San Mateo 26:11 - Manityanati Tupax

¹¹ Tyopiki axɨbama taruku nityakisɨrɨkɨxɨma aunantai abaxɨpeku nantax sɨsioma, tapɨ axɨñɨ chiyasikiapɨ naneneka auna abaxɨpeku.

Manitanati Tuparrü

¹¹ Itopiqui arrübama pobrerrü nantarü au nantai abarrüpecu nacarrüma, pero arrüñü chüpuerurrüpü nauqui yasiquia auna abarrüpecu.

San Mateo 26:11 Cross References

San Mateo 18:20

Tyopiki kauta aboma toxɨma o trexɨma iyoberabaramakɨ au nisɨri, akamanu ichepema yakaityo.

San Mateo 26:10

Onkoiti Jesús nuraxɨma, nanti ɨmoma: –¿Kausane abasikia kuata axɨna paɨx? Axɨna isamute saɨbuñɨ uxia.

San Mateo 28:20

Apiñununekasama nauki akokonauma ɨmo nanaiña nixhakɨpuku aume. Tapɨ axɨñɨ yasikia auchepe nanaiña naneneka, ichepe axtɨ iñatai nityakɨrux ɨmo axɨna kɨx.

San Marcos 14:7

Axɨbama taruku nityakisɨrɨkɨxɨma sɨsiomantai auna abaxɨpeku, axtɨ auxianka apisamuse axɨna uxia ɨmoma. Tapɨ axɨñɨ chiyasikiapɨ auna abaxɨpeku.

San Juan 12:8

Axɨbama taruku nityakisɨrɨkɨxɨma sɨsiomantai ñana abaxɨpeku, tapɨ axɨñɨ chiyasikiapɨ auna abaxɨpeku.

San Juan 13:33

Taruku naukuasɨrɨkɨ iñemo machurapataiki, chauki tɨsaimia mapakɨmunkutux iñemo chiyasikiaikipɨ auchepe. Axtɨ apapacheka iyoñɨ chichabɨkapɨ aboi, sukanañɨ aume takana nisura ɨmoma axɨbama ɨriatu axɨbama judíos: Chiyebopɨ aboi kauta niyɨkɨ.

San Juan 14:19

Tɨsaimia ñana nanenes auche axɨbama ikuki axɨna kɨx chasarapɨmañɨ, tapɨ axaño amasakañɨ. Tyopiki axtɨ isonka axɨñɨ isɨborikia tato, sobi ñana ausɨborikiaityo tato.

San Juan 16:28

Axɨñɨ isekatɨ ityupekukiti Iyaɨ auki napes nauki isetɨ iku axɨna kɨx, ta kaɨma onkono sobi axɨna kɨx nauki yɨrotɨ tato esati Iyaɨ.

San Juan 16:5

Tapɨ kaɨma yɨkatɨ nauki yasikia esati naki uiche aikɨpuruñɨ, champɨti naki abaxɨpekuki ñankitioti xhopɨnanakiñɨ kauta niyɨkɨ.

San Juan 17:11

“Axɨñɨ chiyasikiapɨ iku axɨna kɨx, axɨma sɨsioma iku axɨna kɨx tapɨ axɨñɨ yɨkatɨ tanu tato atupekukɨ. Iyaɨ, asasatɨ tyakuma ui nɨriaka takana axɨmanu toxio obi iñemo nauki sɨsioma chepe nakaxɨma, takana axɨkɨ saɨbuñɨ.

Hechos 3:21

Tapɨ axɨna kaɨma sɨsioti Jesucristo au napes chepextɨ tɨmokoñokono uiti Tupax axɨba isamutenti, takana nuraxɨma tɨkañe axɨbama profetas kusɨrɨboma usaɨbu.

Gálatas 2:10

Kunauntañantai namatɨ suiñemo tapɨ takɨrusu supakionko iyo axɨbama taruku nityakisɨrɨkɨxɨma, tyone axɨna taikiana isamune nuxia tyakuma.

1 Juan 3:17

Axtɨ tamanti naki taruku nenaxixhti astaiti ane nixhantɨmoti yarukityoxti, tapɨti champɨ isane toxio uiti ɨmoti, au nausasɨxti champɨ ñakumananaunkuxti Tupax.