San Mateo 8:6 - Manityanati Tupax

⁶ Nanti ɨmoti: –Yɨriabux, maunxokonoti isumanakata au nipo, chɨpokorotipɨ takisɨrɨti oboi axɨba oboxo kɨtɨpɨti.

Manitanati Tuparrü

⁶ —Asamu nurria iñemo, Señor. Arrti imoso anati icu nicürurrti maunrroconoti, y chüpuerurrtipü aepocoti, tarucu nitaquisürücürrti ui manu norrocorrü.

San Mateo 8:6 Cross References

San Mateo 4:24

Ipiatemaintyo nɨrixhti Jesús au nanaiña axɨmanu kɨx Siria, kuamatɨ uimia esati namanaiña axɨbama taruku nityakisɨrɨkɨxɨma oboi axɨba chɨtamampatai noxokoka, axɨbamaintyo aboma machoboreka kɨtɨpɨma, axɨbama konsaboma axɨbamaintyo chɨpokoropɨma. Uxiankama tato uiti Jesús.

San Mateo 8:7

Aiñumuti Jesús nuraxti: –Yɨkatɨ tanu nauki xhakura ɨmoti.

San Mateo 9:2

Akamanu sɨromatɨ esati Jesús aɨbuti tamanti naki chɨpokorotipɨ, barɨkɨroti iku nikɨruxti. Naukiche astaiti Jesús axɨna ñakokonaunkuxɨma, nanti ɨmoti maniki maunxokono: –Aiña nuxia, isaɨ. Axɨba nomɨnantɨ obi tɨmoximiakana tato.

Hechos 10:7

Naukiche tɨsɨrotitɨ tato maniki ángel, axti Cornelio batasuruti ɨmo axɨmanuma toxɨma ikumanakataxti ichepeti taman sortabox naki taruku ñakokonaunkuxti ɨmoti Tupax naki ɨmoche onkotitɨ nantax,

Hechos 8:7

Sɨrɨmanama axɨbama anati chobores kɨtɨpɨma uxiankama tato uiti Felipe, axɨmanuma machoboreka sɨromatɨ kɨtɨpɨkimia aɨbu nityosibixhimia. Axɨmanumaintyo chuxiampɨ namensɨma ichepe axɨmanuma chɨpokoropɨma amenkoma tato.

Hechos 9:33

Akamanu tabɨkoti uiti maniki nɨrixhti Eneas, tɨtabe ocho naskɨbeka chɨpokorotipɨ.

Colosenses 3:11

Champɨ nɨmoche axtɨ griegokɨ o judioxɨkɨ, axtɨ circuncidabokɨ o champɨ, axtɨ osekatɨ auki kiatax narɨkɨkixh, axtɨ uipiaka o chuipiakapɨ, axtɨ kumanakax oñɨ o chɨtɨpɨ kumanakax, tyopiki axti Cristo tyonenti nanaiña anatityo au nanaiña.

Colosenses 4:1

Tapɨ axaño axɨbama aboma makumanakaka amemeku, tapɨ amemeonkama taikianaintyo uxia aboi ɨmoma. Apakionsaño, anatityo taman Yɨriabux aume au napes.

1 Timoteo 6:2

Axtɨ aboma axɨbama baserebioma ɨmoti naki ikokoroti Jesús, tapɨ champɨ ñanaunkuxɨma ɨmoma tyopiki ta yarukityoxɨma au ñakokonaunkuxɨma. Tari aserebimia nuxia ɨmoma tyopiki axɨbama ɨmoche aserebimia, ta yarukityoxɨma axɨbama taruku nikuasɨrɨkɨxɨma ɨmoma.

Filemón 1:16

ta kaɨma tapɨ aisamute takana ɨmoti kumanakax, aisamuse takana axtɨ arukiti naki taruku nikuasɨrɨkɨxti aemo. Axɨñɨ taruku nikuasɨrɨkɨxti iñemo, tapɨ axɨkɨ tari taruku nikuasɨrɨkɨxti aemo xhopɨnanakiñɨ. Tapɨ aisamute takana ɨmo axɨbama aruki ikuki axɨna kɨx ta takana axɨbama ikokoromati Jesús.