San Mateo 24:6 - Manityanati Tupax

⁶ Axaño apipiate ñana baiyoma yupu nikomesɨma auna takanaintyo au pikiataka narɨkɨkixh. Tapɨ aupixhuka, tyopiki sane ñana uxiante. Axɨna sane chityonempɨ ñana nityakɨrux.

Manitanati Tuparrü

⁶ Amoncoi nüri guerra, itopiqui tiene que sane te, pero ta chütoneinquipü ñapacümuncuturrti Tuparrü.

San Mateo 24:6 Cross References

San Mateo 2:3

Chimastakaxɨpɨ ɨmoti yɨriabux Herodes naukiche onkoiti axɨna sane, saneityo axɨmanuma po'osoma au Jerusalén.

San Mateo 24:14

Axɨba omixha manityakax kɨtɨpɨ nɨriakax au napes tusiankana ñana sukarɨ namanaiña iku axɨna kɨx, nauki namanaiña mañoñɨnka asuputanema. Auki ñana iñatai nityakɨrux.

San Mateo 26:54

Axtɨ sane, ¿kausane uxiane axɨna nantɨ iku Nikorox, monantɨ uxiante ñana axɨna sane?

San Lucas 21:19

¡Apiña nuxia narukux aume, nauki tapɨ autapeneka!

San Lucas 21:9

Axtɨ apipiate aboma baiyoma yupu nikomesɨma, tapɨ aupixhuka, nanaiña axɨna sane tyone ñana axɨna kusɨrɨbo. Chityonempɨ, axɨmanu nityakɨrux kuatɨki.”

San Lucas 22:37

Tyopiki sukanañɨ aume, omixhankio ñana saɨbuñɨ axɨba nantɨ iku Nikorox: ‘Pakɨmunkunutityo axɨpekuma axɨbama chuxiampɨ nisɨborikixhimia.’ Nanaiña axɨna ane korobo sɨtɨpɨñɨ, ta omixhankio ñana.

San Juan 14:1

Auki nanti Jesús ɨmoma axɨmanuma nesaxti apóstoles: Tapɨ ausucheka, amonsotɨ ɨmoti Tupax amonkatityo iñemo.

San Juan 14:27

“Onkono sobi aume axɨna uxia. Toxio sobi aume axɨna uxia, tyopiki chisiupɨ takana nixhankaxɨma axɨbama ikuki axɨna kɨx. Tapɨ ausucheka tapɨ aupixhukaityo.

2 Tesalonicenses 2:2

tapɨ kiatax napakionko. Tapɨ aupixhuka axtɨ anati naki nanti tiñatai axɨmanu nanenes ɨmo niyekixhti tato Yɨriabux Jesús. Anati ñana naki mapañati ausukarɨ ta axti Espíritu Santo nanti ɨmoti axɨmanu sane, namatityo ta soboi sopiñununekanama namatityo ta sane supakonomoso ɨmoma.

Apocalipsis 6:4

Auki kuatɨ kiatax kabayux kɨturiki nikɨtɨpɨx. Axti Tupax toxio uiti ɨriakaboti maniki anati chaku nauki tapɨ ane uxia sɨborikixh iku axɨna kɨx nauki namanaiña mañoñɨnka aityabairomakɨ uixhimiantoe. Toxioityo ɨmoti taman kɨses axɨna tarukapae nityabaikixh.