San Mateo 13:22 - Manityanati Tupax

²² Axɨmanu sɨrobo kɨtu sɨro omeana kɨmeka tyone takana axɨbama onkoimia axɨba omixhia manityakax, ityopiki axɨba nenaxixhimia ikuki axɨna kɨx taruku ñakionkoxɨma yubapa tapenekoma oboi. Nanaiña axɨba sane chichebopɨ oboi aisamunema axɨba omixhia.

Manitanati Tuparrü

²² Arrümanio niyoca omeno cütu omeana cümeca, isiu tacana bama oncoimia arrüna nurarrti Tuparrü, pero ñana manrrü aboma yusiu arrüba nenarri nantai cürrü. Itopiqui tarucapae penarrü uimia iyo nisüboriquirrimia. Ui arrüna sane ñapensacarrüma, tacürusu ñaquioncorrüma iyoti Tuparrü.

San Mateo 13:22 Cross References

San Mateo 12:32

Axti Tupax xhimiakanaintyo uiti ɨmoti naki manityanati axɨba chomixhampɨ kɨtɨpɨti Aɨtoxti ñoñɨnx. Tapɨ ɨmoti naki manityanati axɨba chomixhampɨ kɨtɨpɨti Espíritu Santo, chɨxhimiakanapɨ ɨmoti au axɨba naskɨbeka kaɨma, saneityo au axɨba naskɨbeka kuantionki.

San Mateo 13:39

tapɨti maniki chuxiampɨ uiti ɨmoti maniki iyoche tyonenti chobores. Axɨmanu naɨbuku niyakiyoxti maniki iyoche tyone ñana nityakɨrux ɨmo axɨna kɨx, axɨmanuma uiche aiñaɨbuma tyonema axɨbama ángeles.

San Mateo 13:40

Sane takana axɨmanu chuxiampɨ naxchopɨro takɨmanaunkunu aɨro oto pes, saneityo ñana au nityakɨrux ɨmo axɨna kɨx.

San Mateo 13:7

Axɨmanio pikiataka omenobo kɨtu bupakio omeana kɨmeka, axɨmanio kɨmeka musunau opityamuxikianio.

San Lucas 12:15

Nantityo ɨmoma: –Amasasai nuxia ñɨnana taruku nauxianka chiyaupɨ namenaxi. Ityopiki axɨna sɨborikixh chiyebopɨ osoi ui sɨrɨmana noñenaxi.

San Lucas 12:21

Sane uxiante ɨmoti ñoñɨnx naki iñaɨbutati nenaxixhti tyakutiatoe, tapɨ kutakikiboti Tupax chiyaupɨ nityakisɨrɨkɨxti.”

San Lucas 21:34

“Amasasai nuxia tapɨ chebo aboi ɨmo nabausasɨ champɨ onkisio oboi axɨba chomixhampɨ, axɨba norisɨbakax axɨnaintyo nauxiantɨmo ɨmo namenaxi iku axɨna kɨx, nauki au axɨmanu nanenes ñana tapɨ autabɨkatai

San Lucas 8:14

Axɨmanu sɨrobo kɨtu pakio eana nansaɨbox takana axɨbama onkoimia, taikiana simia iñokotama ityopiki taruku ñakionkoxɨma yubapa chɨtamampatai, nenaxixhimia takana nipukɨnunkuxɨma au nisɨborikixhimia, sane naukiche champɨ uxia isamutema.

Hechos 8:18

Axti Simón, astaiti kuatati Espíritu Santo naukiche axɨmanuma nesaxti apóstol Jesús iñatama ne'esɨma ityama, xhanxti acheti monixh ɨmoma axɨmanuma amonkoma isiuti Jesús,

Romanos 12:2

Tapɨ abasikia sane aɨbu axɨna nausɨboriki kaɨma, ta apikoñoko napakionko sane nauki apikoñoko nausɨboriki saneityo apisuputarai noñemaxti Tupax, tyone axɨna uxia axɨnaintyo besɨro nausɨboriki.

1 Corintios 1:20

¿Kauta nakaxti naki taruku nipiakaxti? ¿Kauta nakaxti naki ipiakati anunekati, axtityo naki ipiakati uratokiti yokɨtɨpɨ nanaiña axɨba ikuki axɨna kɨx? ¡Nanaiña nipiakaxɨma axɨbama ikuki axɨna kɨx champɨ nanenekiche ɨmoti Tupax!

1 Corintios 2:6

Axtɨ sane, manityaka nuipiaka aɨbuma axɨbama tɨñemanaunkuxatoe isuputaramati Tupax. Ta chɨtɨpɨ nipiakaxɨma axɨbama ikuki axɨna kɨx, champɨityo axtɨ nipiakaxɨma axɨbama ɨriatuxɨma.

1 Corintios 2:8

Tyone kaɨma axɨna chiyebopɨ ui mayɨriabuka ikuki axɨna kɨx, tyopiki axtɨ iyebopɨ uimia chityakubaxiromatipɨ kɨtɨpɨ kurusɨx naki yarusɨrɨx Yɨriabux ɨmo nanentax.

1 Corintios 3:18

Tapɨ autapeneka aboiyapatoe: axtɨ anati naki abaxɨpekuki au ñakionkoxti taruku nipiakaxti iku axɨna kɨx, tari aisamunenti takanati naki champɨ nipiakaxti, sane tyonenti ñana naki taruku nipiakaxti.

2 Corintios 4:4

Tyopiki axɨma chikokotapɨma, axti naki tupax ikuki axɨna kɨx (axti chobores) uiti tabuxio ñapanaunkuxɨma, nauki tapɨ astaimia nanentakax axɨba omixhia manityakax uiti Yɨriabux Jesús, tyone axɨna sɨboriko nausɨpɨtuxti Tupax.

Gálatas 1:4

Ityoximianatiyɨ Jesús ɨmo nikonkoxti yotopiki nomɨnantɨ osoi, nauki aixhimiakati oemo nomɨnantɨ iku axɨna kɨx au axɨba naskɨbeka kaɨma, takana noñemaxti Tupax naki Uyaɨ.

Efesios 2:2

au nausɨboriki, tyopiki amekatɨ yusiu ñapanaunkuxɨma axɨbama ikuki axɨna kɨx, apisamute noñemaxti Chobores naki yɨriabuxti iku axɨna kɨx yɨriabuxtityo ɨmoma makiataka machoboreka naki bakɨpuruti ɨmoma axɨbama chɨmakokonaumpɨma ɨmoti Tupax.

1 Timoteo 6:17

Axɨbama taruku nenaxixhimia iku axɨna kɨx, ukanɨ ɨmoma tapɨ onkomatɨapae ɨmo nenaxixhimia, tyopiki champɨ nanenekiche axɨmanio nenaxixhimia tari onkomatɨ ɨmoti Tupax naki sɨborikoti, tyonenti naki uiche aityoximiati oemo nanaiña nuxiantɨmo, nauki uxia nusaka oboi.

2 Timoteo 4:10

Tyopiki axti Demas naki taruku nonxɨkɨxti yutaku axɨba ikuki axɨna kɨx, iñokonotiñɨ, sɨrotitɨ au Tesalónica. Tapɨti Crescente sɨrotitɨ au Galacia, tapɨti Tito sɨrotitɨ au Dalmacia.