San Mateo 13:3 - Manityanati Tupax

³ Auki manityanati ɨmoma aruki nanaiñantai oboi machepekataka. Nanti ɨmoma: “Tamanti ñoñɨnx sɨrotitɨ anti kɨtu.

Manitanati Tuparrü

³ Auqui manunecanati ümoma aruqui nanaiñantai. Urapoitito isucarüma arrüna machepecatarrü sane: —Tamanti ñoñünrrü sürotitü ancütuti au niyorrti.

San Mateo 13:3 Cross References

San Mateo 13:4

Isiu niñankaxti kɨtu, abe axɨba omenobokɨtu uiti bupakio isiu kutubiux, kuantio nutaumanka yubario.

San Mateo 13:53

Naukiche tɨchauki ñanunekakaxti Jesús oboi axɨba machepekataka, sɨrotitɨ aukimanu

San Mateo 22:1

Auki manityanati tatityo Jesús ɨmoma oboi machepekataka. Nanti ɨmoma:

San Mateo 24:32

“Apipia ɨmo axɨna manunekatax kɨtɨpɨ nutachens: Axtɨ nipiax aɨbapae abe tato nasux, tɨtusiu aume tɨsaimia tyanaunx.

San Marcos 12:1

Axɨna ta tyone axɨmanu taman machepekatax uiti Jesús naukiche manunekanati ɨmo mañoñɨnka: “Tamanti ñoñɨnx manati kɨtu uva au niyoxti auki iñatati axipobo. Masamunutityo kauta uxiane vino uxiantentyo uiti pox petaisɨrɨ aukiche asaratitɨ tyaku nanaiña. Auki ityoximiatati ɨmo makiataka axti sɨrotitɨ amenti.

San Marcos 12:12

Auki xhanxɨma aiñenomati Jesús, ityopiki tusiu ɨmoma axɨna ñachepekataxti ta ɨmoma. Ui nixhukuxɨma ñɨnana makiataka, iñokonomati sɨromatityo.

San Marcos 3:23

Atasuti Jesús ɨmoma, aiñanti ɨmoma axɨna machepekatax, nanti sane: “¿Kausane apeneti Chobores ɨmotiatoe?

San Marcos 4:13

Nanti ɨmoma: “¿Chiyebopɨ aboi axɨna machepekatax? ¿Kausanempɨ ayetyo aboi axɨba pikiataka?

San Marcos 4:33

Sane ñanunekakaxti Jesús ɨmoma axɨba omixhia manityakax, oboi machepekataka takana axɨba, isiu axɨna iyebo uimia.

San Lucas 12:41

Ñankitioti Peru pɨnanakiti: –Axɨkɨ Yɨriabux, ¿ukanɨ axɨna machepekatax suiñemoantai, ensapɨ ɨmointyo namanaiña?

San Lucas 8:10

Nanti ɨmoma: “Aume toxio uiti Tupax nauki ausuputario axɨba champɨ tamastai au nɨriakaxti. Tapɨ ɨmo makiataka xhanityaka oboi machepekataka, sane naukiche tai asaramatɨ ta champɨ astaimia, onkoimia champɨ iyebo uimia.

San Juan 16:25

“Surapoi ausukarɨ nanaiña axɨba sane oboi machepekataka. Tɨsaimia ñana axɨna auche chixhanunekakaikipɨ aume oboi machepekataka, ta xhanityaka kaɨma aume nanaiña kɨtɨpɨti Iyaɨ.