San Mateo 24:7 - Manityanati Tupax

⁷ Tyopiki taman nación baiyo aɨbu kiatax mayɨriabuka baiyoma aɨbu makiataka. Ane ñana yarusɨrɨx kɨrɨpɨx ane axɨna kauta paichokonono kɨx.

Manitanati Tuparrü

⁷ Taman nación tiene que ahi aübu quiatarrü. Tamanti yüriaburrü tiene que ahiti aübuti quiatarrü. Tiene que ane carerrtiya, norrocorrü y tiene que apaichocono cürrü au nanaiñantai.

San Mateo 24:7 Cross References

San Lucas 21:11

Taruku nipiaichokonoko kɨx, champɨ ñana amutuburio anentyo noxokox au nanaiñantai, iku napes butusiu ñana axɨba ñɨnanache taruku napixhuku yarusɨrɨka axɨba oboiche atusi.

Hechos 11:28

Tamanti axɨpekukimia nɨrixhti Agabo, atɨraiti ui noñemaxti Espíritu Santo, nanti, ane ñana yarusɨrɨx kɨrɨpɨx iku nanaiña axɨna kɨx. Axɨmanu nuraxti uxiante, au axɨmanio naskɨbeka tɨkañe naukiche axti Claudio yɨriabuxti.

Hechos 2:19

Au napes takanaintyo iku axɨna kɨx omixhante ñana sobi axɨba champɨ tastaimia, ane ñana notox, pes anentyo nausixh iku axɨna kɨx.

Hebreos 12:27

Naukiche nanti “Kaɨma anantityo”, tusiu oemo ta bukaɨburu ñana uiti axɨba nisamukuxti, axɨba chebo aukaɨbu, nauki sɨsio axɨba chichebopɨ aukaɨbu.

Apocalipsis 6:12

Naukiche axɨmanu Nobixhax ikiompɨnata axɨmanu kiatax nityomoentox, yasaratɨ, auki tarukapae nipiaichokonoko kɨx. Otochebo sux, takana nusaibi axɨna kɨbɨsi. Nanaiña panx kɨturiki takana notox,

Apocalipsis 6:5

Naukiche axɨmanu Nobixhax ikiompɨnata axɨmanu kiatax nityomoentox, axti maniki kiatax sɨborikoti ñonkoi nuraxti: “¡Ariaku!” Auki yasaratɨ, yastai taman kabayux kɨbɨsi, axti maniki anati chaku ane mekuti taman mapesatax.

Apocalipsis 6:6

Axɨpekuma axɨmanuma cuatro sɨborikoma ñonkoi taman tosibixh nantɨ sane: “Tamantai nipesakax trigo ityobo taman sapes napachɨkoi, trextyo nipesakax noseox (cebada) ityobo taman sapes napachɨkoi. Tapɨ ensoratai aboi aceite chepe vino.”

Apocalipsis 6:8

Auki yasaratɨ, yastai taman kabayux, purusubiatai nikɨtɨpɨx, axti maniki anati chaku nɨrixhti konkox. Isiuti kuatati maniki kuatati au nɨri konkox, auki toxio ɨmoma ɨriakaboma ɨmo kɨmuintya nikɨmuintya axɨna kɨx, nauki atabaimia oboi nikomesɨma, ui kɨrɨpɨx, ui noxokox, oboityo numukianka ikuki axɨna kɨx.