San Mateo 23:13 - Manityanati Tupax

¹³ “¡Autakisɨrɨkatai ñana, axɨbama apanunekaka bakɨpukux uiti Moisés ichepetyo axɨbama fariseos, chapisamutempɨ axɨna amukanaño!, axaño apiñamata tyurux ɨmo napes tapɨ sɨromatɨpo makiataka. Axaño chamekapɨtɨpo, chichebopityo aboi aɨromatɨpo axɨbama xhanxɨma aɨromatɨpo.

Manitanati Tuparrü

¹³ ‛¡Autaquisürücatai arraño bama manunecana nüriacarrü y bama fariseorrü, mañapanca! ¿Causane apiñama nituru napese pünanaqui bama rranrrüma aüromampo? Arraño chamencapütüpo, ni chebopito aboi ariorrümampo bama ranrrü aüromampo auna cauta ane nüriacarrti Tuparrü.

San Mateo 23:13 Cross References

San Mateo 23:16

“¡Autakisɨrɨkatai ñana, masupusu auxianka aukusɨrɨ!, axaño amukanaño: ‘Axtɨ anati naki ane ensɨmunu uiti ityusiankatati kurusɨx au nɨri nipo meankax, champɨ kausane ui nuraxti. Tapɨ axtɨ ityusiankatati kurusɨx au nɨri oro auki nipo meankax, tyopiki sɨsioti aɨbu nebekixhti.’

San Mateo 23:23

“¡Autakisɨrɨkatai ñana axɨbama manunekanama bakɨpukux uiti Moisés ichepe axɨbama fariseos, chapisamutempɨ axɨna amukanaño!, axaño apiñata peese ɨmoti Tupax diez aruki nanaiña napakiyo, nanaiñaintyo axɨna apiñata kɨtu, ta champɨ nɨmoche aboi manunekatax axɨba taruku nobɨriakax kɨtɨpɨ bakɨpukux uiti Moisés, axɨna uxia mapanaunkux, axɨna naupukɨru tyaku makiataka axɨnaintyo napakokonaunku. Tyone axɨba uxiantamoebo aboi, tapɨ chapisamutempityo axɨmanu kiatax.

San Mateo 23:25

“¡Autakisɨrɨkatai axɨbama manunekana bakɨpukux uiti Moisés ichepe axɨbama fariseos, chapisamutempɨ axɨna amukanaño!, apiyaxɨbita auki tyɨrɨpo nauchapo axɨnaintyo aukiche aubaka, champɨ nɨmoche aboi axtɨ ataso ui napasɨpɨkɨ uityo nauxianka ane namenaxi.

San Mateo 23:27

“¡Autakisɨrɨkatai naña axɨbama manunekana bakɨpukux uiti Moisés ichepe axɨbama fariseos, chapisamutempɨ axɨna amukanaño!, axaño takana nikɨ makoiñoka purusubi auki tyɨrɨpo, tapɨ aukipo ataso oboi nipiai makoiñoka oboityo nanaiñantai axɨba chomixhampɨ.

San Mateo 23:29

“¡Autakisɨrɨkatai ñana axɨbama manunekana bakɨpukux uiti Moisés ichepe axɨbama fariseos, chapisamutempɨ axɨna amukanaño! apisamute nikɨxɨma axɨbama profetas apikoñokotaityo nausɨpɨtuxɨma axɨbama uxia nisɨborikixhimia tɨkañe,

San Mateo 3:7

Naukiche astaiti Kuan sɨrɨmanama axɨbama fariseos ichepe axɨbama saduceos sɨromatityo nauki ɨrimia uiti, nanti ɨmoma: “¡Nityakɨbaɨtu noixhoboka! ¿Ñakuti uiche uraboiti ausukarɨ ta amañekaka ñana pɨnanaki axɨmanu yarusɨrɨx nautakisɨrɨkɨ axɨna kuabotɨ?

San Lucas 11:52

“¡Autakisɨrɨkatai axaño, axɨbama manunekanama bakɨpukux uiti Moisés!, ityopiki aboi naka ñapanaunkuxti Tupax. Axaño chamekapɨtɨ isiuki chichebopityo aboi ɨmo axɨbama xhanxɨma aisamunema.”

San Juan 9:22

Namatɨ sane ui nixhukuxɨma ñɨnana axɨmanuma ɨriatu axɨbama judíos, ityopiki axɨma tɨchepe ñakionkoxɨma nauki aipenenomati tyɨrɨpo auki sinagoga axti naki ikokoroti Jesús axtɨ namati tyonenti Mesías.

San Juan 9:24

Axɨmanuma ɨriatuxɨma axɨbama judíos ityasurumati tatityo maniki supusuti tɨkañe, namatɨ ɨmoti: –Urasoi suisukarɨ axɨna ñemanauntu. Axɨsomɨ tusiu suiñemo axti maniki ñoñɨnx chiyaupɨ nomɨnantɨ uiti.

San Juan 9:34

Auki namatɨ ɨmoti: –Axɨkɨ, aka iku kɨx yupu nomɨnantɨ akɨtɨpɨkɨ, ¿axianka anuneka suiñemo? Auki aipenenomati tyɨrɨpo auki axɨmanu sinagoga.

Hechos 13:8

Tapɨti maniki ane nipiakati, nɨrixhti auki griego Elimas, chuxiampɨ ɨmoti axtɨ ikokotati nuraxti Tupax maniki yɨriabux.

Hechos 5:28

–Chauki tɨsukanasomɨ aume, tapɨ abasikiaiki apanuneka kɨtɨpɨti maniki ñoñɨnx nɨrixhti Jesús, chapikokota supakɨpuku. Namanaiña axɨbama po'osoma au Jerusalén apanityaka sukarɨma kɨtɨpɨti maniki ñoñɨnx, auxiankaityo apiña suiñemo nikonkoxti.

Hechos 5:40

Isiukaɨ maemenkoma tatityo iyoma axɨmanuma amonkoma isiuti Jesús, kɨborioma uimia. Namatɨ ɨmoma tapɨ asioma uraboimia nɨrixhti Jesús, auki emekanama uimia.

Hechos 8:1

Au axɨmanu tɨkañe nanenes namanaiña axɨbama ikokoromati Jesús auki Jerusalén matanekanama. Iñaxiomantai, sɨromatɨ au Judea au Samaria, tapɨ axɨbama apóstoles sɨsioma au Jerusalén. Au axɨmanu nanenes axɨmanuma ikokoromati Jesús matanekanama ñɨnanama axɨmanuma chuxiampɨ uimia ɨmoma au Jerusalén. Namanaiña iñaxiomantai, sɨromatɨ au Judea au Samaria, tapɨ axɨmanuma nesaxti apóstoles Jesús chiñaxipɨma.

2 Timoteo 3:8

Sane takanati Janes chepeti Jambrés chuxiampɨ ɨmoma nɨriakaxti Moisés, saneityo axɨma chuxiampɨ ɨmoma axɨna ñemanauntu. Axɨbama mañoñɨnka champɨ uxia au nityanuxɨma, champɨ nanenekiche ñakokokoxɨma.

2 Timoteo 4:15

Asasaityo nuxia ñɨnanati, tyopiki chuxiampɨ ɨmoti axɨna supanunekaka.