San Mateo 22:16 - Manityanati Tupax

¹⁶ Sane naukiche bakɨpuruma ɨmo makiataka axɨbama aboma isiuma, ichepe axɨmanuma aboma isiuti Herodes, nauki namatɨ ɨmoti: –Maestro, tusiu suiñemo axɨkɨ ukanɨ axɨna ñemanauntu, axɨkɨ ñemanauntu anunekaka kutubiux ɨmoti Tupax, chaiñatapɨ isiu niñapanaunku makiataka, chanityakapɨ nauki aye ɨmoma axɨna nixhantɨmoma.

Manitanati Tuparrü

¹⁶ Sane nauquiche bacüpuruma ümo bama ñanunecasarrüma ichepe manuma auqui nesarrti partidorrü Herodes nauqui aüromatü esati. Arrüma namatü ümoti Jesús: —Maestro, tusio suiñemo que ñemanauntu arrüna nura isucarü macrirrtianuca y aiñununecacama ito causane nauqui urria nisüboriquirrimia ümoti Tuparrü, y champü nümoche obi ñapensaca macrirrtianuca.

San Mateo 22:16 Cross References

San Mateo 22:24

–Maestro, nanti tɨkañe Moisés axtɨ anati naki koiñoti champɨma aɨtoxti, axti yarukityoxti tari aikianti ikɨpostoboti axɨmanu biurax, nauki anati aɨtoxti ɨmoti maniki yarukityoxti tɨkoiñoti.

San Mateo 22:26

Saneityo ɨmoti maniki segundo yarukityoxti, saneityo aɨbuti maniki tercero, saneityo aɨbuti maniki tyakɨrux yarukityoxɨma.

San Mateo 26:18

Aiñumuti nuraxɨma: –Amekosi au axɨmanio poka, au nipoxti maniki ñoñɨnx, amukanaño ɨmoti: ‘Nanti Maestro: Tɨsaimia mapakɨmunkutux iñemo, yɨkatɨ tanu au napo ipukɨnu ɨmo Paxkua aɨbuma axɨbama niyesa apóstoles.’

San Mateo 26:49

Sane, sɨrotitɨ esati Jesús, nanti: –¡Chamuxaume, Maestro! Auki iñatati naruxti isuti.

San Marcos 10:17

Naukiche tɨniyɨkɨxtityo Jesús, iñataiti taman ñoñɨnx yarukuxti, achesoiti esati, ankirioti pɨnanakiti: –Maestro axɨkɨ taruku nuxia obi, ¿kausane aye sobi axɨmanu nisɨboriki champɨ nityakɨrux?

San Marcos 12:13

Auki bakɨpuruma esati Jesús axɨpekukimia axɨmanuma fariseos ichepe axɨbama nesaxti apóstoles Herodes, xhanxɨmampɨ anityati axɨna chuxiampɨ nauki ane tyopikiche urabomati.

San Marcos 12:14

Auki sɨromatɨ namatɨ ɨmoti: –Maestro, tusiu suiñemo axɨkɨ ukanɨ axɨna ñemanauntu, chaiñatapɨ isiuki nuraxɨma mañoñɨnka, ityopiki chanityakapɨ isiuki nixhankaxɨma. Axɨkɨ ñemanauntu anunekaka nikutubiuxti Tupax. Urakɨ sane. ¿Ensapɨ uxia supache monixh ɨmoti yɨriabux aiki Roma, o chuxiampɨ?

San Marcos 3:6

Naukiche sɨromatɨ tyɨrɨpo axɨmanuma fariseos, bapacheroma nikiubuma chepe axɨmanuma nesaxti apóstoles Herodes kausane naukiche aityabairomati Jesús.

San Marcos 8:15

Nanti Jesús ɨmoma: –Amasasai nuxia ñɨnana axɨna nesaxɨma levadura axɨbama fariseos, ñɨnanaintyo nesaxti levadura Herodes.

San Lucas 20:21

Axɨbama ñankitioma pɨnanakiti: –Maestro, tusiu suiñemo axɨna ukanɨ ichepe nanunekaka ta besɨro, chaiñatapɨ isiu nixhanka mañoñɨnka. Axɨkɨ anunekaka ñemanauntu nikutubiuxti Tupax.

