Biblia Todo Logo
Online nga Bibliya

- Mga paanunsiyo -




San Mateo 5:9 - Manityanati Tupax

9 “Taikiana chiyaupɨ nipukɨnunkuxɨma axɨbama bapacheroma kausane uxia ui makiataka ɨmomantoe, ityopiki nanti Tupax ɨmoma ta tyonema aɨtoxtiatoe.

Tan-awa ang kapitulo Kopyaha

Manitanati Tuparrü

9 ‛Urriampae naca bama bapachero causane nauqui urria naca maquiataca, itopiqui tonema ñana aütorrti Tuparrü.

Tan-awa ang kapitulo Kopyaha




San Mateo 5:9
31 Cross References  

Sane axaño ñana aɨtoxti naki Aubaɨ anati au napes. Sane kuara sux uiti ɨmo axɨbama uxia nisɨborikixhimia takana ɨmo axɨbama chuxiampɨ nisɨborikixhimia, bakɨpurutityo axobeo ɨmo axɨbama uxia nisɨborikixhimia takanaityo ɨmo axɨbama chuxiampɨ nisɨborikixhimia.


Apiña nausɨboriki isiuki axɨba omixhia, takana nisɨborikixhti naki Aubaɨ anati au napes.


chauki chɨkoiñopɨmainki. Takana axɨbama ángeles nisɨborikixhimia, tyonema kaɨma aɨtoxti Tupax tyopiki sɨborikoma tato.


Tapɨ axaño tari akuasɨrɨma aume axɨbama chuxiampɨ uimia aume, apisamusio axɨba omixhia, apityoximia namenaxi ɨmoti kiatax tapɨ auxianka atoxi tato aume ityobo. Sane ñana yarusɨrɨx toxiobo tato aume ityobo, sane atusi ta axaño aɨtoxti Tupax auki napes, tyopiki uxia uiti ɨmo axɨbama chuxiampɨ nisɨborikixhimia au nastaxti.


Au kiatax nanenes asaratitɨ Moisés ɨmo axɨmanuma toxɨma israelita amonkoma baiyoma, naukiche xhanxtipɨ uxia tato uimia ɨmomantoe, nanti ɨmoma: ¿Kausane abasikia apaiyakaño? ‘Unkamo aubarukiapatoe año.’


Apiña nuxia, nauki uxia aboi aumeampatoe au nausɨboriki aɨbu namanaiña axɨbama ausɨborisapa.


Namanaiña axɨbama amenkoma ui noñemaxti Espíritu Santo, tyonema axɨbama aɨtoxti Tupax.


Axti naki Espíritu Santo sɨroti ichepe noesa espíritu, sane ta aɨtoxti Tupax oñɨ.


Nanaiña axɨba omixhiante uiti Tupax xhanxɨma asaraimia axɨmanu nanenes auche ñana atusianka ta ñemanauntu aɨtoxti Tupax oñɨ.


¡Axtɨ axɨbama yarukityoxɨmantoe masamunuma chɨrɨri aɨbumantoe chityoneantaipɨ, ta sɨromatityo aɨbu nesaxɨma chɨrɨri esa axɨbama mayɨriabuka chikokoropɨmati Tupax!


Au nityakɨrux masarukityaiki, taikiana uxia nausɨboriki apapachesio kausane nauki besɨro nausɨboriki. Apiña nuxia taikiana uxia aboi aumeampatoe au nausɨboriki. Sane axti Tupax naki taruku nukuasɨrɨkɨ ɨmoti tari anati auchepe.


Sane naukiche, axɨsomɨ subaka auna au yakɨpukuxti Cristo, ta isiu takana axtɨ axti Tupax mankioti amopɨnanaki apasamu nuxia suichopiki. Ta sane au nɨrixhti Cristo, apasamu nuxia suiñemo apiñoxonkosaño sukarɨti Tupax.


Tapɨ axɨna nisamukuxti Espíritu Santo, tyone numakumananaunku oemoantoe, axɨna nupukɨnunku axtɨ uxia osoi oemoantoe, axɨna masamunaunka aɨbuti kiatax, kuasɨrɨti kiatax oemo, nupukɨru tyakuti kiatax, nupukɨnunku,


Axɨñɨ yaka auna amanañɨmpo tyopiki yaserebikia ɨmoti Yɨriabux, sukanañɨ aume apasamu nuxia apikoñoko nausɨboriki, takana axɨbama samamekanama uiti Tupax, sane tana axaño.


Sukanañɨ ñome Evodia, chepe Síntique apasamu nuxia nauki chepe ñupakionkox, tyopiki chepeio opikokoroti Cristo.


Tapɨ apapataikiatai aupuapatoe, apixhimiaka axtɨ ane chɨrɨri uiti taman aɨbuti kiatax. Takanati Yɨriabux xhimiakana uiti nomɨnantɨ aboi, saneityo aboi aumeampatoe.


Apapache nikiubu año nauki uxia aboi ɨmo namanaiña aɨbu napakokonaunku ɨmoti Tupax, tyopiki axtɨ chapisamutempɨ, chamasakatipɨ ñana.


Sunda kami:

Mga paanunsiyo


Mga paanunsiyo