San Mateo 11:6 - Manityanati Tupax

⁶ ¡Taikiana chiyaupɨ nipukɨnunkuxti naki chensoropɨ uiti ñakokonaunkuxti iñemo!”

Manitanati Tuparrü

⁶ Aburasoi ito isucarüti arrüna sane: Urriampae nacarrüma bama oncomatü nurria iñemo.

San Mateo 11:6 Cross References

San Mateo 13:21

ityopiki champɨ nixhanakax, chɨsɨsiopɨma aɨbu. Axtɨ ityopiki axɨba omixhia manityakax takisɨrɨma oboi makokotox, axtɨ matanekanama ñɨnana makiataka, auki iñokotama axɨmanu manunekatax.

San Mateo 18:7

¡Chɨkoñopɨtɨ ɨmo axɨna kɨx abe sɨrɨmana axɨba oboiche aɨromatɨ au nomɨnantɨ! Uxia axtɨ ane, ta ¡chiyaupɨ ñana nityakisɨrɨkɨxti naki ñoñɨnx uiche aɨromatɨ au nomɨnantɨ makiataka!

San Mateo 24:10

Au axɨmanio naneneka ñana sɨrɨmanama axɨbama oxonx ɨmoma ityopiki axɨna ñakokonaunkuxɨma, tɨborikoma aboma axɨbama koiñoma ñana ityopiki axɨna sane.

San Mateo 26:31

Nanti Jesús ɨmoma: –Namanaiña axaño kaɨma axɨna tobixh ensoro amopɨnanaki napakokonaunku iñemo. Sane nantɨ iku axɨba Nikorox: ‘Ityabaikiati naki asaratitɨ yutaku nobixhaka, tapɨ nobixhaka kaɨma omiñaxinaña.’

San Mateo 5:29

“Saneityo, axtɨ ui nepanaunku nasɨto atapeneka uixh au nomɨnantɨ, aikiaɨbu akɨtɨpɨkikɨ arusaɨbu iche apɨnanakikɨ. Tyopiki uxia axtɨ ensoro taman narɨkɨki nakɨtɨpɨ, pɨnanaki nanaiña nakɨtɨpɨ peneko au infierno.

San Marcos 6:3

¿Chɨtyonentipɨ carpinterux naki, naɨto Mariax, yarukityoxti Santiago, axti Kiosen, axti Judas axtityo Simón? ¿Axɨba nikiastyoti bopo'oso auna uyaxɨpeku? Chikokoromatipɨ.

San Lucas 2:34

Auki kurusɨoma uiti Simeón, nantityo ɨmo Mariax, nipiakɨtoti Jesús: –Asasatɨ, maniki simia samamekanati aisamunenti nauki sɨrɨmanama auki Israel atapenema o atɨraimia. Tyonenti ñana naki uiche atusi ta sɨrɨmanama axɨbama chuxiampɨ ɨmoma,

San Lucas 7:23

¡Taikiana chiyaupɨ nipukɨnunkuxti naki chensoropɨ uiti ñakokonaunkuxti iñemo!

San Juan 16:1

“Sukanañɨ aume axɨba sane nauki tapɨ ensoro napakokonaunku iñemo.

San Juan 6:66

Sane naukiche sɨrɨmanama axɨbama amonkoma isiuti onkonoti uimia,

1 Corintios 2:14

Tapɨti naki ñoñɨnx ikuki axɨnantai kɨx, chiyasutiutipɨ axɨba noñemaxti Espíritu Santo uiti Tupax, tyopiki chɨsamianapɨ ɨmoti. Tyone chiyebopɨ uiti, tyopiki nanaiña axɨba sane tari uiti Espíritu Santo asaraiti.

Gálatas 5:11

Tapɨ axɨñɨ, masarukityaiki, axtɨ yakaikipɨ xhanunekaka kɨtɨpɨ axɨmanu circuncisión, champɨ nɨmochepɨñɨ uimia axɨbama judíos, chɨnampɨtɨpɨ ɨmoma axɨmanu manityakax kɨtɨpɨ nikonkoxti Cristo kɨtɨpɨ kurusɨx.

1 Pedro 2:8

Iku Nikorox nantityo Sane: “Tyone axɨna kanx uiche sɨrɨmanama ñana taɨbɨkoma.” Axɨma taɨbɨkoma ñana axtɨ chikokotapɨma axɨmanio omixhia manityakax: tyone axɨna toxiobo ɨmoma.