San Lucas 7:40

Auki nanti Jesús ɨmoti maniki fariseo: –Simón, ane nixhantɨmo suraboi asukarɨkɨ. Aiñumuti fariseo: –Urasoi sukarɨñɨ, maestro.

San Juan 14:6

Aiñumuti Jesús nuraxti: –Axɨñɨ tyone axɨmanu kutubiux, axɨna ñemanauntu axɨnaintyo sɨborikixh. Axtɨ chiyakapɨ, champɨti iyebo uiti esati Iyaɨ.

San Juan 18:37

Auki ñankitioti tatityo Pilato pɨnanakiti: –¿Sane, axɨkɨ yɨriabuxɨkɨ? Aiñumuti Jesús nuraxti: –Sane, obi uraboi axɨñɨ yɨriabuxɨñɨ. Axɨñɨ isekatɨ iku axɨna kɨx nauki suraboi axɨna ñemanauntu. Namanaiña axɨbama isuputakaimia axɨna ñemanauntu ta onkoimiaintyo nisura.

San Juan 7:18

Axti naki manityanati auki noñemaxtiatoe, yapachetioti nauki namanaiñantai uxia nastaxɨma ɨmoti. Tapɨti naki isamutenti axɨna noñemaxti naki uiche aikɨpuruti, tyonenti naki nanti axɨna ñemanauntu. Nanaiña uxia axɨna isamutenti.

2 Corintios 2:17

Axɨsomɨ chɨsomekapɨtɨ tanu supakobɨra ityobo nuraxti Tupax, takana isamutema makiataka. Chɨsanempɨ, supanityaka axɨna ñemanauntu sukarɨti Tupax, ui yakɨpukuxti suiñemo supanuneka aɨbuti Cristo.

2 Corintios 4:2

Sopiñokota axɨmanu tɨkañe nanaiña anekanatai soboi, takana axtɨ suisɨsoka. Chɨsupatachemakakapɨ chɨkiataxɨpityo supanunekaka nuraxti Tupax. Axɨsomɨ supanunekaka axɨna ñemanauntu, sane sopityoximiata ɨmo namanaiña takanaintyo ɨmoti Tupax nanaiña axɨna sopisamute.

2 Corintios 5:16

Sane naukiche, axɨsomɨ champɨti naki sopisuputakati takana ikuki axɨnantai kɨx, tɨkañe sane supakionko ɨmoti Cristo.

Gálatas 1:10

Axɨñɨ chiyapachekapɨ nauki uxia nastaxɨma mañoñɨnka iñemo, ta yapachetio nauki uxia nisɨboriki au nastaxti Tupax. Chiyapachetiopɨ uxia nisɨboriki aɨbu mañoñɨnka. ¡Axtɨ sane sobi, chɨtɨpɨ ɨmoti Cristo niyaserebiki!

Gálatas 2:6

Axɨmanuma mayɨriabuka champɨ isane iñonxikiatama nisura (axɨñɨ champɨ nɨmoche sobi axɨna nɨriakaxɨma, tyopiki axti Tupax chastaitipɨ nosɨboriki isiuki nosɨriaka).

1 Tesalonicenses 2:4

Axti Tupax uxia au ñakionkoxti sane naukiche aikɨpuruti somɨ, nauki suburaboi axɨba omixhia manityakax, tyone axɨna supachɨkoi. Chɨsupapachetiopɨ nauki uxia nastaxɨma makiataka suiñemo, kunauntañantai tari uxia ɨmoti Tupax, tyopiki tusiu ɨmoti axɨna ane au nuyausasɨ.

Santiago 3:17

Tapɨ axɨbama ane uimia ñapanaunkuxti Tupax, chisamutempɨma axɨna chuxiampɨ ta yapachetioma uxia uimia ɨmomantoe, makokonaunxɨma, taruku ñakumananaunkuxɨma aɨbu makiataka. Taruku nipukɨruxɨma tyaku axɨbama takisɨrɨma, taikiana besɨro nisɨborikixhimia isamutema axɨna uia.

1 Juan 5:20

Tusiuityo oemo axti Aɨtoxti Tupax kuatati tɨkañe aiñununekanati oñɨ nauki usuputarati naki ñemanaunkuxatoe Tupax. Usaka chepeti naki ñemanauntu Aɨtoxti Tupax axti Jesucristo. Tyonenti naki ñemanaunkuxatoe Tupax naki uiche naka champɨ nityakɨru nosɨboriki.