San Mateo 3:12 - Manityanati Tupax

¹² Kuatɨ uiti axɨna uiche aisukɨti niyakiyoxti sɨro uiti peese pɨnanaki boox. Iñaɨbutati niyakiyoxti axɨna kauta tɨkoñokono uiti, tapɨ axɨmanu boox iñonokotati oto axɨmanu pes champɨ nityakɨrux.”

Manitanati Tuparrü

¹² Arrti chauqui tacomoraboti nauqui asucüti nesarrti trigo. Arrümanu trigo iñatati peese pünanaqui niyarrirri. Arrümanu niyarrirri amontonabo uiti y tiene que acheti pese ümo. Arrümanu pese champü nitacüru noncorrü. Tapü trigo ahüburu uiti.

San Mateo 3:12 Cross References

San Mateo 13:30

Uxia axtɨ chepe niñusunaunx ichepe nupukux. Auki kaɨma xhakɨpuka ɨmoma axɨbama uiche aiñaɨbuma tari kusɨrɨbo aityakɨmanaunkuma axɨmanu chuxiampɨ naxchopɨro motomoeno uimia, nauki aɨro pes eana, auki aiñaɨbuma nixhakiyo kiana nisɨpau.’ ”

San Mateo 13:41

Axti Aɨtoxti ñoñɨnx bakɨpuruti ñana ɨmo axɨbama ángeles atapeonoma auki nɨriakaxti namanaiña axɨbama matapenekanama ɨmo makiataka, axɨbamaintyo chuxiampɨ nisɨborikixhimia.

San Mateo 13:42

Sɨroma ñana uimia au taman horno aɨbu pes, auki kaɨma kuatɨ nareoxɨma ichepe nisuchekixhimia.

San Mateo 13:43

Auki axɨbama uxia nisɨborikixhimia kuara nikɨtɨpɨxɨma takana sux au napes esati Yaɨtoxɨma. Axɨbama ane uiche onkoimia, tari onsaperioma.

San Lucas 3:16

Tapɨti Kuan nanti ɨmo namanaiña: “Axɨñɨ, ñemanaunkuxatoe xhaunimiaka ui tux. Kuatatiki taman maunimianati ñana aume ui pes uitityo Espíritu Santo. Axti taruku nɨriakaxti xhopɨnanakiñɨ, axɨñɨ chɨkoñopɨtɨ iñemo ityakisɨna nityomoento nipopetakixhti.

San Lucas 3:17

Kuatɨ uiti mekuti, axɨna uiche aisukɨti box eanaki niyakiyoxti. Auki aɨburu ñana uiti niyakiyoxti au axɨna kauta tɨkoño uiti, axɨmanu box iñonokotati oto axɨmanu pes champɨ nityakɨru nonkox.”

San Juan 15:2

Axtɨ ane taman uturuki axɨba nipiax chɨtaupɨ, tɨsɨro uiti Iyaɨ. Tapɨ axtɨ ɨtau, mokoñokono uiti nanaiña axɨba yupaka obɨtau.