San Mateo 6:16 - Manityanati Tupax

¹⁶ “Axtɨ axaño champɨ apakonte au nanenes, tapɨ oxonene nausu, takana axɨmanuma chisamutempɨma axɨna nuraxɨma, mapañama asuchema nauki namanaiña asaraimia axɨna champɨ ñakontema. Ñemanauntu sukanañɨ aume ui axɨmanu sane tɨtane toxiobo ñana aume ityobo.

Manitanati Tuparrü

¹⁶ Nantito Jesús ümoma: —Tapü apapanca ausuche arrtü ayunabo año (arrtü chaubacapü). Tapü apiñata tacana bama mañapanca. Arrüma arrtü ayunaboma mapañama asuchema ui nirrancarrüma atusi ümo macrirrtianuca que ayunaboma. Ñemanauncurratoe sucanañü aume: Ui arrümanu sane nisonirrimia chüpuerurrüpü ane nicuarrüma uiti Tuparrü.

San Mateo 6:16 Cross References

San Mateo 6:1

Nantityo Jesús: “Tapɨ apisamukio axɨba omixhia napachɨkoi sukarɨ makiataka nauki namanaiña asaramatɨ aume. Axtɨ apisamute sane, naki Aubaɨ anati au napes champɨ ñana toxiobo uiti aume ityobo.

San Mateo 6:2

“Sane naukiche, axtɨ akumanaka ɨmo axɨbama takisɨrɨma, tapɨ asikia uraboi sukarɨ makiataka nauki atusi ɨmo namanaiña, takana isamutema axɨbama chisamutempɨma axɨna urapoimia ubau sinagogas yusiu kutubiuka nauki namanaiñantai uxia nuraxɨma ɨmoma. Ñemanauntu sukanañɨ aume oboi axɨmanio sane tɨtane toxiobo tato aume ityobo.

San Mateo 6:5

“Axtɨ axaño ameanka, tapɨ apisamute takana axɨmanuma chisamutempɨ axɨna nuraxɨma, axɨma uxiantai ɨmoma eama atɨraimia ubau sinagoga autyo nusuara nauki namanaiña asaramatɨ ɨmoma. Ñemanauntu sukanañɨ aume oboi axɨna sane tɨtane toxiobo aume ityobo.

San Marcos 2:18

Taman nanenes champɨ ñakontema axɨmanuma nesaxti apóstoles Kuan Bautixhta ichepe axɨmanumaintyo aboma isiu axɨmanuma fariseos, aboma axɨbama sɨromatɨ esati Jesús ankirioma pɨnanakiti: –Axɨbama nesaxti apóstoles Kuan axɨbamaintyo aboma isiu axɨbama fariseos chɨbasopɨma: ¿kausane axɨbama aboma asiukɨ chɨsanempɨ uimia?

San Lucas 18:12

Axɨñɨ chixhakapɨ tox naneneka au semana toxioityo sobi aemo axɨna toxiobo.’

San Lucas 2:37

Tɨtabe ochenta y cuatro naskɨbeka nikonkoxti ikiana. Chɨbakichoropɨ auki nipo meankax, baserebio au sapes au tobixh ɨmoti Yɨriabux, yupu neankax champɨityo ñakonte.

Hechos 10:30

Aiñumuti Cornelio: –Tɨtabe cuatro naneneka, takana axɨna kaɨma, chixhakapɨ axɨmanu nanenes. Isiu trex ɨmo nimɨmɨx anankañɨ xheanka au nipo, yasakati taman ñoñɨnx sutakikiboñɨ kuara nuxia naibixhti.

Hechos 14:23

Sɨromaintyo uimia mayɨriabuka kauta aboma axɨbama ikokoromati Jesús, naukiche tɨtakɨrusu axɨmanu neankaxɨma mankioma tyakuma pɨnanakiti Yɨriabux naki ɨmoche akokonauma.

1 Corintios 7:5

Sane naukiche, tari apityoximiasaño aumeampatoe, tapɨ axtɨ chepe napakionko apiñanaño pese amopɨnanakiapatoe ñome mantukubatai naneneka nauki tyone napachɨkoi meankax. Iyau axɨmanio naneneka chepe tatityo nabaka. Tapɨ aboiyapatoe autapeneka uiti chobores au nomɨnantɨ.

2 Corintios 11:27

Taruku nichakisɨrɨkɨ kuata niyachɨkoi. Ane auche chixhanukapɨ. Ichakisɨrɨka ui nisɨrɨpɨ uityo nichosɨ. Ane auche chixhakapɨ. Ichakisɨrɨka ui xhimianene tyopiki champɨ sɨrobo sɨtɨpɨñɨ.

2 Corintios 6:5

axtɨ ikɨbairoma somɨ, amanasomɨmpo uimia, axtɨ chɨmastakaxɨpɨ ui makiataka, axtɨ tarukapae supachɨkoi, axtɨ chɨsumpanukapɨ axtɨtyo suisɨrɨpɨka.