San Mateo 5:15 - Manityanati Tupax

¹⁵ Chuiñonokotapityo basarux nauki uityamuxikia. Chɨsanempɨ, sɨro petaisɨrɨ nauki anentax uixh ɨmo namanaiña axɨbama po'oso.

Manitanati Tuparrü

¹⁵ Chüpuerurrüpü uiñonoco basarurrü nauqui uitamurriquia. Tiene que uiñotorrimia ape, nauqui anentarrü ümo bama abomampo.

San Mateo 5:15 Cross References

San Marcos 4:21

Nantityo ɨmoma: “¿Ensapɨ uiñonokota basarux nauki uiña kiana siukux o ikianaintyo kɨrux? Chɨsanempɨ, basarux sɨro petaisɨrɨ, nauki anentax uixh.

San Lucas 11:33

“Champɨti iñonokotati taman basarux nauki aiñanti kauta axɨna chɨtusiupɨ, chiñatatipityo ikiana babetax, ta nauki aiñanti ape, nauki kuara ɨmo axɨbama sɨromatɨpo.

San Lucas 11:36

Axtɨ nakɨtɨpɨ ane au nanentax champɨ akamanu tomikianene, nanaiña astikiarɨ anentax nuxia, takana basarux anentax uixh aemo.”

San Lucas 8:16

“Champɨti iñonokotati basarux nauki aityamuxikiati o aiñanti kiana nikɨruxti, ta iñatati ape, nauki anentax ɨmo axɨbama sɨromatɨpo.

Filipenses 2:15

nauki tapɨ apisamute nomɨnantɨ tapɨ anatityo naki iñensɨmunuti año yotopiki chɨtamampatai. Iku axɨna kɨx kauta sɨrɨmanama axɨbama chuxiampɨ nisɨborikixhimia tarukuityo nomɨnantɨ uimia. Axaño tyopiki aɨtoxti Tupax año, tapɨ apisamukio axɨmanio nomɨnantɨ apisamuse besɨro nausɨboriki sukarɨ makiataka.

Hebreos 9:2

Axɨmanu nipo meankax uxiante tɨkañe sane: axɨmanu taman narɨkɨkixh samamekana ɨmo manaunkux, akamanu ananka axɨmanu kauta ameno basaruka ichepe axɨmanu mensax kauta ameno axɨmanio pan samamekana ɨmoti Tupax.

Apocalipsis 2:5

Akionsɨ, kausane nasɨboriki tɨkañe, ariaku tato esati Tupax aisamuse tatityo takana aisamute auki maɨbo tɨkañe. Axtɨ chaisamutempɨ sane, axɨñɨ yɨkatɨ ityakisɨnɨmakanɨ ikiaɨbuta naesa kantrerux auki axɨmanu kauta ane.