onsapekoti nuraxti Pablo, auki asaratitɨ Pablo ɨmoti astaiti axɨmanu ñakokonaunkuxti ta iñatai nauki uxianati tato.

San Mateo 17:18

Auki manityomokonoti Jesús ɨmoti maniki chobores penekoti uiti kɨtɨpɨkiti maniki ñaɨma, auki uxiankati tato.

San Mateo 8:13

Auki nanti Jesús ɨmoti maniki ɨriatu masortaboka: –Akosi tato au napo, tari uxiante aemo takana axɨna aikokota. Isiukai uxia tato ɨmoti ikumanakataxti maniki ñoñɨnx.