San Mateo 3:14 - Manityanati Tupax

¹⁴ Auki maɨbo axti Kuan chixhanxtipɨ, nanti ɨmoti: –Axɨpɨñɨ isɨrikia obi, ¿tapɨ axɨkɨ ta ayekatɨ yesañɨ?

Manitanati Tuparrü

¹⁴ Chirranrrtipü baeta Juan aiñaunimianatiti, nanti ümoti Jesús: —Arrüñü tiene que isüri obi, ¿causane ayetü yesañü nauqui üri sobi?

San Mateo 3:14 Cross References

San Mateo 3:13

Sɨrotitɨ Jesús auki Galilea au axɨmanu nusɨrux Jordán, kauta anankati Kuan, nauki ɨriti uiti.

San Mateo 3:15

Aiñumuti Jesús nuraxti: –Asiosane saneantai kaɨma, ityopiki uxia uisamune nanaiña axɨna uxia sukarɨti Tupax. Auki ikokotati Kuan.

San Lucas 1:43

¿Isane niyaka, nauki ayekatɨ asarañɨ nipiakɨ Nɨriabux iñemo?

San Juan 1:16

Ui axɨna nukuasɨrɨkɨ ɨmoti Tupax namanaiña basutiu axɨba ñakumanataxti taikiana ukurusɨka uiti.

Romanos 1:13

Ixhanka atusi aume masarukityaiki, taikiana nixhanka yɨrotɨ yasaraño, kaɨmainki chɨtamampɨ tyopikiche chiyɨkapɨtɨ tanu. Axɨna nixhantɨmo ta yasarai axɨna napakokonaunku ɨmo axɨna aɨbo manunekakax, takana axɨna iyebo sobi auki pikiataka kɨx.

Romanos 3:23

Namanaiña ane nomɨnantɨ kɨtɨpɨma sane naukiche aboma iche pɨnanakiti Tupax.

Romanos 3:25

Axti Jesucristo naki ɨriotitɨ tɨkañe uiti Tupax, akonti otopiki nauki aixhimiakati axɨna nomɨnantɨ osoi. Axɨna maximiakatax iyebo osoi axtɨ uikokota nuraxti Tupax. Sane ityusiankatati kausane aipesɨnakati nosɨboriki: ui axɨna moximiakana axɨba nomɨnantɨ osoi,

Gálatas 3:22

Tapɨ axɨna Nikorox nantɨ, namanaiña amanamampo ui nomɨnantɨ, nauki axɨbama ikokoromati Jesucristo atoxi ñana ɨmoma axɨna ɨriotɨ uiti Tupax.

Gálatas 4:6

Nauki atusi ta aɨtoxti oñɨ, axti Tupax bakɨpuruti nesaxti Espíritu Aɨtoxti au nuyausasɨ. Maniki Espíritu tosibikoti: “¡Abbá! ¡Iyaɨ!”

Hebreos 7:23

Tɨkañe sɨrɨmanama axɨbama sacerdotes, tyopiki champɨti naki sɨborikoti ñome nanaiña naskɨbeka.