San Mateo 3:6 - Manityanati Tupax

⁶ Urapoimia axɨba nomɨnantɨ uimia tapɨti Kuan ɨrioma uiti au axɨmanu nusɨrux Jordán.

Manitanati Tuparrü

⁶ Urapoimia isucarüti Juan nanaiña arrüba nomünantü uimia, ürioma uiti eana turrü au manu sapoco nürirri Jordán.

San Mateo 3:6 Cross References

San Mateo 3:11

Axɨñɨ, ñemanauntu, xhaunimiaka aume ui tuxtai, sane ityasukaño nauki abetɨ tato esati Tupax. Tapɨti naki kuatatiki isiuñɨ maunimianati ñana aume uiti Espíritu Santo uityo pes. Taruku nɨriakaxti xhopɨnanakiñɨ, axɨñɨ chɨkoñopɨtɨ iñemo ikianio ape nipopetakixhti.

San Marcos 1:5

Namanaiña axɨbama auki Judea aukityo axɨmanio poka Jerusalén sɨromatɨ onsaperioma nuraxti. Urapoimia axɨba nomɨnantɨ uimia, ta ɨriomaintyo uiti Kuan au axɨmanu nusɨrux Jordán.

San Lucas 1:16

Uiti sɨrɨmanama ñana auki kɨx Israel kuamatɨ tato esati Yɨriabux naki Tupax ɨmoma.

San Lucas 3:16

Tapɨti Kuan nanti ɨmo namanaiña: “Axɨñɨ, ñemanaunkuxatoe xhaunimiaka ui tux. Kuatatiki taman maunimianati ñana aume ui pes uitityo Espíritu Santo. Axti taruku nɨriakaxti xhopɨnanakiñɨ, axɨñɨ chɨkoñopɨtɨ iñemo ityakisɨna nityomoento nipopetakixhti.

Hechos 1:5

Ñemanauntu ui tux maunimianati Kuan tɨkañe, yopɨrɨkɨ axɨba mɨmanantai naneneka axaño abɨrikia uiti Espíritu Santo.

Hechos 11:16

Auki xhakionkañɨ ɨmo axɨmanu nuraxti Yɨriabux tɨkañe: ‘Ñemanauntu axti Kuan Bautixhta maunimianati ui tux, tapɨ axaño abɨrikia uiti Espíritu Santo.’

Hechos 19:18

Sɨrɨmanama axɨpekukimia axɨmanuma ikokoromati Jesús urapoimia sukarɨ namanaiña axɨba chomixhampɨ isamutema au nisɨborikixhimia tɨkañe,

Hechos 22:16

Tapɨ kaɨma, isane naxɨperatio. Atɨsai, nauki ɨrikia sane sɨrɨbu akɨtɨpɨkikɨ nomɨnantɨ, urasoi nuraxti Tupax.’

1 Corintios 10:2

Ui axɨna sane, namanaiña amonkoma tyupekuti Moisés naukiche ɨrioma ui axɨmanu kɨsaɨbox eanaintyo axɨmanu narubaityu tux.

Colosenses 2:12

Naukiche abɨrikia, axaño amekatityo kɨtu chepeti Cristo, chepetityo ausɨborikia tato, tyopiki apikokota nɨriakaxti Tupax.

Hebreos 6:2

axɨba manunekatax kɨtɨpɨ axtɨ osɨrikia, axtɨ kuatati Espíritu Santo okɨtɨpɨ, axtɨ uikokota ta sɨborikoma tato axɨbama tɨkoiñoma, anentyo ñana tyakɨrux nanenes ɨmo namanaiña.

Hebreos 9:10

Nanaiña axɨba bakɨpukuka sane tyoneiantai yokɨtɨpɨ axɨba uñutuburibo otɨpobo, takanaintyo ɨmo nokobori ɨmo noñeanka, axɨba bakɨpukuka uburapoi axɨba uisamutumuebo, paserebio chepe axtɨ isamutenti Tupax kiatax axɨna ñemanauntu uxia.

Santiago 5:16

Sane naukiche, aburasaño sukarɨti kiatax axɨba nomɨnantɨ aboi, amea autakuapatoe nauki uxia tato aume. Axɨna ñemanauntu neankaxti naki uxia nisɨborikixhti ane nɨriakax.

1 Pedro 3:21

Axɨmanu tux tɨkañe tyone axɨna tux uiche osɨrikia, tyone axɨna uiche kaɨma ane maximiakatax oemo. Axtɨ osɨrikia chɨtɨpɨ nauki uiyaxɨbi nokɨtɨpɨ, ta nauki manki pɨnanakiti Tupax uxia numapanaunku, ixhimiakatityo axɨba nomɨnantɨ osoi tyopiki ta sɨborikoti tato Jesucristo,

1 Juan 1:9

Tapɨ axtɨ usuraka oñɨ sukarɨti Tupax, sane oñonkatɨ ɨmoti, axti naki uxia ñapanaunkuxti, ixhimiakatati nanaiña axɨba nomɨnantɨ osoi.