San Mateo 3:2 - Manityanati Tupax

² Nanti sane: “¡Ausiapata tato esati Tupax, ityopiki nɨriakax auki napes ane saimia!”

Manitanati Tuparrü

² Nanti sane: —Apiñorroncosaño nauqui urria nausüboriqui, itopiqui tüsaimia tiemporrü nauqui üriaburuti Tuparrü.

San Mateo 3:2 Cross References

San Mateo 10:7

Amekosi aburaboi axɨna nɨriakax auki napes tɨtane saimia.

San Mateo 11:20

Auki makuansomokonoti Jesús ɨmo axɨmanuma po'osoma ubau axɨmanio tube axɨba kauta omixhankio sɨrɨmana axɨba champɨ tastaimia, ityopiki chɨbasɨkɨbɨkopɨma tato esati Tupax. Nanti Jesús:

San Mateo 12:41

Axɨmanuma auki Nínive atɨraimia tato ñana au axɨmanu tyakɨrux nanenes, axtɨ astaiti Tupax ɨmoma axɨbama auki axɨba naskɨbeka, auki ane manityomokotox ɨmoma. Tyopiki axɨmanuma auki Nínive kuamatɨ tato esati Tupax naukiche onkoimia nuraxti Jonás, axɨna kaɨma ane auna taruku niyarusɨrɨkɨx pɨnanakiti Jonás.

San Mateo 13:11

Aiñumuti Jesús nuraxɨma: “Axaño, tusiankana ausukarɨ uiti Tupax, axɨna nɨriakax ane au napes axɨna ananka anekana, tapɨ axɨma anekana pɨnanakimia.

San Mateo 13:24

Urapoiti Jesús sukarɨma axɨna kiatax machepekatax: “Sane axɨna nɨriakax au napes takanati taman ñoñɨnx mankɨturuti axɨba omixhia niñansaxti kɨtu au niyoxti.

San Mateo 13:31

Urapoitityo Jesús sukarɨma axɨna kiatax machepekatax: “Axɨna nɨriakax au napes takana niyo mostaza sɨro kɨtu uiti taman ñoñɨnx au niyoxti.

San Mateo 13:33

Urapoitityo sukarɨma axɨna machepekatax: “Axɨna nɨriakax au napes tyone takana levadura axtɨ taman paɨx sɨro uixh eana trex nipesakax tubaxixh nauki aisumaikianɨ uixh.”

San Mateo 13:47

“Saneityo axɨna nɨriakax au napes takana aɨbu momes axtɨ sɨro au tux basuru aruki nanaiñantai nopiokoka.

San Mateo 13:52

Auki nanti Jesús ɨmoma: –Axtɨ tamanti naki manunekana bakɨpukux uiti Moisés ununekanati ɨmo nɨriakax au napes, tyonenti takanati taman po'oso, omeanaki axɨba umaɨburu uiti ipiakati akaɨbuti axɨba iyebo takanaintyo axɨba nanankax.

San Mateo 18:23

“Saneityo, uxiante aɨbu nɨriakax au napes takana aɨbuti taman yɨriabux naukiche xhanxti asaraiti aɨbu axɨbama ikumanakataxti.

San Mateo 20:1

“Saneityo aɨbu axɨna nɨriakax au napes takana aɨbuti tamanti naki ane niyachɨkoiti au niyoxti, tansɨrapae sɨrotitɨ apacheti axɨbama sɨrobomatɨ ɨmo niyachɨkoiti au niyoxti.

San Mateo 22:2

“Axɨna nɨriakax au napes tyoneantoe takana nauchiche basaparati taman yɨriabux naukiche posoti aɨtoxti.

San Mateo 23:13

“¡Autakisɨrɨkatai ñana, axɨbama apanunekaka bakɨpukux uiti Moisés ichepetyo axɨbama fariseos, chapisamutempɨ axɨna amukanaño!, axaño apiñamata tyurux ɨmo napes tapɨ sɨromatɨpo makiataka. Axaño chamekapɨtɨpo, chichebopityo aboi aɨromatɨpo axɨbama xhanxɨma aɨromatɨpo.

San Mateo 25:1

“Saneityo axɨmanu nɨriakax au napes takana axɨmanu uxiante aɨbu taman tɨbɨbɨx: diez kupikikia opikianio niyubasarux aɨbu aceite omenotɨ kɨmenuti maniki aɨbo apoti.

San Mateo 25:14

“Saneityo aɨbu axɨna nɨriakax auki napes takana aɨbuti taman ñoñɨnx, naukiche tɨniyɨkɨxti au kiatax kɨx, batasuruti ɨmo axɨbama ikumanakataxti nanti ɨmoma nauki asaramatɨ tyaku nimonixhti.

