San Mateo 13:21 - Manityanati Tupax

²¹ ityopiki champɨ nixhanakax, chɨsɨsiopɨma aɨbu. Axtɨ ityopiki axɨba omixhia manityakax takisɨrɨma oboi makokotox, axtɨ matanekanama ñɨnana makiataka, auki iñokotama axɨmanu manunekatax.

Manitanati Tuparrü

²¹ Pero chipiacapüma asamuma tairri. Ui arrüna ñacoconauncurrüma ümoti Tuparrü, taquisürüma y aboma bama tüboricomantai ümoma. Sane caüma orratorrtai iñocotama arrüna ñacoconauncurrüma ümoti Tuparrü.

San Mateo 13:21 Cross References

San Mateo 10:22

Namanaiñantai tɨborikoma ñana aume auki niyaka. Naki chɨbatachebopɨ aɨbu ñakokonaunkuxti ichepe nityakɨrux, tyonenti naki iyebo ñana uiti isɨborikiboti.

San Mateo 11:6

¡Taikiana chiyaupɨ nipukɨnunkuxti naki chensoropɨ uiti ñakokonaunkuxti iñemo!”

San Mateo 13:20

Axɨmanu sɨrobo kɨtu pakio omeana kanka tyone takana axɨbama onkoimia axɨba omixhia manityakax yasutiuma aɨbu nipukɨnunkuxɨma,

San Mateo 13:57

Chixhanxɨpɨma aikokoromati. Auki nanti Jesús ɨmoma: –Au nanaiña anaunuti profeta, tapɨ au nikɨxtiatoe autyo nipoxti chɨsanempɨ.

San Mateo 13:6

Naukiche tɨtane ape sux, kɨxubu uixh, tyopiki champɨ nuxia nixhanakax, sane naukiche sɨɨbo.

San Mateo 24:13

Tapɨti naki iñatati nuxia chepe nityakɨrux, añekanati ui nikonkoxti.

San Mateo 26:31

Nanti Jesús ɨmoma: –Namanaiña axaño kaɨma axɨna tobixh ensoro amopɨnanaki napakokonaunku iñemo. Sane nantɨ iku axɨba Nikorox: ‘Ityabaikiati naki asaratitɨ yutaku nobixhaka, tapɨ nobixhaka kaɨma omiñaxinaña.’

San Mateo 26:33

Aiñumuti Peru nuraxti: –Axtɨ makiataka ensoro ñakokonaunkuxɨma aemo, axɨñɨ chiñensonokotapɨ.

San Marcos 4:17

ityopiki champɨ niñuxanakax, chɨsɨsiopɨma yupu. Sane naukiche, axtɨ ityopiki axɨba omixhia manityakax takisɨrɨma oboi makokotoka, axtɨ matanekanama ñɨnana makiataka, iñokotama ñakokonaunkuxɨma.

San Lucas 8:13

Axɨmanio sɨrobo kɨtu bupakio omeana kanka takana axɨbama onkoimia axɨba omixhia manityakax yasutiuma aɨbu nipukɨnunkuxɨma, champɨ nixhanakax. Ikokotama mantukubatai naneneka, axtɨ ane makokotox ɨmoma iñokotama.

San Juan 6:26

Nanti Jesús ɨmoma: –Ñemanauntu sukanañɨ aume axaño abekatɨ isiuñɨ ityopiki aubaka sobi chepe nababe, chiyubapapɨ axɨba champɨ tamastai isamukio ausukarɨ nauki aye aboi.

Romanos 2:7

Toxio ñana uiti isɨborikiboma axɨna champɨ nityakɨrux, ɨmoma axɨbama yapachetioma nanentakax manaunkux ɨmoti Tupax, taikiana aisamunema axɨna uxia.

Gálatas 5:6

Chapie ɨmoti Cristo Jesús, chauki champɨki nɨmoche axtɨ circuncidabo oñɨ o champɨ. Axɨna ane nɨmoche tyone axɨna numakokonaunku, axɨna numakokonaunku axtɨ uisamute tyaku makiataka.

Gálatas 6:12

Axɨmanuma xhanxɨma aityachemakanama año nauki apasuriu axɨmanu circuncisión, isamutema sane nauki uxia nisɨborikixhimia au nastaxɨma makiataka tapɨ tɨborikoma kuatama tyopiki nikurusɨxti Cristo.

Gálatas 6:15

Champɨ nɨmoche axtɨ circuncidabo oñɨ o champɨ. Axɨna ñemanauntu uxia tyone axɨna iyebo tato nosɨboriki aɨbuti Cristo.

Efesios 3:17

tari sɨsioti Cristo au nabausasɨ auki axɨna napakokonaunku, tari axɨna napakumananaunku tyone nityɨmo nausɨboriki.

Filipenses 1:6

Tusiu iñemo ta axti Tupax, isamutenti axɨba omixhia yachɨkoiti aupu chepe axtɨ kuatati tato Jesucristo iku axɨna kɨx.

2 Timoteo 1:15

Tɨtusiu aemo, axɨbama auki Asia iñokonomañɨ, axti Figelo axtityo Hermógenes.

2 Timoteo 4:10

Tyopiki axti Demas naki taruku nonxɨkɨxti yutaku axɨba ikuki axɨna kɨx, iñokonotiñɨ, sɨrotitɨ au Tesalónica. Tapɨti Crescente sɨrotitɨ au Galacia, tapɨti Tito sɨrotitɨ au Dalmacia.

Santiago 3:2

Namanaiña axoñɨ sɨrɨmana nuipɨnate, axtɨ anati naki champɨ nipɨnatenti auki nuraxti, axti maniki ñoñɨnx besɨro nisɨborikixhti, ipiakatityo asaratitɨ tyakutiatoe.

1 Pedro 1:5

Ui axɨna apikokokati Tupax, sane naukiche okɨmanati autaku ui nɨriakaxti, nauki ane maximiakatax aume sane takana nixhankaxti au axɨba kaɨma naneneka.

Apocalipsis 2:13

Tusiu iñemo axɨkɨ poosokɨ kauta ane yarusɨrɨx nɨriakaxti chobores. Tapɨ axɨkɨ chaiñokotapɨ nisuasɨrɨkɨ aemo. Chaiñokotapityo nakokonaunku iñemo, chɨkiataxɨpɨ nakionko naukiche ityabairomati Antípas au axɨmanio poka kauta po'osoti chobores, naki ityusiankatati ta onkotitɨ nantax iñemo.