San Mateo 24:10 - Manityanati Tupax

¹⁰ Au axɨmanio naneneka ñana sɨrɨmanama axɨbama oxonx ɨmoma ityopiki axɨna ñakokonaunkuxɨma, tɨborikoma aboma axɨbama koiñoma ñana ityopiki axɨna sane.

Manitanati Tuparrü

¹⁰ Au manu tiemporrü ñana mapaventecanama ümoti quiatarrü. Sürümanama bama ensoro pünanaquimia arrüna ñacoconauncurrüma iñemo. Tüboricomantai ümomantoe.

San Mateo 24:10 Cross References

San Mateo 10:21

“Axɨbama yarukityoxɨmantoe ityoximianama ñana axɨbama makiataka yarukityoxɨma ɨmo nikonkoxɨma, tapɨ axɨbama yaɨtoxɨma toxioma uimia aɨtoxɨmantoe. Axɨbama aɨtoxɨma champɨ ñana nikuaxɨma yaɨtoxɨma ɨmoma ityabairoma. Axɨbama mayaɨka tɨborikoma ɨmoma yaɨtoxɨma ñana sane naukiche ityabairoma ñana.

San Mateo 11:6

¡Taikiana chiyaupɨ nipukɨnunkuxti naki chensoropɨ uiti ñakokonaunkuxti iñemo!”

San Mateo 13:21

ityopiki champɨ nixhanakax, chɨsɨsiopɨma aɨbu. Axtɨ ityopiki axɨba omixhia manityakax takisɨrɨma oboi makokotox, axtɨ matanekanama ñɨnana makiataka, auki iñokotama axɨmanu manunekatax.

San Mateo 13:57

Chixhanxɨpɨma aikokoromati. Auki nanti Jesús ɨmoma: –Au nanaiña anaunuti profeta, tapɨ au nikɨxtiatoe autyo nipoxti chɨsanempɨ.

San Mateo 24:11

Kuamatɨ ñana sɨrɨmanama axɨbama chɨtɨpɨ profetas, sɨrɨmanama ñana axɨbama tapenekoma uimia.

San Marcos 13:12

Axɨbama yarukityoxɨmantoe ityoximianama ñana yarukityoxɨmantoe ɨmo nikonkoxɨma, ui yaɨtoxɨma ñana toxioma ɨmo nikonkoxɨma axɨbama aɨtoxɨmantoe. Axɨbama aɨtoxɨma champɨ ñana nikuaxɨma yaɨtoxɨma ɨmoma ta ityabairoma.

San Marcos 4:17

ityopiki champɨ niñuxanakax, chɨsɨsiopɨma yupu. Sane naukiche, axtɨ ityopiki axɨba omixhia manityakax takisɨrɨma oboi makokotoka, axtɨ matanekanama ñɨnana makiataka, iñokotama ñakokonaunkuxɨma.

San Lucas 21:16

Axaño ñana mapañama aukɨtɨpɨ axɨbama aubaɨtaiki, axɨbama aubarukiapatoe, axɨbama abarukibo axɨbamaintyo auturapataiki. Aboma ñana abaxɨpekuki koiñoma uimia,

2 Timoteo 1:15

Tɨtusiu aemo, axɨbama auki Asia iñokonomañɨ, axti Figelo axtityo Hermógenes.

2 Timoteo 4:10

Tyopiki axti Demas naki taruku nonxɨkɨxti yutaku axɨba ikuki axɨna kɨx, iñokonotiñɨ, sɨrotitɨ au Tesalónica. Tapɨti Crescente sɨrotitɨ au Galacia, tapɨti Tito sɨrotitɨ au Dalmacia.

2 Timoteo 4:16

Au axɨmanu kusɨrɨbo niyɨkɨx nixhokɨmaka chakuñɨantoe kutakikibo mayɨriabuka, champɨti anankati chepeñɨ. Namanaiña iñokonomañɨ. Tapɨ ane nɨmoche uiti Tupax axɨna sane yachɨkoimia.