San Mateo 4:17

Aukimanu manunekanati Jesús sane: “Ausiapata tato esati Tupax, ityopiki nɨriakax auki napes ane saimia.”

San Mateo 4:23

Sɨrotitɨ Jesús au nanaiña Galilea, manunekanati ubau sinagoga kauta iñataiti. Urapoiti axɨba omixhia manityakax ɨmo nɨriakax au napes bakurarati ɨmo axɨbama maunxokonoma takanaintyo nanaiña axɨba oboxo kɨtɨpɨma.

San Mateo 5:10

“Taikiana chiyaupɨ nipukɨnunkuxɨma axɨbama matanekanama ityopiki axɨna uxia isamutema, ityopiki ɨmoma atoxi ñana nɨriakax au napes.

San Mateo 5:3

“Taikiana chiyaupɨ nipukɨnunkuxɨma axɨbama champɨ nɨmoche uimia nenaxixhimia, ityopiki ɨmoma ñana atoxi nɨriakax auki napes.

San Mateo 6:10

Yebatɨ nɨriaka suiñemo. Tari uxiante isiu naxianka auna akɨ, takana au napes.

San Mateo 6:33

Sane naukiche, apapachesio nɨriakax auki napes apisamuse axɨna uxia sukarɨti Tupax, auki toxio aume nanaiña axɨna nauxiantɨmo.

San Marcos 1:15

Nanti: “Chauki tiñatai mapakɨmunkutux, nɨriakaxti Tupax tɨtane saimia. Ausiapata tato esati Tupax apasusiu aɨbu napakokonaunku axɨba omixhia nuraxti.”

San Marcos 1:4

Sane anankati Kuan Bautixhta kauta champɨ sɨborikixh. Nanti ɨmo namanaiña ayematɨ tato esati Tupax tari ɨrioma, nauki aixhimiakati Tupax nomɨnantɨ uimia.

San Marcos 6:12

Auki sɨromatɨ axɨmanuma nesaxti apóstoles uraboimia sukarɨ namanaiña nauki ayematɨ tato esati Tupax.

San Lucas 1:16

Uiti sɨrɨmanama ñana auki kɨx Israel kuamatɨ tato esati Yɨriabux naki Tupax ɨmoma.

San Lucas 11:20

Axtɨ axɨñɨ xhakɨpuka ɨmo machoboreka ui ne'esti Tupax, uixh atusi nɨriakaxti Tupax chauki tiñatai abaxɨpeku.

San Lucas 13:3

Sukanañɨ aume ta chɨsanempɨ. Axtɨ chapiñokotapɨ nomɨnantɨ nauki abetato esati Tupax, aukonkaityo.

San Lucas 13:5

Sukanañɨ aume chɨsanempɨ. Axtɨ axañointyo chabekapɨtɨ tato esati Tupax, aukonkaityo.”

San Lucas 15:10

Sukanañɨntyo aume sane nipukɨnunkuxɨma axɨbama ángeles esati Tupax ityopikiti naki taman chuxiampɨ nisɨborikixhti axtɨ basɨkɨbɨkoti tato esati.”

San Lucas 15:7

Sukanañɨ aume saneityo taruku pukɨnunkux au napes ityopikiti naki taman chuxiampɨ nisɨborikixhti axtɨ iñokotati nomɨnantɨ pɨnanaki axɨmanuma noventa y nueve uxia nisɨborikixhimia axɨbama champɨ nɨmoche asɨkɨbɨma tato.

San Lucas 16:30

Axti maniki taruku nenaxixhti aiñumuti: ‘Iyaɨ Abraham, chiñataipɨ. Axtɨ tamanti naki tɨkoiñoti sɨborikoti tato ityusiankanatiyɨ, champɨ nɨmoche uimia ikokotama.’

San Lucas 21:31

Saneityo, axtɨ amastai opiñatai axɨba sane, atusi aume nɨriakaxti Tupax tɨtane saimia.

San Lucas 24:47

au nɨrixhti urapoimia ñana sukarɨ namanaiña iku axɨna kɨx nauki ayematɨ tato esati Tupax, nauki aixhimiakati tato axɨna nomɨnantɨ uimia. Kusɨrɨboma axɨbama auki Jerusalén,

San Lucas 6:20

Asaratitɨ Jesús ɨmo axɨbama nesaxti apóstoles, nanti ɨmoma: “Taikiana chiyaupɨ naupukɨnunku axɨbama autakisɨrɨka, ityopiki aume ñana atoxi nɨriakaxti Tupax.

