San Mateo 15:6 - Manityanati Tupax

⁶ Axtɨ anati naki nanti sane, chauki champɨki nɨmoche acheti nenaxixhti ɨmoti yaɨtoti ɨmointyo nipiakɨtoti. Ui axɨna sane, axaño apiñata peese nuraxti Tupax nauki amenotɨ yusiu axɨba napacheata apisamune.

Manitanati Tuparrü

⁶ Arrtü ananti naqui nanti sane, chauqui champü nümochequi ayurati ümoti yaütoti y ümo nipiacütoti. Ui arrüna sane aboi apiñocota yacüpucurrti Tuparrü yucuata arrüba napacüpucuatoe.

San Mateo 15:6 Cross References

San Mateo 15:5

Tapɨ axaño amukanaño tamanti ñoñɨnx ane nɨriakaxti nanti ɨmoti yaɨtoti ichepe nipiakɨtoti: ‘Chiyachekapɨ aemo niñenaxi, tyopiki nanaiña axɨna ane sobi tyone toxiobo sobi ɨmoti Tupax.’

San Mateo 15:7

¡Axaño chapisamutempɨ axɨna amukanaño! Ñemanauntu nuraxti profeta Isaías tɨkañe aukɨtɨpɨ, naukiche nanti:

San Marcos 7:13

Sane apiñakio pe'ese nuraxti Tupax oboi axɨmanio napacheata apisamune auki omenotityo ɨmo axɨbama kuamatiki ausiu. Sɨrɨmanainki pikiataka apisamukio tyoneantoe nubakax.

Romanos 3:31

Kausane kaɨma, ¿ui numakokonaunku champɨki nɨmoche axɨmanu bakɨpukux uiti Moisés? ¡Chɨsanempɨ! Uixh usurapoi axɨmanu bakɨpukux uiti Moisés taruku nɨmoche.

1 Timoteo 5:16

Axtɨ anati ñoñɨnx chepe paɨx axɨbama ikokoromati Jesucristo ane biurax au nipoxɨma, tari asaramatɨ tyaku tapɨ onkomatapae ɨmo axɨbama ikokoromati Jesús. Sane axɨbama ikokoromati Jesús tari asaramatɨ yutaku axɨba biuraka champɨti asarabotɨ yutaku.

1 Timoteo 5:8

Tyopiki axti naki chasaratitɨpɨ tyakuma axɨbama yarukityoboti takanaintyo axɨbama aɨtoxti chisamutentipɨ takana axɨbama ikokoromati Jesús, isamutenti takanati naki champɨ tisuputarati Tupax.