San Lucas 9:2

Bakɨpuruti ɨmoma uraboimia nɨriakaxti Tupax nauki uxiankama tato uimia axɨbama maunxokono.

Hechos 11:18

Naukiche axɨmanuma ikokoromati Jesús auki Jerusalén onkoimia axɨna sane, etayoimia auki yarusɨrɨx nɨrixhti Tupax uimia, namatɨ sane: –¡Saneityo axti Tupax toxio uiti ɨmo axɨbama chɨtɨpɨ judíos, nauki ayematɨ tato esati nauki aye uimia axɨna champɨ nityakɨru nisɨborikixhimia!

Hechos 17:30

Axti Tupax champɨ nɨmoche uiti tɨkañe, axɨna chɨtusiupɨ ɨmo mañoñɨnka, tapɨ kaɨma bakɨpuruti ɨmo nanaiña iku axɨna kɨx nauki ayematɨ tato esati Tupax.

Hechos 2:38

Aiñumuti Peru nuraxɨma: –Apankisio pɨnanakiti Tupax, aixhimiakati nomɨnantɨ aboi, apikokosio yakɨpukuxti, cheboityo aboi nauki soboi abɨrikia au nɨrixhti Jesucristo. Sane ixhimiakatati nomɨnantɨ aboi, auki toxio noñemaxti Espíritu Santo.

Hechos 20:21

Ɨmo axɨbama judíos ɨmo axɨbamaintyo chɨtɨpɨ judíos sukanañɨ ɨmoma nauki ayematɨ tato esati Tupax, aikokoromatityo Yɨriabux Jesucristo.

Hechos 26:20

kusɨrɨbo xhanuneka nuraxti Tupax ɨmo axɨmanuma po'osoma au Damasco, auki xhanunekaka ɨmoma axɨmanuma auki Jerusalén au nanaiñaintyo axɨmanu kɨx Judea, ɨmo axɨbamaintyo chɨtɨpɨ judíos, sukanañɨ ɨmoma nauki aiñokoma axɨmanu nomɨnantɨ isamutema nauki ayematɨ tato esati Tupax. Tari aisamunema axɨna uxia, nauki atusi, ta ñemanauntu kuamatɨ tato esati Tupax.

Hechos 3:19

Sane naukiche, apiñokosio nomɨnantɨ, apikokosio yakɨpukuxti Tupax. Sane moximiakana tato uiti nanaiña axɨmanio nomɨnantɨ aboi,

2 Corintios 7:10

Tyopiki axɨna suchekixh ui noñemaxti Tupax kɨbɨso uixh nosɨboriki tyone ñana ane maximiakatax oemo, champɨ tyopikiche usucheka. Tapɨ axɨna suchekixh ikuki axɨna kɨx tyone konkox.

Colosenses 1:13

Axti Tupax ityaesɨmununuti oñɨ eanaki tomikianene, uɨkatɨ uiti au napes esati Aɨtoxti naki taruku nikuasɨrɨkɨxti ɨmoti,

2 Timoteo 2:25

tari masamunaunxti akuansomokoti ɨmoma axɨbama taruku nomɨnantɨ uimia, tari ui noñemaxti Tupax aiñoxonkonomakɨ nauki asuputaraimia axɨna ñemanauntu

Hebreos 6:1

Sane naukiche uiñana nuxia nauki aye osoi yarusɨrɨx oñɨ, uiñokoniona axɨmanio tɨkañe kusɨrɨbo manunekatax oemo kɨtɨpɨti Cristo. Tapɨ basikiaki manitya yokɨtɨpɨ axɨba champɨapae nɨmoche, uikoñoko nosɨboriki tapɨ basikia uisamunio axɨba chomixhampɨ uiche ñana okonka, takanaintyo numakokonaunku ɨmoti Tupax,

2 Pedro 3:9

Axti Tupax konto isamunenti axɨmanu ɨriotɨ uiti, chisiupɨ takana ñakionkoxɨma makiataka, ta tyopiki pukɨrusuti autaku, tyopiki chixhanxtipɨ anati koiñoti, xhanxti nauki namanaiña aɨromatɨ tato esati Tupax.

Apocalipsis 2:21

Axɨñɨ chebo sobi ɨmo nauki ayetɨ tato esati Tupax. Tapɨ tyone chixhanxɨpɨ chiñokotapityo nityasukux.

Apocalipsis 2:5

Akionsɨ, kausane nasɨboriki tɨkañe, ariaku tato esati Tupax aisamuse tatityo takana aisamute auki maɨbo tɨkañe. Axtɨ chaisamutempɨ sane, axɨñɨ yɨkatɨ ityakisɨnɨmakanɨ ikiaɨbuta naesa kantrerux auki axɨmanu kauta ane.